జాతీయ వార్తలు
ఐటీ అంటే ఉలుకెందుకు?
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, సెప్టెంబర్ 11: ఆదాయం పన్ను రిటర్న్స్‌పై ఎఐసీసీ అధ్యక్షుడు రాహుల్ గాంధీ ఎందుకు ఉలిక్కిపడుతున్నారని కేంద్ర మంత్రి స్మృతీ ఇరానీ ధ్వజమెత్తారు. లోక్‌సభలో ప్రధాని నరేంద్రమోదీని ఉత్సాహంగా ఆలింగనం చేసుకున్న రాహుల్ గాంధీ ఐటి శాఖ తీసుకున్న నిర్ణయంపై ఆమడ దూరం పారిపోయే ధోరణిని అవలంభించడం సిగ్గుచేటన్నారు. రాహుల్ గాంధీకి సంబంధించి 2011-12 సంవత్సరానికి ఐటీ రిటర్న్స్‌ను మళ్లీ పరిశీలించాలని ఆదాయం పన్ను శాఖ నిర్ణయించిన విషయం విదితమే. ఈ కేసులో తమకు ఊరట నివ్వాలని కోరుతూ సోనియాగాంధీ, రాహుల్ గాంధీ పెట్టుకున్న పిటిషన్లను న్యాయస్థానం డిస్మిస్ చేసింది. ఈ ఐటీ రిటర్న్స్ విషయంలో మతలబు ఉంది కాభట్టే రాహుల్ గాంధీ ఆత్మరక్షణలో పడ్డారని ఇరానీ అన్నారు. సాధారణంగా ఐటీ నోటీసును ఎవరూ తప్పుబట్టరని, కాని రాహుల్‌గాంధీ మాత్రం ఐటీ నోటీసును చూసి ఉరుకులుపరుగులు తీస్తున్నారన్నారు.
రిజర్వు బ్యాంక్ ఆఫ్ ఇండియా మాజీ గవర్నర్ రఘురాంరాజన్ పార్లమెంట్ ఎస్టిమేట్స్ కమిటీ ముందు హాజరై బ్యాంకుల్లో పెరిగిన పోతున్న నిరర్థక ఆస్తుల విలువపై వివరణ ఇచ్చారన్నారు. రాజన్ ప్రకటన చూస్తే, ఎన్‌పీఏలు పెరగడానికి పదేళ్ల యూపీఏ పాలన విధానాలే కారణమని విదితమవుతుందన్నారు.
దేశంలో బ్యాంకింగ్ రంగం అప్పుల ఊబిలోకూరుకుపోవడానికి యూపీఏ సర్కార్ అనుసరించిన విధానాలేనని ఆమె ఆరోపించారు. యుపీఏ సర్కార్ వైఫలాలను సరిచేసేందుకు తమ ప్రభుత్వం అన్ని చర్యలు తీసుకుంటోందన్నారు. 2006-08 మధ్య యూపీఏ ప్రభుత్వం తీసుకున్న ఆర్థిక విధానాల వల్ల బ్యాంకులు విపరీతంగా రుణాలు ఇచ్చాయన్నారు. దీని వల్ల నిరర్థక ఆస్తులు పెరిగాయన్నారు. కాంగ్రెస్ అవినీతికి పాల్పడిందని ఆర్‌బీఐ మాజీ గవర్నర్ రఘురాంరాజన్ చేసిన ప్రకటన రుజువు చేసిందన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.