Others
బెల్లం తింటున్నారా...?
S ,7 à 8 RSCA (si SASPAS) et 6 cialis pharmacie cialis rapports de stage.
బెల్లం రుచికి తియ్యగా వుంటుంది. ఇందులో పోషక పదార్థాలు లభిస్తాయి. సోడియం, పొటాషియం, మెగ్నీషియం, కాల్షియం, ఐరన్, కార్బోహైడ్రేట్స్, సెలీనియం, మాంగనీస్ లాంటి పోషక పదార్థాలెన్నో లభిస్తాయి. బెల్లం బంగారపు రంగులో వుంటుంది. ఇది ఎంత ముదురు రంగులో వుంటే పోషక పదార్థాలు అంత పుష్కలంగా లభిస్తాయి. క్యాండీలు, ఐస్‌క్రీములు, చాక్‌లెట్స్, చ్యవనప్రాశలాంటి వాటిల్లో బెల్లాన్ని వాడుతారు. అవాంఛిత రోమాలను తొలగించటానికి ఉపయోగించే వాక్సింగ్‌లో బెల్లం వాడబడుతోంది. ఇంటికి కావలసిన పచారీ సామానులను తెచ్చుకునే జాబితాలో బెల్లం ఉండవలసిందే. ఔషధపరంగా కూడా బెల్లానికి విలువ వుంది.
రక్తంలో హిమోగ్లోబిన్ శాతాన్ని వృద్ధి చేస్తుంది. శక్తిని కలిగిస్తుంది. దాహాన్ని తీరుస్తుంది. జీర్ణరసాలు ఉత్పత్తి అయ్యేందుకు తోడ్పడుతుంది. నీరసాన్ని పోగొడుతుంది. అలసటను తీరుస్తుంది. గుండెదడను తగ్గిస్తుంది. పేగులు ఆరోగ్యంగా వుండేలా చేస్తుంది. వేసవి తాపాన్ని పోగొట్టి వడదెబ్బ తగలకుండా చేస్తుంది. మలబద్ధకాన్ని నివారిస్తుంది. జలుబు, దగ్గుకు నివారణ కలిగిస్తుంది. వేసవిలో బెల్లం షర్బత్‌ను త్రాగితే శరీర ఉష్ణోగ్రతను తగ్గిస్తుంది. రక్తలేమిని నివారిస్తుంది. పాలల్లో బెల్లాన్ని వేసుకుని త్రాగితే కీళ్ళు, పాదాలు, మడమ నొప్పులు తగ్గిపోతాయి. రోగ నిరోధక శక్తి వృద్ధి చెందుతుంది. బెల్లాన్ని నువ్వులతో చేర్చి తిన్నట్లయితే శ్వాసకోశ సంబంధిత అనారోగ్యాలకు ఔషధంలా పనిచేస్తుంది. నువ్వులు, బెల్లాన్ని కలిపి పాలలో నూరి నుదుటిమీద పట్టులా వేస్తే మైగ్రెయిన్ నొప్పికి ఉపశమనం కలుగుతుంది. ఎముకల దృఢత్వాన్ని పెంచుతుంది. బ్రాంకైటిస్, ఆస్తమా లాంటి అనారోగ్యాలకు ఉపశమనాన్ని కలిగిస్తుంది. బి.పిని నియంత్రణలో ఉంచుతుంది. బాలింతరాలు బెల్లంతో చేసిన పదార్థాలు తింటే చనుపాల ఉత్పత్తి పెరుగుతుంది. శరీరావయాల్లో చేరిన మలినాలను తొలగించటంలో ప్రముఖ పాత్ర వహిస్తుంది. స్ర్తిలలో ఏర్పడే నెలసరి ఇబ్బందులను, సమస్యలను తొలగిస్తుంది. భుక్తాయాసంతో బాధపడేవారు ఓ బెల్లం ముక్కను చప్పరిస్తూంటే నివారణ కలుగుతుంది. శరీరంలో ఎండార్ఫిన్‌ను విడుదలవటానికి తోడ్పడుతుంది. సున్నం బెల్లం కలిపి నూరి కీళ్ళమీద పట్టు వేస్తే కీళ్ళనొప్పుల బాధ, వాపు తగ్గిపోతుంది.
Related Articles
నేటి పరిస్థితుల్లో మాస్కులను తప్పనిసరి చేసింది ప్రభుత్వం. ప్రతిరోజూ మాస్కులను మార్చాలంటే ఇబ్బందే.. ఎందుకంటే మార్కెట్లో మాస్కులు దొరకడం లేదు. అందుకని కాటన్ క్లాత్‌తో ఇంట్లోనే మాస్కులను తయారుచేసుకుని వాడుకోవచ్చు. మాస్కులను తయారుచేసుకోవడం సులభమే.. కానీ వాటిని శుభ్రంగా ఉంచుకోవడమే కష్టం..
ప్రస్తుతం మన దేశంలో భారీకాయులు ఎక్కువవుతున్నారని వైద్య నిపుణుల చెబుతున్నారు. గణాంకాల ప్రకారం కోటి నలభై లక్షలమందికి బాల్యంలోనే భారీకాయం వుందని అంచనా. ఈ చిన్నారులు కొద్ది సంవత్సరాల్లో యువతగా రూపాంతరం చెందుతారు. అపుడు ఎక్కువమంది యువకులు భారీకాయులై ఉంటారనడంలో ఆశ్చర్యం లేదు.
అందాలనిచ్చే మొక్కలను పెంచుకోవాలన్న ఆలోచన, అభిరుచి వుంటే సరిపోదు- మొక్కలు పెంచుకోవాలంటే ఉత్సాహంగా వాటిపై ప్రత్యేక శ్రద్ధ పెట్టాలి.
చక్కని గాలి వెలుతురు వుండేలా చూస్తూ, ప్రతిరోజూ వాటికి నీళ్లు పోయాలి. రెండు రోజులు ఊరెళ్లాలన్నా వాటికి నీళ్లెలా అని సతమతవౌతుంటాం.
విద్యార్థులు తమ ఆరోగ్యాన్ని జాగ్రత్తగా చూసుకోవాలి. తినే సమయంలో కూడా పరీక్షల గురించి ఆలోచించరాదు. సరిగా తినకపోవడంవల్ల కలిగే నీరసం కారణంగా చదవాలనిపించదు. అలా అని ఎక్కువగా ఉన్నా కూడా ప్రమాదమే. మితహారం చాలా మంచిది. పప్పుదినుసులు, పాలు, గుడ్లు, ఆకుకూరలు వంటి తేలికపాటి ఆహారాన్ని తీసుకోవాలి.
పండుగరోజుల్లో రవ్వంత బంగారం అయినా కొనుక్కోవాలనుకుంటారు మహిళలు. బంగారం కొనేటప్పుడు సరైన జాగ్రత్తలు తీసుకోకపోతే మాత్రం డబ్బు నష్టపోవడం ఖాయం అంటూ కొన్ని సలహాలను ఇస్తున్నారు నిపుణులు.