అంతర్జాతీయం
పాకిస్తాన్‌కు ఎనిమిది ఎఫ్-16 యుద్ధ విమానాలు
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్: ఓ వైపు భారత్, అమెరికా ప్రజా ప్రతినిధులు తీవ్ర వ్యతిరేకతల నడుమ అమెరికా ప్రభుత్వం పాకిస్తాన్‌కు ఎనిమిది ఎఫ్-16 యుద్ధ విమానాల విక్రయానికి సంబంధించి అధికారిక ఫెడరల్ నోటిఫికేషన్‌ను విడుదల చేసింది. ఈ ప్రతిపాదిత విక్రయం దక్షిణాసియాలో ఒక వ్యూహాత్మక భాగస్వామి (పాకిస్తాన్) భద్రతను మెరుగుపర్చడం ద్వారా అమెరికా విదేశాంగ విధానం లక్ష్యాలను, దేశ భద్రత లక్ష్యాలను నెరవేర్చడానికి దోహదపడుతుంది’ అని గత నెల 11న అమెరికా రక్షణ సెక్యూరిటీ సహకార ఏజన్సీ ప్రతినిధుల సభ స్పీకర్ పౌల్ రియాన్‌కు రాసిన లేఖ కాపీతో పాటుగా శుక్రవారం ఫెడరల్ రిజిస్టర్ ప్రచురించిన ఆ నోటిఫికేషన్ పేర్కొంది. ఈ ఎఫ్-16 విమానాల మొత్తం ఖరీదు దాదాపు 70 కోట్ల డాలర్లు ఉండవచ్చని కూడా ఆ నోటిఫికేషన్ పేర్కొంది. పాకిస్తాన్ ప్రభుత్వం ఈ విమానాల విక్రయంకోసం అభ్యర్థించిందని, అయితే ఇలాంటి ఆయుధాల బదిలీలు ఉగ్రవాదాన్ని ఎదుర్కోవడానికి తోడ్పడుతుందన్న అమెరికా వాదనతో తాము ఏకీభవించడం లేదని పేర్కొంటూ భారత్ పాకిస్తాన్‌కు ఈ విమానాలను విక్రయించడాన్ని వ్యతిరేకించిందని కూడా ఆ నోటిఫికేషన్‌లో పేర్కొన్నారు. పాకిస్తాన్‌కు ఎఫ్-16ల విక్రయాన్ని వ్యతిరేకించడంలో తనతో చేతులు కలపాలని రిపబ్లికన్ పార్టీ సెనేటర్ రాండ్ పౌల్ సెనేట్‌లోని తన సహచరులను కోరారు.
పాకిస్తాన్ మొదట 18 ఎఫ్-16 విమానాలను విక్రయించాలని కోరిందని, అయితే ఆర్థకపరమైన చిక్కుల కారణంగా ఎనిమిది విమానాలను మాత్రమే కొనుగోలు చేస్తోందని పాక్ ప్రధానమంత్రికి విదేశీ వ్యవహారాల సలహాదారు సర్తార్ అజీజ్ ఈ వారం రక్షణ వ్యవహారాల రచయితల గ్రూపుతో అన్నారు. ఉగ్రవాద వ్యతిరేక పోరులో ఈ యుద్ధ విమానాలు అత్యంత కీలకమైనవని కూడా అజీజ్ చెప్పారు. ఈ విమానాలు తమ యుద్ధ విమానాలలో భాగంగా ఉంటాయని, అయితే గత రెండు మూడేళ్లుగా ఇలాంటి విమానాలను గిరిజన ప్రాంతాల్లో విస్తృతంగా ఉపయోగించడం జరిగిందని చెప్పారు.
పాకిస్తాన్‌కు సున్నితమైన సాంకేతిక పరిజ్ఞానం బదిలీ కూడా ఈ విక్రయంలో భాగంగా ఉంటుందని ఆ నోటిఫికేషన్‌లో తెలియజేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.