జాతీయ వార్తలు
అన్యాయం చేయొద్దు బాబుకు బుడగ జంగాల వినతి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఫిబ్రవరి 23: ఆంధ్రప్రదేశ్‌లోని బేడ (బుడగ) జంగం కులస్థులను షెడ్యూల్డు కులాల జాబితాలోని 9వ నంబర్‌లోనే కొనసాగించాలని అఖిల భారత బేడ, జంగమ కుల సంఘం ప్రధాన కార్యదర్శి ఆలేటి మల్లయ్య ముఖ్యమంత్రి చంద్రబాబుకు విజ్ఞప్తి చేశారు. తమ కులస్థులను షెడ్యూల్డు కులాల జాబితా నుంచి తొలగించేందుకు ప్రయత్నాలు సాగుతున్నాయని ఆందోళన వ్యక్తం చేశారు. ఇదే జరిగితే అత్యంత వెనుకబడిన వర్గమైన తమకు తీరని అన్యాయం జరుగుతుందని చెప్పారు. తెలంగాణ ప్రభుత్వం బేడ, జంగం కులాలకు ఎన్నో ప్రయోజనాలు కల్పిస్తోందని మంగళవారంనాడొక ప్రకటనలో స్పష్టం చేశారు. ఏపిలో మాత్రం తమ కులానికి నష్టం కలిగించేందుకు ప్రయత్నిస్తున్నట్టు ఆరోపించారు.
బేడ, జంగం కులం వారికి రాజకీయ, విద్యాపరమైన ప్రయోజనాలను కల్పించాలని ముఖ్యమంత్రికి విజ్ఞప్తి చేశారు.
పొగరహిత గ్రామంగా
కనె్నగంటివారిపాలెం
గుంటూరు, ఫిబ్రవరి 23: గుంటూరు జిల్లా భట్టిప్రోలు మండలం, కనె్నగంటివారిపాలెం గ్రామం తొలి పొగ రహిత గ్రామంగా ఎంపికైంది. ఈ గ్రామంలో ప్రతి ఇంటికి గ్యాస్ కనెక్షన్ ఉండటం వలన ఏ ఒక్కరూ పొగ వచ్చే పొయ్యిలను ఉపయోగించడం లేదు. ఈ మేరకు గ్రామ పంచాయతీ కూడా తమ గ్రామంలో పొగ వచ్చే పొయ్యిలు లేవని తీర్మానం చేయగా మండల అభివృద్ధి అధికారి గుమ్మడి సాంబశివరావు ధ్రువీకరించారు. ఈ గ్రామానికి గ్యాస్ ఏజన్సీ నిర్వాహకులుగా ఉన్న జ్యోతి గ్యాస్ ఏజెన్సీ నిర్వాహకుడు యడ్ల సునీల్‌కు మంగళవారం జరిగిన ఓ కార్యక్రమంలో జిల్లా జాయింట్ కలెక్టర్ సిహెచ్ శ్రీ్ధర్, జిల్లా పౌరసరఫరాల అధికారి చిట్టిబాబు ప్రశంసాపత్రాలు అందజేశారు. అందరికీ గ్యాస్ మంజూరు చేయాలనే ముఖ్యమంత్రి లక్ష్య సాధనకు అధికారులందరూ నిరంతరం కృషి చేస్తున్నారని జెసి తెలిపారు.
పటేళ్లపై కదిలిన గుజరాత్
జాట్ల ఆందోళనతో రాజీబాట?
సూరత్, ఫిబ్రవరి 23: రిజర్వేషన్ల కోసం డిమాండ్ చేస్తూ హర్యానాలో జాట్ సామాజికవర్గ ప్రజలు సాగిస్తున్న ఆందోళనలు హింసాత్మకంగా మారడం గుజరాత్ ప్రభుత్వానికి మేల్కొలుపుగా పరిణమించినట్లు కనిపిస్తోంది. రిజర్వేషన్లు కల్పించాలని డిమాండ్ చేస్తూ గుజరాత్‌లో పటేల్ సామాజికవర్గ ప్రజలు చాలా కాలం నుంచి ఉద్యమిస్తున్న విషయం తెలిసిందే. ఈ ఉద్యమానికి సారథిగా వ్యవహరిస్తూ ప్రస్తుతం జైలులో ఉన్న హార్దిక్ పటేల్‌తో మాట్లాడి దీర్ఘ కాలం నుంచి నలుగుతున్న ఈ సమస్యను పరిష్కరించేందుకు గుజరాత్ ప్రభుత్వం మంగళవారం నాడు పటేల్ సామాజిక వర్గానికే చెందిన ప్రముఖ నాయకుడు, బిజెపి ఎంపీ విఠల్ రాడాడియాను తమ దూతగా పంపింది. దీంతో రాడాడియా లాజ్‌పోర్ జైలులో హార్దిక్ పటేల్‌ను కలసి చర్చలు జరిపారు. అనంతరం రాడాడియా మాట్లాడుతూ, రిజర్వేషన్ల విషయమై ఒప్పందం కుదిరితే హార్దిక్ పటేల్‌తో పాటు పటేల్ సామాజిక వర్గానికి చెందిన ఇతర నాయకులపై నమోదైన దేశద్రోహ కేసులను, ఇతర కేసులను ఉపసంహరించుకునే విషయాన్ని ప్రభుత్వం పరిశీలిస్తుందని స్పష్టం చేశారు. కాగా, పటేల్ సామాజిక వర్గానికి ఎంతో గౌరవనీయుడైన రాడాడియాతో రిజర్వేషన్ల అంశంపై సమగ్ర చర్చలు జరిపానని, ఆయన ప్రతిపాదించిన రాజీ సూత్రం తమ సామాజికవర్గ ప్రజలకు ప్రయోజనం చేకూర్చేదిగా ఉంటే తప్పకుండా అంగీకరిస్తానని హార్దిక్ పటేల్ చెప్పారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.