Others
షార్ట్ ఫిల్మ్ @180
S ,7 à 8 RSCA (si SASPAS) et 6 cialis pharmacie cialis rapports de stage.
‘డబ్బుకు లోకం దాసోహం’, ‘డబ్బు లేనిదే ఏ పనీ జరగదు’ అన్నది ప్రస్తుత సమాజంలో కొంతవరకూ నిజం కావొచ్చు. కానీ, నిబద్ధత, ధృడ దీక్ష, సంకల్పం ఉంటే తగినంత డబ్బు లేకున్నా అద్భుతాలు సృష్టించవచ్చని నిరూపించారు క్రిస్టినే జోస్ సలేస్. కేవలం రూ.180 ఖర్చుతో ఒక షార్ట్ ఫిల్మ్ నిర్మించి ఉత్తమ షార్ట్ ఫిల్మ్ అవార్డ్ సాధించాడు. ప్రస్తుతం యువత షార్ట్ ఫిల్మ్‌ల తయారీ (నిర్మించడం) పట్ల ఎక్కువ ఆసక్తి చూపుతోంది. పలువురు షార్ట్ ఫిల్మ్ నిర్మాణానికి లక్షలాది రూపాయలు ఖర్చు చేస్తున్నారు. మరికొందరు తగినంత సొమ్ము లేక ఆసక్తి చంపుకుంటున్నారు. అయితే, షార్ట్ ఫిల్మ్ నిర్మించాలని అనుకొంటున్న అలాంటి వారికి ఆదర్శంగా నిలిచాడు జోస్ సలేస్. ప్రకృతి రమణీయతకు నిలయమైన కేరళలోని ‘కంజీరప్పల్లి’ కుగ్రామంలో పుట్టిన జోస్, గ్రాడ్యుయేషన్ కోసం బెంగళూరు వచ్చారు. ఆ సమయంలో కళాశాలలో ఒక నాటకంలో నటించే అవకాశం వచ్చింది. అనంతరం ఒక నాటకానికి దర్శకత్వం వహించి అందరి మన్ననలు అందుకున్నాడు. అప్పటినుంచి జోస్ నాటకాలు రచించటం, ప్రదర్శించటంపై ఆసక్తి చూపించాడు. ప్రస్తుతం జోస్ చెన్నైలో సింబియాసిస్ ఇనిస్టిట్యూట్ ఆఫ్ మీడియా అండ్ కమ్యూనికేషన్స్‌లో ఎంబిఎ చేస్తున్నాడు.
ప్రముఖ ఆంగ్ల రచయిత క్రిష్ట్ఫార్ నోలాన్ రచించిన ‘బాడీ ఆఫ్ వర్క్’ అనే నవల స్ఫూర్తితో, జోస్ సొంతగా ఒక కథ తయారు చేశాడు. సదరు కథతో ‘టైమ్ ఇన్ ఎ బాక్స్’ అనే షార్ట్ ఫిల్మ్ నిర్మించాడు. ఈ షార్ట్ ఫిల్మ్ నిర్మాణానికి అయిన ఖర్చు అక్షరాలా రూ.180 రూపాయలు. ఇటీవల మీడియా కొనె్నక్ట్ నిర్వహించిన షార్ట్ ఫిల్మ్ కాంపిటేషన్‌లో ‘టైమ్ ఇన్ ఎ బాక్స్’ ఉత్తమ షార్ట్ఫిల్మ్‌గా ఎంపికైంది. ఈ పోటీలో మొత్తం 450 ఫిల్మ్‌లు పోటీ పడ్డాయి. షార్ట్ఫిల్మ్ ఎంపిక కమిటీలోని న్యాయ నిర్ణేతలలో ప్రముఖ బాలీవుడ్ దర్శకుడు అనంత్ మహదేవన్ ఒకరు. అతి తక్కువ ఖర్చు సినిమా ఎలా నిర్మించాలో ‘జోస్’నుంచి చాలా నేర్చుకోవాల్సిన అవసరం ఉందని ఆయన చేసిన వ్యాఖ్యలు ఈ సందర్భంగా గుర్తు పెట్టుకోవాలి.
షార్ట్ ఫిల్మ్‌లో తన స్నేహితులు నటించారని, మరో స్నేహితుడు కేనన్ డిఎస్‌ఎల్‌ఆర్ కెమెరా ఇచ్చారని, షూటింగ్ మొత్తం తన గదిలో చేశానని జోస్ చెప్పారు. లైటింగ్ కోసం వినియోగించే బల్బులకు అద్దెకట్టానని, ఎడిటింగ్ కూడ తానే చేశానని చెప్పుకొచ్చారు. స్నేహితుల సహాయ, సహకారాలతోనే తాను కేవలం రూ. 180తో షార్ట్ఫిల్మ్ నిర్మించినట్టు ‘జోస్’ వినమ్రంగా చెబుతున్నాడు. సృజనాత్మకత కలిగి, షార్ట్ ఫిల్మ్‌లు నిర్మించాలనుకొనే వారికి జోస్ ఆదర్శప్రాయుడిగా నిలుస్తున్నారు. జోస్ మరిన్ని మంచి చిత్రాలు నిర్మించాలని ఆశిద్దాం.
Related Articles
సందీప్ వంగా -డార్లింగ్ ప్రభాస్ కాంబో ప్రాజెక్టు ఫినిషింగ్ టచ్‌లో ఉందన్న మాట వినిపిస్తోంది. సందీప్ డిజైన్ చేసిన ఫైనల్ స్క్రిప్ట్‌ను హీరో ఓకే చేస్తే -ప్రభ 22వ ప్రాజెక్టుకు అఫీషియల్ అనౌన్స్‌మెంట్ రావొచ్చన్న మాట వినిపిస్తోంది. ప్రస్తుతం ప్రభాస్ -ప్రాజెక్టు 20తో బిజీగా ఉన్నాడు.
ఇటీవల భారతీయ చలనచిత్రరంగంలో అత్యుత్తమ నటుడుగా నీరాజనాలందుకుంటున్న కమల్‌హాసన్, తాను నిర్మిస్తున్న భారతీయుడు-2 షూటింగ్ సందర్భంగా ఘోర ప్రమాదం జరిగి ముగ్గురు యూనిట్ సభ్యులు మరణించడం విచారకరం. సినిమారంగం యావత్తు సానుభూతి ప్రకటించింది. మూవీ ఆర్టిస్ట్ అసోసియేషన్ సంతాపం ప్రకటించింది.
పాన్ ఇండియా -టాగ్ లైన్‌తో భారీ వసూళ్లు రాబట్టే వ్యాపార సూత్రానికి మేకర్లు మరింత పదును పెడుతున్నారు. భారీ బడ్జెట్ నిర్మాతలంతా -రెండడుగులు ముందుకేసి ‘పాన్ ఇండియా’ మూవీలకు ప్లాన్ చేస్తుండటం కొద్దికాలంగా కనిపిస్తోన్న సీన్.
చెప్పడానికి తెలుగమ్మాయే గానీ తెలుగులో మాత్రం అవకాశాలు రావడం లేదు. ముంబాయిలో సైటిల్ అయిన భామ మున్నామైఖేల్ సినిమాతో తెరంగేట్రం చేసింది. తొలి సినిమాతోనే డాన్స్ పెర్ఫార్మెన్స్ అద్భుతంగా చేసి, టైగర్ ష్రాఫ్‌తో సమానంగా గుర్తింపు పొందింది. ఈ సినిమాలో నిథి అగర్వాల్‌ను చూసి అందరూ ఆశ్చర్యపోయారు.
దేవదాసు చంద్రముఖని చివరిసారిగా చూసి పార్వతికోసం రైలెక్కి దుర్గాపూర్ రోడ్డులో దిగి బండి ఎక్కి తూలుతూ, మూలుగుతూ రక్తం కక్కుకుంటూ, ఉరుములు, మెరుపులు, వాన ప్రారంభం కాగానే ఒక చోట బండి బురదలో దిగబడిపోతే, బండి దిగి బండివానికి సహాయం చేసి, దుర్గాపూర్ రాగానే కదలలేని స్థితికి చేరుకుంటాడు.