Others
ప్రకృతి రక్షకుడు!
S ,7 à 8 RSCA (si SASPAS) et 6 cialis pharmacie cialis rapports de stage.
అతను ప్రజలను రక్షించటమేకాదు పర్యావరణాన్ని పరిరక్షించాలనే తపన గల పత్య్రేక పోలీసు అధికారి. అయనే బాచుపల్లి పోలీసు ఇన్‌స్పెక్టర్ బాలకృష్ణారెడ్డి. హైదరాబాద్‌లోని బాచుపల్లి పోలీసు స్టేషన్‌కు వెళితే అక్కడ పోలీసు స్టేషన్ భవనంపై పచ్చటి మొక్కలు గాలికి ఊగుతుంటాయి. పర్యావరణ ప్రేమికుడైన ఈ పోలీసు అధికారి ఏ పోలీసు స్టేషన్‌లోకి అడుగుపెడితే అక్కడ ఆ భవనం నందనవనమే. సేంద్రీయ పద్దతుల్లో మొక్కలను పెం చుతూ ప్రజల రక్షకుడ్నే కాదు పర్యావరణ రక్షకుడ్ని అని నిరూపించుకుంటున్నారు. స్టేషన్‌కు వచ్చే ప్రజలకు వివిధ సెక్షన్ల గురించే కాదు సేంద్రీయ పాఠాలు వల్లివేస్తుంటాడు. దాదాపు టెర్రిస్‌పై పది రకాల కూరగాయ మొక్కలను పెంచుతున్నారు.
వ్యవసాయం అంటే మక్కువ..
చిన్నప్పటి నుంచి వ్యవసాయం అంటే ఈ ఇన్‌స్పెక్టర్‌కు ఎంతో ఇష్టం. బాచుపల్లి పోలీసు అధికారిగా బాచుపల్లి స్టేషన్‌కు వచ్చినప్పటి నుంచి ఆయనకు సేంద్రీ య పద్ధతుల్లో పండే కూరగాయలు దొరకటం లేదు. ఓ రోజు కూరగాయల విక్రయదారుడు టెర్రస్ మీద పండించమని సలహా ఇచ్చాడు. ఇదేదో బాగుందని ధైర్యం చేసి పది రకాల కూరగాయల మొక్కలు నాటారు. వ్యవసాయదారుల కుటుంబం నుంచి రావటం వల్ల విధి నిర్వహణకు ఆటం కం లేకుండా ఖాళీ సమయం లో వీటి సంరక్షణ చర్యలు తీసుకుంటూ ఏపుగా పెం చారు. మొక్కలను పెంచాలంటే ఎక్కువ సమయం కేటాయించాల్సిన అవసరం లేదని, ప్రతిరోజూ క్రమం తప్పకుండా నీళ్లు పోస్తే చాలు, స్టేషన్‌లోని మిగిలిన సిబ్బంది కూడా సహకరిస్తుంటారని పోలీసు అధికారి బాలకృష్ణారెడ్డి చెబుతున్నారు. మల్లపేట గ్రామం నుంచి ఎర్రమట్టి, ఆవుపేడను సేకరిస్తారు. వీటితో సేంద్రీయ ఎరువులను తయారుచేసి మొక్కలకు వేస్తుంటారు. విత్తనాలు విత్తిన నలభై రోజుల్లోనే మొక్కలు ఏపుగా పెరిగాయని బాలకృష్ణారెడ్డి తెలియజేస్తున్నారు. పాలకూర, మెంతికూర వంటి ఆకుకూరలు చేతికి వచ్చాయి. ఇక టమాటా, బీన్స్, పచ్చిమిరపకాయ, వంకాయ, ఉల్లిగడ్డలు, సొరకాయ వంటి కూరగాయలు రెండు వారాల్లో పంటకు వస్తాయి. బాలకృష్ణారెడ్డి బాచుపల్లిలోనే కాదు బంజారాహిల్స్, ఉప్పల్ ప్రాం తాల్లో పనిచేసినా అక్కడ కూడా ఇలాగే మొక్కలను పెంచారు. పర్యావరణాన్ని కాపాడటం మన చేతుల్లోనే ఉందని చాటిచెప్పారు. కొద్దిపాటి ఖాళీ స్థలం దొరికినా సేంద్రీయ పద్ధతుల్లో కూరగాయలను పండించుకుంటే కుటుంబం మొత్తం ఆరోగ్యకరమైన ఆహారాన్ని తింటుందని నమ్మే ఈయన పైకప్పు చల్లగా వేడి వాతావరణాన్ని రక్షణ ఇస్తుందని అంటారు.
Related Articles
నేటి పరిస్థితుల్లో మాస్కులను తప్పనిసరి చేసింది ప్రభుత్వం. ప్రతిరోజూ మాస్కులను మార్చాలంటే ఇబ్బందే.. ఎందుకంటే మార్కెట్లో మాస్కులు దొరకడం లేదు. అందుకని కాటన్ క్లాత్‌తో ఇంట్లోనే మాస్కులను తయారుచేసుకుని వాడుకోవచ్చు. మాస్కులను తయారుచేసుకోవడం సులభమే.. కానీ వాటిని శుభ్రంగా ఉంచుకోవడమే కష్టం..
ప్రస్తుతం మన దేశంలో భారీకాయులు ఎక్కువవుతున్నారని వైద్య నిపుణుల చెబుతున్నారు. గణాంకాల ప్రకారం కోటి నలభై లక్షలమందికి బాల్యంలోనే భారీకాయం వుందని అంచనా. ఈ చిన్నారులు కొద్ది సంవత్సరాల్లో యువతగా రూపాంతరం చెందుతారు. అపుడు ఎక్కువమంది యువకులు భారీకాయులై ఉంటారనడంలో ఆశ్చర్యం లేదు.
అందాలనిచ్చే మొక్కలను పెంచుకోవాలన్న ఆలోచన, అభిరుచి వుంటే సరిపోదు- మొక్కలు పెంచుకోవాలంటే ఉత్సాహంగా వాటిపై ప్రత్యేక శ్రద్ధ పెట్టాలి.
చక్కని గాలి వెలుతురు వుండేలా చూస్తూ, ప్రతిరోజూ వాటికి నీళ్లు పోయాలి. రెండు రోజులు ఊరెళ్లాలన్నా వాటికి నీళ్లెలా అని సతమతవౌతుంటాం.
విద్యార్థులు తమ ఆరోగ్యాన్ని జాగ్రత్తగా చూసుకోవాలి. తినే సమయంలో కూడా పరీక్షల గురించి ఆలోచించరాదు. సరిగా తినకపోవడంవల్ల కలిగే నీరసం కారణంగా చదవాలనిపించదు. అలా అని ఎక్కువగా ఉన్నా కూడా ప్రమాదమే. మితహారం చాలా మంచిది. పప్పుదినుసులు, పాలు, గుడ్లు, ఆకుకూరలు వంటి తేలికపాటి ఆహారాన్ని తీసుకోవాలి.
పండుగరోజుల్లో రవ్వంత బంగారం అయినా కొనుక్కోవాలనుకుంటారు మహిళలు. బంగారం కొనేటప్పుడు సరైన జాగ్రత్తలు తీసుకోకపోతే మాత్రం డబ్బు నష్టపోవడం ఖాయం అంటూ కొన్ని సలహాలను ఇస్తున్నారు నిపుణులు.