అంతర్జాతీయం
15నే భారత్-పాక్ చర్చలు
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, జనవరి 9: భారత్‌తో విదేశాంగ కార్యదర్శుల స్థాయి చర్చలు జరిపేందుకు పాకిస్తాన్ నానాతంటాలు పడుతోంది. ఇరు దేశాల మధ్య 15న విదేశాంగ కార్యదర్శుల స్థాయి చర్చలు జరగాల్సి ఉందని నవాజ్ షరీఫ్ ప్రభుత్వం పేర్కొంది.
పంజాబ్‌లోని పఠాన్‌కోట్‌లో కొద్దిరోజుల క్రితం భారత వైమానిక స్థావరంపై ఉగ్రవాద దాడి జరగడంతో ఈ చర్చలపై అనిశ్చితి నెలకొన్న విషయం తెలిసిందే. అయితే భారత్, పాకిస్తాన్ విదేశాంగ కార్యదర్శులు 15న భేటీ కావాల్సిఉందని, సమగ్ర ద్వైపాక్షిక చర్చలకు సంబంధించి కొత్తగా కుదిరిన అంగీకారం ప్రకారం ఇరు దేశాల మధ్య జరిగే వివిధ సమావేశాల టైమ్ షెడ్యూలును వీరు నిర్ణయిస్తారని పాక్ విదేశాంగ మంత్రి సర్తాజ్ అజీజ్ శుక్రవారం తమ దేశ పార్లమెంట్‌కు తెలిపారు. భారత్, పాక్ మధ్య జరిగే చర్చల్లో వివిధ అంశాలతోపాటు కాశ్మీరు అంశం కూడా ఉంటుందని అన్నారు.
భారత్, పాక్ చర్చల పరిస్థితి ఏమిటని తెహ్రిక్-ఇ-ఇన్సాఫ్ పార్టీ అడిగిన ప్రశ్నకు అజీజ్ ఈ వివరణ ఇచ్చారు. పాకిస్తాన్‌తో కేవలం పిఓకె (పాక్ ఆక్రమిత కాశ్మీరు)కి సంబంధించిన అంశాల గురించి మాత్రమే చర్చిస్తామని భారత రాయబారి టిసిఎ.రాఘవన్ స్పష్టం చేసిన నేపథ్యంలో తెహ్రిక్-ఇ-ఇన్సాఫ్ ఈ ప్రశ్న అడిగింది. పఠాన్‌కోట్ వైమానిక స్థావరంపై ఉగ్రదాడులకు సూత్రధారులుగా వ్యవహరించిన వారిపై నవాజ్ ప్రభుత్వం చేపట్టే ‘సత్వర, నిర్ణయాత్మక’ చర్యలపైనే విదేశాంగ కార్యదర్శుల స్థాయి చర్చల భవితవ్యం ఆధారపడి ఉంటుందని భారత్ స్పష్టంచేసి బంతిని పాక్ కోర్టులోకి నెట్టిన విషయం తెలిసిందే. దీంతో 15న ఇస్లామాబాద్‌లో జరగాల్సిన భారత్, పాక్ విదేశాంగ కార్యదర్శుల చర్చలపై అనిశ్చితి కొనసాగుతోంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.