అంతర్జాతీయం
అంగారకుడిపైకి మరో ఆర్బిటర్
S ,7 à 8 RSCA (si SASPAS) et 6 cialis pharmacie cialis rapports de stage.
రష్యా, ఐరోపా ఉమ్మడి ప్రయోగం
అక్టోబర్‌లో అరుణ గ్రహానికి చేరనున్న టిజీవో
బైకనూరు, మార్చి 14: అంగారక గ్రహంపై జీవజాలం ఆనవాళ్లు ఉన్నాయా లేదా అన్న విషయాన్ని నిర్ధారించేందుకు మరో బృహత్తర ప్రయత్నం మొదలైంది. ఇప్పటికే అమెరికాకు చెందిన క్యూరియాసిటీ రోవర్ అంగారక గ్రహం ఉపరితలాన్ని అనేక కోణాల్లో శోధిస్తోంది. పలుమార్లు ఈ గ్రహ తొలిదశలో నీటి ఆనవాళ్లు ఉన్నాయన్న సంకేతాలను అందించింది. ఈ నేపథ్యంలో తాజాగా రష్యా, ఐరోపాలు అరుణగ్రహంపై జీవజాతుల జాడకోసం ఉమ్మడి ప్రయత్నం చేపట్టాయి. ఇందులో భాగంగా సోమవారం విజయవంతంగా ఒక ట్రేస్ గ్యాస్ ఆర్బిటర్ (టిజివో)ను ప్రయోగించాయి. అనేక అత్యున్నత స్థాయి సాంకేతిక పరికరాలు కలిగిన ఈ ఆర్బిటర్ 496 మిలియన్ కిలోమీటర్ల మేర పయనించి ఏడు నెలల తర్వాత అంటే అక్టోబర్‌లో అంగారక గ్రహాన్ని చేరుకుంటుంది. రష్యాలోని కజకిస్తాన్‌లోగల బైకనూరు కాస్మోడ్రోమ్ నుంచి ఈ ప్రయోగం జరిగింది. ఎలాంటి సాంకేతిక సమస్యలు లేకుండా విజయవంతంగానే దీన్ని పూర్తిచేశామని రష్యా అంతరిక్ష పరిశోధనా సంస్థ రోస్ కాస్మోస్ తెలిపింది. మొత్తం రెండు దశలుగా ఐరోపా అంతరిక్ష పరిశోధనా సంస్థ, రష్యా రోదసీ సంస్థ ఈ అధ్యయనాన్ని చేపడతాయి.
తొలిదశ ప్రయోగం విజయవంతమైన నేపథ్యంలో రెండో ప్రయోగాన్ని కూడా త్వరలోనే చేపడతామని ఈ రెండు సంస్థలూ తెలిపాయి. ఎక్సోమార్స్ పేరిట ఈ ప్రయోగాన్ని మొదలుపెట్టామని వెల్లడించాయి. ఇంకా అంగారక గ్రహం ‘సజీవంగా ఉందా లేదా’ అన్నదే తమ ప్రయోగ లక్ష్యమని తెలిపాయి.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.