జాతీయ వార్తలు
కరోనా ఎఫెక్ట్..‘పద్మ’ అవార్డుల వేడుక వాయిదా
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మార్చి 14: కరోనా ప్రభావం అన్నింటిపైనా పడింది. ఈనెల 26, ఏప్రిల్ 3న జరగాల్సిన పద్మ అవార్డుల వేడుకలు నిరవధికంగా వాయిదా పడ్డాయి. కేంద్ర ప్రభుత్వం ఇచ్చే పద్మ అవార్డులు దేశంలోనే అత్యంత ప్రతిష్టాత్మకమైనవి. పద్మ విభూషణ్, పద్మ భూషణ్, పద్మశ్రీ కింద మూడు కేటగిరిల్లో అవార్డులు ఇస్తారు. ముందు నిర్ణయించిన ప్రకారం మార్చి 26, ఏప్రిల్ 3న పద్మ అవార్డుల ప్రదానం జరగాలి. అయితే దేశ వ్యాప్తంగా కుదిపేస్తున్న కరోనా వైరస్ వల్ల వేడుకలు వాయిదా వేసినట్టు కేంద్ర హోం మంత్రిత్వశాఖ వెల్లడించింది. ప్రతి సంవత్సరం గణతంత్ర దినోత్సవం నాడు పద్మ అవార్డులు ప్రకటిస్తారు. వివిధ రంగాల్లో విశేష ప్రతిభ, సేవలందించిన వ్యక్తులకు పురస్కారాలు ఇస్తారు. ఈ ఏడాది రాష్టప్రతి 141 అవార్డులకు ఎంపిక చేశారు. అందులో ఏడు పద్మ విభూషణ్, 16 పద్మ భూషణ్, 118 పద్మశ్రీలు. ఈసారి పద్మ విభూషణ్ అవార్డులు మాజీ కేంద్ర మంత్రులు అరుణ్‌జైట్లీ, సుష్మా స్వరాజ్, జార్జి ఫెర్నాండెజ్(చనిపోయిన తరువాత)కు ప్రకటించారు. అలాగే దివంగత మాజీ రక్షణ మంత్రి మనోహర్ పారికర్, మాజీ గవర్నర్ ఎస్‌సీ జమీర్‌కు పద్మ భూషణ్ పురస్కారం ప్రకటించారు. కళలు, సామాజిక సేవ, ప్రజా సేవ, సైన్స్, ఇంజనీరింగ్, వాణిజ్యం, పరిశ్రమలు, వైద్యం, సాహిత్యం, విద్య, క్రీడలు, పౌర సేవలు తదితర రంగాల్లో కృషి చేసిన వ్యక్తులకు ఈ అత్యున్నత పద్మ పురస్కారాలు అందిస్తారు. రాష్టప్రతి భవన్‌లో జరిగే వేడుకల్లో అవార్డుల ప్రదానోత్సవం ఉంటుంది. ఈసారి కరోనా ప్రభావం వల్ల వేడుకలు వాయిదా వేశారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.