శ్రీనరసింహ శతకము

సీ తల్లిదండ్రులు భార్య - తనయులాప్తులు బావ
మఱఁదులన్నలు మేనమామనగారు,
ఘనముగా బంధువుల్ -గల్గినప్పటికైన
దాను దర్లగ వెంటఁ దగిలిరారు
యముని దూతలు ప్రాణమపహరించుకపోవ
మమతతోఁబోరాడి మాన్పలేరు
బలగ మందఱు దుఃఖపడుట మాత్రమె కాని
యించుక నాయుష్య మియ్యలేరు
తే చుట్టములమీది భ్రమదీసి చూరఁబెట్టి
సంతతము మిమ్ము నమ్ముట సార్థకంబు
భూషణ వికాస! శ్రీ ధర్మపుర నివాస!
దుష్టసంహార! నరసింహ! దురితదూర!
భావం: ఓ నరసింహస్వామీ! తల్లీ, తండ్రీ, ఇల్లాలు, పిల్లలూ అన్నదమ్ములూ.. మొదలైన మొదలైనవారు ఎందురున్నా చనిపోయేటప్పుడు వెంటవచ్చే వారెవ్వరులేరు. ప్రాణాల్ని హరించుకుని పోయే యమదూతల్ని అడ్డగించి నిలపే వారొక్కరు లేరు. వీరందరూ ఏడ్చేవారే గాని ఆయుస్సు నిచ్చేవారు గారు. కాబట్టి ఈ బంధువులపై మమకారం విడిచి ముక్తి ప్రదాతవైన నిన్ను నమ్ముకోవటమే మంచిది.