అంతర్జాతీయం
దూసుకొస్తున్న మరో గ్రహశకలం
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, ఫిబ్రవరి 9: భూగోళాన్ని మరో గ్రహశకలం అతి సమీపంగా దాటబోతోందని అమెరికా అంతరిక్ష పరిశోధనా సంస్థ నాసా వెల్లడించింది. మార్చి 5న అత్యంత వేగంగా టిఎక్స్-68 అనే ఈ గ్రహ శకలం భూమికి సమీపంగా వెళ్లబోతోందని ఈ ఖగోళ అద్భుతాన్ని ప్రతి ఒక్కరూ చూసే అవకాశం ఉందని కూడా నాసా తెలిపింది. దాదాపు 30 మీటర్ల వెడల్పు కలిగిన ఈ గ్రహశకలం వచ్చే నెల 5న భూమికి 18వేల కిలోమీటర్ల దూరం నుంచి దూసుకుపోయే అవకాశం ఉంది. అయితే దీని కక్ష్య అనిశ్చితమేనని ఏ దిశగా దీన్ని చూసే అవకాశం ఉందన్న విషయం ఇప్పుడే నిర్ధారించలేమని నాసా పేర్కొంది. భూమికి సమీపంగా సంచరిస్తున్న గ్రహశకలాలను పరిశోధించే అమెరికా అధ్యయన సంస్థ నిర్వాహకుడు పాల్ షోడాష్ ఈ గ్రహ శకల గమనగతిని లోతుగా పరిశీలిస్తున్నారు. ఇప్పటికే రోదసీలో అనేక టెలిస్కోపులను ఏర్పాటు చేశామని వీటిలో ఏదో ఒకటి ఈ తాజా గ్రహ శకలాన్ని పసిగట్టే అవకాశం ఉందని ఆయన వెల్లడించారు. ఈ టెలిస్కోపులు అందించే అనేక వివరాలు గ్రహశకల అధ్యయనానికి తోడ్పడతాయని ఆయన తెలిపారు. ఈ ఏడాదిలో గ్రహ శకలం భూమిని ఢీకొనే అవకాశం లేదు. అయితే 2017లో ఇదే మాదిరిగా ఈ గ్రహశకలం భూమికి సమీపంగా వెళ్తుందని అప్పుడు పుడమిని ఢీకొనే అవకాశం 250 మిలియన్‌లో ఒక శాతం ఉంటుందని వెల్లడించారు. 230 టిఎక్స్-68 అనే ఈ గ్రహశకలాన్ని 2013 అక్టోబర్‌లో రాత్రిపూట నాసా గుర్తించింది. అప్పుడు కూడా ఇది భూమిని సమీపిస్తున్న దృశ్యాన్ని గమనించగలింది. మూడు రోజులపాటు దాన్ని పరిశీలించిన తరువాత అది పూర్తిగా అంతర్ధానం అయిపోయిందని, గగనతల వెలుగుల్లోకి వెళ్లిపోయిందని, అప్పటి నుంచి దీన్ని పరిశీలించడమే సాధ్యం కాలేదని తెలిపారు.
ఒకవేళ ఈ గ్రహశకలం భూమిని ఢీకొంటే దాని ప్రభావం కొనే్నళ్ల క్రితం రష్యాలోని చెలియాబిన్సిక్‌లో జరిగిన విస్పోటనం కంటే రెండు రెట్లు ఎక్కువగానే ఉంటుందని తెలిపారు.
chitram..
గ్రహశకలం
ఊహాచిత్రం
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.