జాతీయ వార్తలు
ఇదెక్కడి అన్యాయం?
S ,7 à 8 RSCA (si SASPAS) et 6 cialis pharmacie cialis rapports de stage.
న్యూడిల్లీ, మార్చి 14: అంతర్జాతీయ మార్కెట్‌లో ముడి చమురు ధరలు తగ్గటం వలన కలిగే ప్రయోజనాన్ని వినియోగదారులకు దక్కనీయకుండా నరేంద్ర మోదీ ప్రభుత్వం తన్నుకుపోతోందని కాంగ్రెస్ అధికార ప్రతినిధి అజయ్ మాకెన్ ఆగ్రహం వ్యక్తం చేశారు. అంతర్జాతీయ మార్కెట్‌లో ముడి చమురు ధరలు తగ్గిన మేరకు దేశంలో పెట్రోలు, డీజిల్ ధరలు తగ్గించాలని ఆయన శనివారం విలేఖరుల సమావేశంలో డిమాండ్ చేశారు. అంతర్జాతీయ మార్కెట్‌లో ముడి చమురు ధరలు తగ్గిన మేరకు పెట్రోలు, డీజిల్ ధరలు తగ్గించకుండా ఎక్సైజ్ పన్ను పెంచి తద్వారా ఖజానాను నింపుకోవడం అన్యాయమని మాకెన్ దుయ్యబట్టారు. అంతర్జాతీయ మార్కెట్‌లో ముడి చమురు ధరలు తగ్గటం వలన కేంద్ర ప్రభుత్వానికి మూడు లక్షల నలభై వేల కోట్ల అదనపు ఆదాయం లభించిందని ప్రధాన మంత్రి ఆర్థిక సలహాదారు నీలేష్ స్వయంగా అంగీకరించారని ఆయన గుర్తుచేశారు. చమురు ధరలు తగ్గిన మేరకు పెట్రోలు, డీజిల్ ధరలను తగ్గిస్తే వినియోగదారులకు దాదాపు మూడు లక్షల నలభై వేల కోట్ల రూపాయల ప్రయోజనం కలిగేదని, అయితే కేంద్ర ప్రభుత్వం ఎక్సైజ్ పన్ను, రోడ్డు పన్ను పెంచటం ద్వారా ప్రజలకు అందాల్సిన ప్రయోజనాన్ని తన్నుకుపోయిందని ఆయన ఆరోపించారు. ఎన్‌డీఏ ప్రభుత్వం పెట్రోలు, డీజిల్ ధరలను తగ్గించాలని ఆయన డిమాండ్ చేశారు. అంతర్జాతీయ మార్కెట్‌లో ముడి చమురు ధర బ్యారల్‌కు 35 డాలర్లకు తగ్గినందున ఈ మేరకు దేశంలో పెట్రోలు, డీజిల్ ధరలు తగ్గాలని మాకెన్ విజ్ఞప్తి చేశారు. ప్రధాన మంత్రి మోడీ, హోం శాఖ మంత్రి అమిత్ షా దేశ ప్రజలను దోచుకుంటున్నారని ఆయన ఆరోపించారు. అంతర్జాతీయ మార్కెట్‌లో ముడి చమురు ధరలు తగ్గిన మేరకు దేశంలో పెట్రోలు, డీజిల్ ధరలు తగ్గించాలి, పెట్రోలియం ఉత్పత్తులను జీఎస్‌టీ పరిధిలోకి తీసుకురావాలన్నది కాంగ్రెస్ పార్టీ డిమాండ్ అని మాకెన్ స్పష్టం చేశారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.