నేర్చుకుందాం

క. జననాథ! వేఁట నెపమున
గొనకొని కణ్వాశ్రమమునకున్ వచ్చి ముదం
బున నందు నాకు నీయి
చ్చిన వరము దలంపవలయుఁ జిత్తములోనన్
భావం: ఓ రాజా! వేట అనే మిషతో కావాలని సప్రయత్నంగా కణ్వమహాముని ఆశ్రమానికి వచ్చి అక్కడ నీవు సంతోషంగా నాకు ఇచ్చిన వరాన్ని మనసులో జ్ఞాపకం చేసికొమ్ము.
క. బాలార్క తేజుఁ డగు నీ
బాలుఁడు నీకొడుకు వీనిఁ బౌరవకుల ర
త్నాలంకారు నుదార గు
తాలయు యువరాజుఁ జేయు మభిషేకము తోన్
భావం: బాల సూర్యుడి వలె వెలుగుతున్న ఈ చిరంజీవి నీ కొడుకు. సౌరవంశానికే అలంకారమైన వాడూ, ఉత్తమ గుణాలకు నెలవైన వాడూ అయిన ఇతడిని యువరాజుగా అభిషేకించుము.

శ్రీమదాంధ్ర మహాభారతము - ఆదిపర్వము