జాతీయ వార్తలు
గాలి అరెస్టు
S ,7 à 8 RSCA (si SASPAS) et 6 cialis pharmacie cialis rapports de stage.
బెంగళూరు, నవంబర్ 20: కర్నాటకలో బేలెకెరె రేవునుంచి ఖనిజం అక్రమ ఎగుమతి కేసులో గనుల వ్యాపారి గాలి జనార్దన్‌రెడ్డిని శుక్రవారం లోకాయుక్త పోలీసులు అరెస్టు చేశారు. ఇనుప ఖనిజం ఎగుమతికి సంబంధించి చోటుచేసుకున్న అక్రమాల్లో గాలి కంపెనీ ప్రమేయం ఉన్నట్టు లోకాయుక్త ప్రత్యేక దర్యాప్తు విభాగం ఆరోపణ. ఇంతకు ముందు గనుల అక్రమ తవ్వకం కేసుల్లో అరెస్టయిన జనార్దన్‌రెడ్డి చాలాకాలం జైలులో ఉండి బెయిల్‌పై బయటకు వచ్చారు. ఖనిజం ఎగుమతి కేసులో విచారించే నిమిత్తం కర్నాటక మాజీ మంత్రి గాలి జనార్దన్‌రెడ్డిని ప్రత్యేక దర్యాప్తు విభాగం పోలీసులు అరెస్టు చేసినట్టు లోకాయుక్త సిట్ ఐజి కెఎస్‌ఆర్ చరణ్‌రెడ్డి వెల్లడించారు. గాలికి చెందిన బ్లాక్ గోల్డ్ ఐరన్ ఓర్ మైన్స్, మినరల్స్ కంపెనీలు అక్రమాలకు పాల్పడినట్టు ఆయన స్పష్టం చేశారు. ఇనుప ఖనిజం అక్రమ తవ్వకాలు, అక్రమ రవాణా కేసులో ఆయనను అరెస్టు చేశామన్నారు. ప్రజాప్రతినిధిగా తన అధికారాలను అడ్డుపెట్టుకుని మోసానికి పాల్పడినట్టు ఐజి తెలిపారు. ఓబుళాపురం గనుల అక్రమ తవ్వకాల కేసులో అరెస్టయిన గాలి జనార్దన్‌రెడ్డికి జనవరి 20న సుప్రీం కోర్టు బెయిల్ మంజూరు చేసింది. కర్నాటకలోని బళ్లారి రిజర్వ్ ఫారెస్టు ప్రాంతం, ఆంధ్రప్రదేశ్‌లోని అనంతపురంలో జనార్దన్‌రెడ్డి అక్రమ తవ్వకాలకు పాల్పడ్డారు. 2011 సెప్టెంబర్ 5న గాలిని అరెస్టు చేసి హైదరాబాద్ జైలుకు తరలించారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.