నరసింహ శతకం

సీ॥ పలుమాఱు దశరూపములు ధరించితివేల?
నేక రూపముఁ బొందవేల నీవు?
నయమున క్షీరాబ్ధి నడుమఁ జేరితివేల?
రత్నకాంచన మందిరములు లేవె?
పన్నగేంద్రుమీఁదఁ బవ్వళించితివేల?
జలతారు పట్టెమంచములు లేవె?
ఱెక్కలు గల పక్షి నెక్కి సాగితివేల?
గజతురంగాందోళికములు లేవె?
భావం: ఓ నరసింహస్వామీ! పది అవతారాలెత్తడమెందుకు? ఒక్క రూపం చాలదా? పాలసముద్రం మధ్యకేల పోయావు? రతనాలు పొదిగిన బంగారు భవనాలు లేవా? పాముపై పవ్వళించావు - జలతారు పట్టెమంచాలు లేవా? పక్షినెక్కావు ఏన్గులు, గుఱ్ఱాలు, పల్లకీలు లేవా ఊరేగడానికి?