Others
అమృత పానీయం
S ,7 à 8 RSCA (si SASPAS) et 6 cialis pharmacie cialis rapports de stage.
ఎండలు మండుతున్నాయి. వయసుతో నిమిత్తం లేకుండా ప్రతి మనిషినీ దాహం పీడిస్తుంది. చల్లని నీళ్ళు ఎన్ని తాగినా దాహం తీరదు సరికదా కడుపుబ్బరం అనే మరో అనారోగ్యం వెంటాడుతుంది. ఫ్రిజ్‌లలో ఉంచిన శీతల పానీయాలు సైతం తాత్కాలిక ఉపశమనం కలిగించేవే కాని, దాహానికి పూర్తిగా అడ్డుకట్ట వేయలేవు. చల్లగా ఉదరంలోకి జారటం మినహా దాహాన్ని తన్ని తరిమేయలేవు. కొద్దిసేపటి తర్వాత మళ్ళీ దాహం మొదలవుతుంది. అలాంటి సమయాల్లో ‘కొబ్బరినీళ్లు’ అమృత పానీయంగా వుంటుంది. ఒక్క బోండాంలోని కొబ్బరి నీళ్ళు తాగితే దాహం కట్టడుతుంది. తీవ్రమైన ఎండ వేడిమినుంచి సైతం ఉపశమనం లభిస్తుంది. వేసవి కాలంలో దాహాన్ని పారద్రోలి, వడదెబ్బ తాకిడినుంచి తట్టుకోవడానికి కొబ్బరినీళ్ళు దివ్యమైన ఔషధంగా పనిచేస్తాయి. రుగ్మతలను సైతం పారద్రోలే కొబ్బరినీళ్ళు ప్రతిచోటా దొరుకుతున్నాయి.
పోషకాలు ఇవీ..
కొబ్బరి నీళ్ళలో బహు పోషకాలు నిక్షిప్తంగా వున్నాయి. 100 మిల్లీ లీటర్ల కొబ్బరి నీటిలో 105 మిల్లీగ్రాముల సోడియం, 312 మి.గ్రా. పొటాషియం, 30 మి.గ్రా. మెగ్నీషియం, 29 మి.గ్రా. కాల్షియం, 10 మి.గ్రాల ఐరన్, 37 మి.గ్రా.ల భాస్వరం, 27 మి.గ్రా. గంధకం, 183 మి.గ్రా. క్లోరిన్‌లు నిక్షిప్తంగా ఉంటాయి. కొబ్బరినీరులో 4 శాతం పిండి పదార్థాలు, 0.4 శాతం మినరల్స్, 0.1 శాతం ప్రొటీన్లు, 0.1 శాతం కొవ్వు పదార్థం కూడా వుంటుంది. ఔషధ గుణాలలో కాని, పోషక విలువలలోగాని లేత కొబ్బరి నీటితో ఏ శీతల పానీయం పోటీ పడలేదని వైద్య నిపుణులు సైతం ముక్తకంఠంతో అంగీకరిస్తున్నారు.
కొబ్బరినీళ్ళు దాహార్తిని తగ్గించటానికి మాత్రమే ఉపయోగపడటం లేదు. అతిసారం, రక్తవిరోచనాలు, పేగుల మంటలను తగ్గించటానికి కొబ్బరినీళ్ళు బాగా ఉపయోగపడతాయి. హైపవర్ అసిడిటీకి విరుగుడుగానూ, వాంతులు, తల తిరగటం లాంటి అవలక్షణాలను అదుపు చేసే దివ్య ఔషధం కొబ్బరి నీళ్ళు. గతంలో అతి భయంరమైనదిగా ప్రచారం జరిగిన కలరా వ్యాధి నిర్మూలనకు ఇది మంచి మందు. అతిసారంవల్ల వాంతులవల్ల కోల్పోయిన పొటాషియంను సమకూర్చి, దేహానికి సత్తువ అందించటంలో కొబ్బరినీళ్ళు కీలక పాత్ర పోషిస్తాయి. కొబ్బరికాయ కొద్దిగా ముదిరినపుడు అందులో వున్న నీరు జెల్లీలాగా తయారవుతుంది. దీనిని ‘స్పూన్ కోకోనట్’ అంటారు. ఇది చాలా రుచిగా ఉంటుంది. సులభంగా జీర్ణవౌతుంది. కొబ్బరికాయ నీటిలో సోడియం, పొటాషియం, మెగ్నీషియం, ఫాస్పరస్, సల్ఫర్, క్లోరిన్, ఇనుము లాంటి ఖనిజాలు కలిగి ఉండటంవల్ల మనిషికి మంచి పౌష్టికాహారంగా పేర్కొనబడుతుంది. మహిళలకు వేసవిలో క్రమం తప్పకుండా తాగించితే గుండెకు మేలు చేస్తుందని వైద్య నిపుణులు అభిప్రాయపడుతున్నారు.
Related Articles
నేటి పరిస్థితుల్లో మాస్కులను తప్పనిసరి చేసింది ప్రభుత్వం. ప్రతిరోజూ మాస్కులను మార్చాలంటే ఇబ్బందే.. ఎందుకంటే మార్కెట్లో మాస్కులు దొరకడం లేదు. అందుకని కాటన్ క్లాత్‌తో ఇంట్లోనే మాస్కులను తయారుచేసుకుని వాడుకోవచ్చు. మాస్కులను తయారుచేసుకోవడం సులభమే.. కానీ వాటిని శుభ్రంగా ఉంచుకోవడమే కష్టం..
ప్రస్తుతం మన దేశంలో భారీకాయులు ఎక్కువవుతున్నారని వైద్య నిపుణుల చెబుతున్నారు. గణాంకాల ప్రకారం కోటి నలభై లక్షలమందికి బాల్యంలోనే భారీకాయం వుందని అంచనా. ఈ చిన్నారులు కొద్ది సంవత్సరాల్లో యువతగా రూపాంతరం చెందుతారు. అపుడు ఎక్కువమంది యువకులు భారీకాయులై ఉంటారనడంలో ఆశ్చర్యం లేదు.
అందాలనిచ్చే మొక్కలను పెంచుకోవాలన్న ఆలోచన, అభిరుచి వుంటే సరిపోదు- మొక్కలు పెంచుకోవాలంటే ఉత్సాహంగా వాటిపై ప్రత్యేక శ్రద్ధ పెట్టాలి.
చక్కని గాలి వెలుతురు వుండేలా చూస్తూ, ప్రతిరోజూ వాటికి నీళ్లు పోయాలి. రెండు రోజులు ఊరెళ్లాలన్నా వాటికి నీళ్లెలా అని సతమతవౌతుంటాం.
విద్యార్థులు తమ ఆరోగ్యాన్ని జాగ్రత్తగా చూసుకోవాలి. తినే సమయంలో కూడా పరీక్షల గురించి ఆలోచించరాదు. సరిగా తినకపోవడంవల్ల కలిగే నీరసం కారణంగా చదవాలనిపించదు. అలా అని ఎక్కువగా ఉన్నా కూడా ప్రమాదమే. మితహారం చాలా మంచిది. పప్పుదినుసులు, పాలు, గుడ్లు, ఆకుకూరలు వంటి తేలికపాటి ఆహారాన్ని తీసుకోవాలి.
పండుగరోజుల్లో రవ్వంత బంగారం అయినా కొనుక్కోవాలనుకుంటారు మహిళలు. బంగారం కొనేటప్పుడు సరైన జాగ్రత్తలు తీసుకోకపోతే మాత్రం డబ్బు నష్టపోవడం ఖాయం అంటూ కొన్ని సలహాలను ఇస్తున్నారు నిపుణులు.