జాతీయ వార్తలు
గంట ప్రయాణం.. రూ.2500 చార్జి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, అక్టోబర్ 21: సామాన్య ప్రజలకు కూడా విమాన ప్రయాణాన్ని అందుబాటులోకి తీసుకు వచ్చేందుకు మోదీ ప్రభుత్వం ప్రతిష్ఠాత్మకంగా చేపట్టిన ఉడాన్ (ఉడే దేశ్ కా ఆమ్ నాగరిక్) పథకాన్ని శుక్రవారం ప్రకటించింది. ఈ పథకం కింద చిన్న పట్టణాలను అనుసంధానించే గంట లోపు విమాన ప్రయాణానికి రూ 2,500 మాత్రమే చార్జి చేస్తారు. విమానంలోని సగం సీట్లను ఈ కేటగిరీ కింద కేటాయిస్తారు. మిగతా సీట్లకు మార్కెట్ ధరల ప్రకారమే చార్జీలుంటాయి. ఈ పథకం కింద తొలి విమానం వచ్చే ఏడాది జనవరిలో ప్రారంభమవుతుందని భావిస్తున్నారు. వినియోగదారుల ధరల సూచీ ఆధారంగా ఈ విమాన టికెట్ ధరలను ఎప్పటికప్పుడు సమీక్షిస్తుంటారు. ఈ పథకానికి నిధుల సమీకరణ కోసం రద్దీ రూట్లలో ప్రతి డిపార్చర్‌పైన చిన్న మొత్తంలో సుంకం విధించాలని ప్రభుత్వం అనుకుంటోంది. ఎంత మొత్తంలో సుంకం విధించాలనేది వచ్చే నెల నిర్ణయించనున్నారు. అయితే ఈ సుంకం విధించడం వల్ల టికెట్ల ధరలు పెరుగుతాయని విమానయాన సంస్థలు అంటున్నాయి. సామాన్య ప్రయాణికుడి భరించే స్తోమత, రీజినల్ ఆపరేటర్ లాభాలు చేకూరడం అనే రెండు అంశాలను దృష్టిలో పెట్టుకుని ఈ పథకాన్ని రూపొందించామని, ఈ పథకం విజయవంతమవుతుందని తాము భావిస్తున్నామని కేంద్ర పౌరవిమానయాన శాఖ మంత్రి అశోక్ గజపతి రాజు విలేఖరుల సమావేశంలో చెప్పారు. ఈ పథకం కింద తొలి విమానం 2017 జనవరిలో టేకాఫ్ అవుతుందని కూడా ఆయన చెప్పారు. ఇప్పటివరకు విమాన సర్వీసులు లేని, సామర్థ్యానికి తక్కువగా సర్వీసులున్న విమానాశ్రయాలకు విమానాల కనెక్టివిటీని పెంచడం ఈ పథకం ముఖ్య ఉద్దేశం. ఈ పథకం కింద సక్సెస్‌ఫుల్ బిడ్డర్‌ను మూడేళ్ల పాటు గ్రామీణ రూట్లలో సర్వీసులు నడిపేందుకు అనుమతిస్తామని, రీజినల్ ఆపరేట్లుగా ఔత్సాహికులకు విమానాల లీజ్‌లో ప్రాధాన్యత ఇస్తామని ఆ శాఖ సహాయ మంత్రి జయంత్ సిన్హా చెప్పారు. 476-500 కిలోమీటర్ల దూరం ప్రయాణించే విమానాల్లో సగం సీట్లను టికెట్ల ధరను రూ. 2,500గా నిర్ణయిస్తారు. హెలికాప్టర్ల విషయంలో అరగంట ప్రయాణానికి రూ 2,500లు, గంట ప్రయాణానికి రూ. 5వేలు చార్జి ఉంటుంది. ఈ పథకం కింద దేశవ్యాప్తంగా 30 దాకా విమానాశ్రయాలను సిద్ధం చేస్తారు. ఈ పథకం కింద విమానాల ఫ్రీక్వెన్సీ వారానికి కనిష్టంగా 3, గరిష్ఠంగా 7 ఉంటాయి.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.