జాతీయ వార్తలు
దళితులను ఏరేస్తారా?
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 20: గుజరాత్‌లో గోసంరక్షణ పేరుతో దళితులపై జరిగిన దాడులపై బుధవారం లోక్‌సభ అట్టుడికిపోయింది. దళితముక్త్ భారత్ చేసేందుకు అధికార బిజేపీ, రాష్ట్రీయ స్వయంసేవక్‌సంఘ్‌లు కుట్ర చేస్తున్నాయని ప్రధాన విపక్షం కాంగ్రెస్ సహా అన్ని విపక్షాలు తీవ్రంగా విమర్శించాయి. అయితే ప్రభుత్వం నుంచి కూడా అంతే తీవ్రంగా ప్రతిస్పందన వచ్చింది. దేశాన్ని కాంగ్రెస్ పాలించిన కాలంలోనే దళితులపై వేధింపుల లెక్కలను ఏకరవు పెట్టింది. జూలై 11న గుజరాత్‌లోని ఉనాలో చనిపోయిన ఓ ఆవు చర్మాన్ని ఒలుస్తున్న నలుగురు దళిత యువకులను స్థానిక గోరక్షక దళ యువకులు తీవ్రంగా కొట్టి, కారుకు కట్టేసి ఊరంతా అర్ధనగ్నంగా ఊరేగించిన సంగతి తెలిసిందే. అంతే కాకుండా దీనికి సంబంధించిన వీడియోను ఒక హెచ్చరికగా సామాజిక మాధ్యమాల్లో పోస్ట్ చేయటం వల్ల వివాదం దేశమంతా విస్తృతంగా వ్యాపించింది. ఈ వ్యవహారాన్ని కాంగ్రెస్ సభ్యుడు సురేశ్ ప్రస్తావించారు. దీనిపై సంయుక్తపార్లమెంటరీ కమిటీ ఏర్పాటు చేసి విచారణ జరిపించాలని ఆయన డిమాండ్ చేశారు. కాంగ్రెస్ సభ్యులంతా వెల్‌లోకి దూసుకెళ్లి పెద్ద పెట్టున నినాదాలు చేశారు. ‘‘హింస అనేది ఆరెస్సెస్ అజెండా, దళిత ముక్త్ భారత్ చేసేందుకు ఆరెస్సెస్ ప్రయత్నిస్తోంది. ఈ వ్యవహారంలో ప్రభుత్వం పూర్తిగా విఫలమైంది. ఇది బీజేపీ ప్రేరిత దాడి. దేశంలో ఏం జరుగుతోంది? ఇదేనా గుజరాత్ మోడల్ అంటే?’’ అని సురేశ్ ప్రశ్నించారు. కాంగ్రెస్ సభ్యులకు దీటుగా అధికార బీజేపీ సభ్యులు కూడా తీవ్రస్థాయిలో నినాదాలు చేశారు. రాష్ట్ర శాసన సభ ఎన్నికలకు మందు కులాల మధ్య విభేదాలకు బీజేపీ ప్రయత్నిస్తోందని సురేశ్ ఆరోపించారు. దీనికి సమాధానమిచ్చిన కేంద్ర హోం మంత్రి రాజ్‌నాథ్ ఈ ఘటనను ఖండించారు. గుజరాత్‌లో ఆనందిబెన్ పటేల్ ప్రభుత్వం దీనిపై కఠిన చర్యలు తీసుకుంటోందని, తొమ్మిది మందిని అరెస్టు చేసి ప్రత్యేక కోర్టు ద్వారా విచారణ జరిపిస్తోందని ఆయన అన్నారు. బాధితులకు తగిన వైద్య సహాయాన్ని కూడా అందిస్తున్నదని ఆయన స్పష్టం చేశారు. గుజరాత్‌లోనే కాదు.. దేశంలో ఎక్కడ దళితులపై దాడులు జరిగినా ఉపేక్షించేది లేదదని హోం మంత్రి స్పష్టం చేశారు. దళితులపై దాడులనేవి ఒక సామాజిక రుగ్మత అని, దీన్ని నిర్మూలించేందుకు అంతా కలిసికట్టుగా పనిచేయాలని ఆయన పిలుపునిచ్చారు. అంతకు ముందు కాంగ్రెస్ నేత సురేశ్ మాట్లాడుతూ దేశంలో ఎమర్జెన్సీ తరహా పరిస్థితి ఉందని ఆరోపించారు. గుజరాత్‌లో చాలామంది దళితులు ఆత్మహత్య చేసుకోవటానికి ప్రయత్నించారని కూడా ఆయన అన్నారు.
chitram...
1. లోక్‌సభలో కాంగ్రెస్ సభ్యుల ఆందోళన
2. దళితుల అంశంపై సభలో మాట్లాడుతున్న మంత్రి రాజ్‌నాథ్
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.