Others
సందర్భానుసారంగా..
S ,7 à 8 RSCA (si SASPAS) et 6 cialis pharmacie cialis rapports de stage.
పార్టీలకు, ఆఫీసులకు, కాలేజీలకు, విహారాలకు ఒకేరకమైన బ్యాగులను వాడటానికి ఇప్పుడూ ఎవ్వరూ ఇష్టపడటం లేదు. సందర్భానుసారంగా హ్యాండ్ బ్యాగును ఎంచుకుంటేనే అసలైన ఫ్యాషన్. కాలేజీకెళ్ళే అమ్మాయిలకు బ్యాక్‌ప్యాక్‌ను మించినది మరోటి ఉండదు. ఇది చాలా అందంగానూ, సౌకర్యంగానూ ఉంటుంది. ఇది ప్రయాణాలకు వెళ్లేవారికి, ముఖ్యంగా టూ వీలర్‌పై వెళ్లేవారికి, ఆఫీసులకు వెళ్ళేవారికి ఈ బ్యాక్‌ప్యాక్ అనువైనది. చేతిలో పట్టుకునేందుకు అనువుగా ఉండేది క్లచ్ హ్యాండ్‌బ్యాగ్. ఇది ఎక్కువగా పార్టీలకు నప్పుతుంది. ఎన్నో రంగులూ, మరెన్నో హంగులతో ఇలాంటివి రకరకాల డిజైన్లలో ఉన్న వీటిని పార్టీలకు వేసుకునే దుస్తులకు అనుగుణంగా ఎంచుకోవచ్చు. షోల్డర్ బ్యాగులను యుటిలిటీ బ్యాగులని కూడా అంటారు. వీటిలో సాధారణ వస్తువులతో పాటు ఫోన్లు, ట్యాబ్‌ల వంటివాటిని కూడా పెట్టుకోవచ్చు. చిన్న సైజు లాప్‌టాప్‌లను పెట్టుకునేందుకు వీలుగా ఇప్పుడు షోల్డర్ బ్యాగులను తయారుచేస్తున్నారు. క్రాస్‌బాడీ బ్యాగ్స్ నేటి ఫ్యాషన్. పేరుకు తగ్గట్టుగానే దీన్ని భుజాల మీదుగా వేసుకుంటాం. దీని పట్టీలు లెదర్, చైన్ లింక్స్‌తో ఉంటాయి. మన అవసరానికి తగ్గట్టుగా చిన్న, మధ్యస్థ, పెద్ద పరిమాణాల్లో లభిస్తాయి ఈ హ్యాండ్ బ్యాగులు. ఇవి కూడా కాలేజీ అమ్మాయిలకు బాగా ఉపయోగపడతాయి. ఆఫీసుకు వెళ్ళేవారికి కూడా ఇవి సౌకర్యంగా ఉంటాయి. టోటె హ్యాండ్ బ్యాక్ చూడటానికి పెద్దగా కనిపిస్తుంది. ఎక్కువ వస్తువులను తీసుకెళ్లాల్సి వచ్చినప్పుడు ఈ బ్యాగు చాలా సౌకర్యంగా ఉంటుంది. ముఖ్యంగా విహారాలకు వెళుతున్నప్పుడు ఇది చాలా చక్కని ఎంపిక. అవసరానుగుణంగా ట్యాబ్‌లు, లాప్‌టాప్‌లకు కూడా ఇది ఉపయోగపడుతుంది. పగలైనా, రాత్రైనా స్టైలిష్‌గా కనిపించేందుకు హోటో హ్యాండ్‌బ్యాగ్‌ను మించినది మరొకటి లేదు. ఇది అందంగా, స్టైల్‌గా కనిపించడంతో పాటు, ఇందులో వస్తువులు కూడా ఎక్కువగానే పడతాయి. చూశారుగా! ఇక మీకు నచ్చిన హ్యాండ్‌బ్యాగులను కొని సందర్భానుసారంగా వాడేసుకోండి మరి! *
Related Articles
నేటి పరిస్థితుల్లో మాస్కులను తప్పనిసరి చేసింది ప్రభుత్వం. ప్రతిరోజూ మాస్కులను మార్చాలంటే ఇబ్బందే.. ఎందుకంటే మార్కెట్లో మాస్కులు దొరకడం లేదు. అందుకని కాటన్ క్లాత్‌తో ఇంట్లోనే మాస్కులను తయారుచేసుకుని వాడుకోవచ్చు. మాస్కులను తయారుచేసుకోవడం సులభమే.. కానీ వాటిని శుభ్రంగా ఉంచుకోవడమే కష్టం..
ప్రస్తుతం మన దేశంలో భారీకాయులు ఎక్కువవుతున్నారని వైద్య నిపుణుల చెబుతున్నారు. గణాంకాల ప్రకారం కోటి నలభై లక్షలమందికి బాల్యంలోనే భారీకాయం వుందని అంచనా. ఈ చిన్నారులు కొద్ది సంవత్సరాల్లో యువతగా రూపాంతరం చెందుతారు. అపుడు ఎక్కువమంది యువకులు భారీకాయులై ఉంటారనడంలో ఆశ్చర్యం లేదు.
అందాలనిచ్చే మొక్కలను పెంచుకోవాలన్న ఆలోచన, అభిరుచి వుంటే సరిపోదు- మొక్కలు పెంచుకోవాలంటే ఉత్సాహంగా వాటిపై ప్రత్యేక శ్రద్ధ పెట్టాలి.
చక్కని గాలి వెలుతురు వుండేలా చూస్తూ, ప్రతిరోజూ వాటికి నీళ్లు పోయాలి. రెండు రోజులు ఊరెళ్లాలన్నా వాటికి నీళ్లెలా అని సతమతవౌతుంటాం.
విద్యార్థులు తమ ఆరోగ్యాన్ని జాగ్రత్తగా చూసుకోవాలి. తినే సమయంలో కూడా పరీక్షల గురించి ఆలోచించరాదు. సరిగా తినకపోవడంవల్ల కలిగే నీరసం కారణంగా చదవాలనిపించదు. అలా అని ఎక్కువగా ఉన్నా కూడా ప్రమాదమే. మితహారం చాలా మంచిది. పప్పుదినుసులు, పాలు, గుడ్లు, ఆకుకూరలు వంటి తేలికపాటి ఆహారాన్ని తీసుకోవాలి.
పండుగరోజుల్లో రవ్వంత బంగారం అయినా కొనుక్కోవాలనుకుంటారు మహిళలు. బంగారం కొనేటప్పుడు సరైన జాగ్రత్తలు తీసుకోకపోతే మాత్రం డబ్బు నష్టపోవడం ఖాయం అంటూ కొన్ని సలహాలను ఇస్తున్నారు నిపుణులు.