జాతీయ వార్తలు
గిలానీకి 14 రోజుల జ్యుడీషియల్ కస్టడీ
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ: దేశద్రోహం కేసులో అరెస్టయిన ఢిల్లీ యూనివర్శిటీ మాజీ ప్రొఫెసర్ ఎస్‌ఎఆర్ గిలానీకి 14 రోజుల జ్యుడీషియల్ కస్టడీ విధించారు. పాటియాలా కోర్టులో రెండు రోజుల క్రితం చోటుచేసుకున్న హింసాత్మక ఘటనల నేపథ్యంలో పోలీసు స్టేషన్‌లోనే న్యాయమూర్తి ఎదుట గిలానీని హాజరుపరిచారు. ఇందుకు సంబంధించిన విచారణ నిమిత్తం పాటియాలా కోర్టునుంచి న్యాయమూర్తి ఏడు కిలోమీటర్ల దూరంలో ఉన్న చాణక్యపురి పోలీసుస్టేషన్‌కు వచ్చారు. పాటియాల కోర్టులో జరిగిన ఘటనల నేపథ్యంలో గిలానీని కోర్టుకు తీసుకువచ్చేందుకు పోలీసులు సాహసించలేదు. పాటియాలా కోర్టులో జరిగిన ఘటనలపై పోలీసుల చర్యలపై దేశవ్యాప్తంగా నిరసన వ్యక్తమైన విషయం విదితమే. ఈ నేపథ్యంలో పోలీసులు చేసిన విజ్ఞప్తిని మన్నించిన న్యాయమూర్తి పోలీసు స్టేషన్‌కు వచ్చి గిలానీని విచారణ జరిపి విచారణ జరిపి జ్యుడీషియల్ కస్టడీ ఆదేశాలు జారీచేశారు. పోలీసు కస్టడీ అవసరం లేదన్న పోలీసులు న్యాయమూర్తికి తెలియజేయడంతో జ్యుడీషియల్ కస్టడీ విధించారు. కాగా, గిలానీ తరపున న్యాయవాది సతీష్ తంప్తా దాఖలు చేసిన బెయిల్ పిటిషన్‌పై శుక్రవారం విచారణ జరగనుంది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.