శ్రీనరసింహ శతకము

సీ॥ చిత్తశుద్దిగ నీకు సేవ చేసెదఁగాని
పుడమిలో జనుల మెప్పులకు గాదు
జన్మ పావనతకై స్మరణఁ జేసెదఁగాని
సరివారిలోఁ బ్రతిష్ఠలకుఁ గాదు
ముక్తికోసము నేను మ్రొక్కి వేడ ఎదఁ గాని
దండి భాగ్యము నిమిత్తంబుగాదు
నిన్ను బొగడు విద్య నేర్చితినే కాని
కుక్షినింపెడి కూటి కొఱకుఁగాదు
తే. పారమార్థకమునకు వేఁ బాటుపడితి
కీర్తికి నపేక్ష పడలేదు కృష్ణవర్ణ!
భూషణ వికాస ! శ్రీధర్మపుర నివాస!
దుష్టసంహార! నరసింహ! దురితదూర!

భావం: ఓ నరసింహప్రభూ! నిండు మనస్సుతో నీ సేవ చేస్తాను గాని లోకుల పొగడ్తలాసించి కాదు. నాజీవితాన్ని పవిత్రం చేసుకోవాలని నీ పూజ చేస్తాను గాని సాటివారిలో పేరు గడించాలని కాదు. భవబంధాన్ని విడిపింపమని కోరి,ముక్తినిమ్మని నీకు నమస్కరించి ప్రార్థన చేస్తానే గాని భోగభాగ్యాలు ఆశించి కాదు.