బిజినెస్
ఎస్‌టిపిపి మొదటి 600 మెగావాట్ల యూనిట్ ప్రారంభం
S ,7 à 8 RSCA (si SASPAS) et 6 cialis pharmacie cialis rapports de stage.
సింక్రనైజేషన్ ప్రక్రియను ఆరంభించిన సింగరేణి సిఎండి శ్రీధర్
జైపూర్, మార్చి 13: ఆదిలాబాద్ జిల్లా జైపూర్‌లో ప్రభుత్వరంగ బొగ్గు ఉత్పాదక సంస్థ సింగరేణి నిర్మిస్తున్న 1,200 మెగావాట్ల థర్మల్ విద్యుత్ ప్లాంటు (ఎస్‌టిపిపి)లో తొలి 600 మెగావాట్ల యూనిట్ సింక్రనైజేషన్ ప్రక్రియను ఆదివారం సింగరేణి సిఎండి శ్రీధర్ ప్రారంభించారు. ఇక్కడ సంస్థ నిర్మిస్తున్న 600 మెగావాట్ల సామర్థ్యంగల రెండు యూనిట్ల లో మొదటి యూనిట్ నిర్మాణం పూర్తికావటంతో ఆదివారం అధికారికంగా అనుసంధాన ప్రక్రియను విజయవంతంగా పూర్తిచేశారు. ఈ సందర్భంగా యూనిట్‌లోగల బాయిలర్‌లోని 8 బంకర్లను బొగ్గుతో నింపి ఫర్నేస్ ఆయిల్‌తో మండించారు. దీంతో 600 మెగావాట్ల సామర్థ్యం ఉన్న యూనిట్‌లో 580 మెగావాట్ల సామర్థ్యంతో విద్యుత్‌ను ఉత్పత్తి చేసింది. ఈ సందర్భంగా సిఎండి శ్రీధర్‌తోపాటు సంస్థ డైరెక్టర్లు, బిహెచ్‌ఈ ఎల్ సిబ్బంది, సింగరేణి అధికారులు కరతాళధ్వనులు చేశారు. ప్లాంటుకు బొగ్గును పంపించే ట్రాక్ హాపర్‌తోపాటు ఇంకా ముఖ్యమైన కొన్ని పనులు జరగాల్సి ఉండటంతో రెండు యూనిట్లను మే నెల మొదటి వారం లో తెలంగాణ రాష్ట్ర ముఖ్యమంత్రి కెసిఆర్ చేతుల మీదుగా ప్రారంభించ నున్నట్లు శ్రీధర్ తెలిపారు. కార్యక్రమంలో సింగరేణి డైరెక్టర్లు రమేష్ బాబు, మనోహర్ రావు, పవిత్రన్ కుమార్, ప్లాంటు ఈడి సంజయ్ కుమార్ సూర్, జిఎంలు సుధాకర్ రెడ్డి, మురళీ కృష్ణ, ఎఐటియూసి రాష్ట్ర ప్రధాన కార్యదర్శి సీతారామయ్య, ఐఎన్‌టిసి వర్కింగ్ ప్రెసిడెంట్ వెంకట్రావు, టిజిబికెఎస్ ప్రధాన కార్యదర్శి రాజిరెడ్డి, హెచ్‌ఎంఎస్ ప్రధాన కార్యదర్శి రియాజ్ అహ్మద్ పాల్గొన్నారు. (చిత్రం) థర్మల్ ప్లాంటు కంట్రోల్ ప్యానల్‌లో 578 మెగావాట్ల విద్యుదుత్పత్తి జరుగుతున్నట్లున్న దృశ్యం. చిత్రంలో సింగరేణి సిఎండి శ్రీధర్
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.