జాతీయ వార్తలు
మా నాన్నా-నేనూ ఒకే క్లాస్‌లో..
S ,7 à 8 RSCA (si SASPAS) et 6 cialis pharmacie cialis rapports de stage.
లక్నో, ఆగస్టు 17: తండ్రీ కొడుకులిద్దరూ కలిసి ఒకే కాలేజీలో చదవడం, ఒకే హాస్టల్ ఉండటం ఎక్కడైనా చూశారా? కాని వాజపేయి జీవితంలో ఇది నిజంగా జరిగింది. వాజపేయి, ఆయన తండ్రి పండిట్ కృష్ణ బిహారీలాల్ వాజపేయి ఇద్దరూ కలిసి కాన్పూరులోని కాలేజీలో లా చదివారు. తొలుత వారిద్దరూ ఒకటే క్లాసులో, ఒకటే హాస్టల్‌లో సైతం ఉండేవారు. ఇదే విషయాన్ని 2002-03లో పబ్లిష్ అయిన కాలేజీ మేగజైన్‌లో రాసిన ఆర్టికల్‌లో వాజపేయి వివరించారు. ఇలా జరగడానికి గల నేపథ్యాన్ని కూడా ఆయన తెలియజేశారు. ‘అది 1945-46. నా బిఏ చదువు పూర్తయ్యింది. పై చదువులకు వెళ్దామని ఆశపడ్డా.. కాని అప్పటికే మా నాన్న ప్రభుత్వ టీచర్‌గా పనిచేసి రిటైర్ అయ్యారు. ఇంట్లో పెళ్లికెదిగిన ఇద్దరు చెల్లెళ్లు. ఇటువంటి పరిస్థితుల్లో పై చదువుల మీద ఆశ వదులుకున్నాను. అయితే అదృష్టవశాత్తు నా గురించి తెలిసిన గ్వాలియర్ మహారాజ శ్రీమంత్ శివాజీరావు సిందియా నా చదువు నిమిత్తం నెలకు 75 రూపాయలు, ఇప్పుడది (2002-03కు 200 రూపాయలతో సమానం) ఇవ్వడానికి సమ్మతించారు. దీంతో నేను కాన్పూరులోని డిఎవి కాలేజీలో లా కోర్సులో చేరాను’ అని వివరించారు. తన పెద్దన్నయ్య అప్పటికే అదే కాలేజీలో చదువుతున్నాడని, తాను కాలేజీలో చేరిన కొద్దిరోజులకే హఠాత్తుగా తన తండ్రి కూడా అదే కాలేజీలో లాకోర్సులో చేరాడని, 30 సంవత్సరాల పాటు ఉపాధ్యాయ వృత్తిలో ఉండి రిటైరైన తర్వాత ఈ చదువేంటి అని అందరూ ఆశ్చర్యం వ్యక్తం చేశారని వాజపేయి తన ఆర్టికల్‌లో వివరించారు. తొలుత తమ ఇద్దరినీ ఒకే క్లాస్‌లో ఉంచారని, ఎప్పుడైనా మా నాన్న ఆలస్యంగా వస్తే ‘మీ నాన్న గారు ఎక్కడికి మాయం అయిపోయారు?’ అని, నేను ఆలస్యంగా వస్తే మా మా నాన్నగారితో ‘మీ అబ్బాయి కన్పించడం లేదే?’ అని ఆటపట్టించే వారని వాజపేయి పేర్కొన్నారు. తర్వాత తన తండ్రిని వేరే తరగతికి మార్చాలని, హాస్టల్‌లో మాత్రం ఇద్దరూ కలిసే ఉండేవారమని, ఇది చాలా అరుదైన సంఘటన అని ఆయన తన ఆర్టికల్‌లో వివరించారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.