అంతర్జాతీయం
ట్రంప్‌తో అమెరికాకు ప్రమాదమే
S ,7 à 8 RSCA (si SASPAS) et 6 cialis pharmacie cialis rapports de stage.
న్యూయార్క్, మే 17: అమెరికా అధ్యక్ష పదవి రేసులో రిపబ్లికన్ అభ్యర్థిగా దాదాపు ఖరారైన డొనాల్డ్ ట్రంప్, ఎన్నికల్లో గెలిస్తే అమెరికాకు ప్రమాదమని ఆయన ప్రత్యర్థి డెమొక్రాట్ హిల్లరీ క్లింటన్ విదేశీ వ్యవహారాల సలహాదారు జేక్ సల్లివాన్ అన్నారు. ట్రంప్‌కు ఉన్న తొందరపాటుతనం.. దూకుడుతనం అమెరికా కమాండర్ ఇన్ చీఫ్‌గా ఎన్నికైతే ప్రపంచాన్ని అణ్వాయుధాల పోటీలోకి నెడుతుందని ఆయన ఆందోళన వ్యక్తం చేశారు. ఆస్ట్రేలియా మాజీ ప్రధాని కెవిన్ రూడ్‌తో విదేశీ విధానంపై జరిగిన సంభాషణలో ఆయన మాట్లాడుతూ ట్రంప్ విధానాలపై విరుచుకుపడ్డారు. ట్రంప్ ప్రసంగాలు, వ్యాఖ్యలు.. రష్యా, చైనా వంటి శక్తిమంతమైన దేశాలతో సహా ఇతర దేశాలతో ఆయన వ్యవహరించబోయే తీరును స్పష్టం చేస్తున్నాయన్నారు. ‘ఒకసారి రష్యన్‌లతో కలిసి కూచుంటామంటారు.. మరోసారి అవసరమైతే రష్యన్ యుద్ధ విమానాలను కూల్చేస్తామంటారు. ఒకసారి చైనా మన భోజనాన్ని తినేస్తుందంటారు. మరోసారి చైనీయులు మనం కోరుకున్నది చేసే విధంగా సహకరించుకుంటామంటారు. ఒక సారేమే అమెరికా తాను ఏది అనుకుంటే అది.. ఎక్కడ అనుకుంటే అది.. ఏం సాధించాలనుకుంటే అది చేస్తుందంటారు. మరోసారి మనం చాలా ఎక్కువగా చేస్తున్నాం.. ఇవన్నీ ఆపేయాలంటారు..’అని జేక్ ఆరోపించారు. అమెరికా చరిత్రలో ఇలాంటి అభ్యర్థిని మునుపెన్నడూ చూడలేదని ఆయన అన్నారు. తాను అధికారంలోకి వస్తే ఉగ్రవాదుల కుటుంబాలను చట్టాలకు వ్యతిరేకంగానైనా సరే హతమార్చాలని ఆదేశిస్తానంటూ ట్రంప్ మాట్లాడారన్నారు. ఈ రకమైన స్థిరత్వం లేని అభిప్రాయాలున్న వ్యక్తి అమెరికా అధ్యక్షుడైతే దాని పరిణామాలు అమెరికాకు అత్యంత ప్రమాదకరంగా మారుతుందని వ్యాఖ్యానించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.