అంతర్జాతీయం
రాయబరేలీ బరిలో ప్రియాంక?
S ,7 à 8 RSCA (si SASPAS) et 6 cialis pharmacie cialis rapports de stage.
* ఎన్నికలకు దూరం కావడం మంచిది కాదంటున్న కాంగ్రెస్ సీనియర్లు
న్యూఢిల్లీ, సెప్టెంబర్ 30: యూపీఏ చైర్‌పర్సన్ సోనియా గాంధీ 2019లో జరిగే లోక్‌సభ ఎన్నికల్లో ఉత్తరప్రదేశ్‌లోని రాయబరేలీ లోక్‌సభ నియోజకవర్గం నుంచి పోటీ చేయకపోవచ్చు. ఆమె స్థానంలో ఆమె కుమార్తె ప్రియాంకా గాంధీ రంగంలోకి దిగే అవకాశాలున్నాయి. సోనియా గాంధీ కొంతకాలం నుండి అనారోగ్యంతో బాధపడుతున్న విషయం తెలిసిందే. కాంగ్రెస్ అధ్యక్ష పదవి నుండి తప్పుకున్నప్పటి నుండి సోనియా పార్టీకి సంబంధించిన కార్యక్రమాలతోపాటు ఇతర కార్యక్రమాలకు కూడా దూరంగా ఉంటున్నారు. సోనియా ప్రతిపక్ష సమావేశాలకు కూడా హాజరుకావటం లేదు. ఆమె అప్పుడప్పుడు కాంగ్రెస్ సీనియర్ నాయకులు, మిత్రపక్షాల సీనియర్ నాయకులను మాత్రమే కలుసుకుంటున్నారు. దీనికితోడు ఆమె వైద్య పరీక్షలు, చికిత్సకోసం తరచు అమెరికా వెళ్లి వస్తున్నారు. రాయబరేలీ నుండి కూతురు ప్రియాంకా గాంధీని పోటీ చేయించి తాను రాజ్యసభకు రావాలని సోనియా గాంధీ ఆలోచిస్తున్నట్లు పార్టీ వర్గాలు వెల్లడించాయి. అయితే కాంగ్రెస్ అధ్యక్షుడు రాహుల్ గాంధీతోపాటు కొందరు సీనియర్ నాయకులు మాత్రం సోనియా గాంధీ లోక్‌సభ ఎన్నికలకు దూరంగా ఉండటం మంచిది కాదని వాదిస్తున్నట్లు తెలిసింది. సోనియా గాంధీ పోటీ చేయకపోతే దాని ప్రభావం పార్టీ శ్రేణులతోపాటు మిత్రపక్షాలపైనా చూపిస్తుందని పార్టీ సీనియర్ నాయకులు వాదిస్తున్నారు. సోనియా గాంధీ లోక్‌సభకు పోటీ చేయకపోతే ఆమె క్రియాశీల రాజకీయాల నుండి విరమించుకుంటున్నారనే సందేశం వెళుతుంది. ఇది కాంగ్రెస్‌కు ఎంతమాత్రం మంచిది కాదని పలువురు సీనియర్ నాయకులు చెబుతున్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.