నా కవిత

నా కవితా విహంగం
ఊహల రెక్కలు కట్టుకుని
స్వేచ్ఛగా విహరిస్తుంది

నా కవితా జలపాతం
జన జీవన స్రవంతిలో
స్వచ్ఛంగా ప్రవహిస్తుంది

నా కవితా మలయ మారుతం
ఆశను శ్వాసగా మార్చుకుని
నిశ్చయంగా నినదిస్తుంది

నా కవితా విలయతాండవం
విప్లవాన్ని ఊపిరి చేసుకుని
నిర్భయంగా నాట్యం చేస్తుంది

నా కవితా భావగీతం
చైతన్యానికి సంకేతమై
నిర్మలంగా స్ఫూర్తిదాయకవౌతుంది

నా కవిత - ప్రభంజనమై
నాగరికపు పురవీధుల్లో
ప్రగతిని ప్రజ్వలింప చేస్తుంది

నా కవిత ప్రభాత గీతమై
మానవతను మేల్కొల్పుతుంది
నా కవిత మమతకు మార్గమై
అసమానతలను రూపుమాపుతుంది!!