Others

లోపల ఎవరో...

S ,7 à 8 RSCA (si SASPAS) et 6 cialis pharmacie cialis rapports de stage.

Published Thursday, 29 March 2018

లోపల ఎవరో తిరుగుతున్నారు
ర్యాలీ తీస్తున్నారు
ముళ్లకంచెల మీదుగా నడుస్తూ
బారికేడ్లను పడదోసుకుంటూ
వీధుల వెంట ఊరేగింపుగా సాగుతున్నారు
ప్రశ్నిస్తున్నారు గర్జిస్తున్నారు నిలదీస్తున్నారు
హక్కుల గురించి అర్థం కాని భాషలో
బాణాలు విసురుతున్నారు
ఆక్రమణల గురించి అర్థం లేకుండా
నిప్పులు కురిపిస్తున్నారు
కుర్చీకాళ్ల పగుళ్ల గురించి కుట్రపూరితంగా
రాళ్లు రువ్వుతున్నారు
కల కాబోలు అని సరిపెట్టుకున్నాను
మానసిక అలజడి అని సర్దిచెప్పుకున్నాను
ప్రదర్శన మాయం కాలేదు సరికదా
ఎవరెవరో వచ్చి జత కలుస్తున్నారు
నాలుగు రోడ్ల కూడలి నదిలా మారి
పోటెత్తి, ఆనకట్టల్ని నేలమట్టం చేసేలా...
డామిట్
అచేతనంగా ఉంటే కల నిజమయ్యేలా ఉంది-
ఎవరక్కడ?
వాళ్లందరినీ ఉక్కు సంకెళ్లతో బంధించండి
నినాదాలను వాళ్ల గొంతుల్లోనే పాతిపెట్టండి
కుడిచేతి పిడికిళ్లను కత్తిరించి
కోటగుమ్మానికి వేలాడదీయండి
అప్పటికీ కదలికలుంటే
రాజ్యబహిష్కరణ విధించండి!
*

-ఎవీ రామిరెడ్డి 9866777870