Others
మనిషితనం చచ్చిపోయింది
S ,7 à 8 RSCA (si SASPAS) et 6 cialis pharmacie cialis rapports de stage.
Published Wednesday, 19 September 2018
-పుష్యమీ సాగర్ 90103 50317
మనిషితనం చచ్చిపోయింది
కడుపు చించుకు పుట్టిన బిడ్డ
పురిట్లో చచ్చినా బాగుండేది
పాతికేళ్ల వయసుని కత్తికి బలిచ్చి
పరువుదాహం తీర్చుకున్నారు
రంగేది అయినా రక్తం ఒక్కటే
అమ్మ కడుపు నుంచి శ్మశానం దాకా
కులం కావళ్లు మోస్తూ మీకు మీరు
ఆత్మ వంచన చేసుకుంటారు
పసిపిల్లల ప్రేమకి కులం కుంపటి
వందేళ్ల ప్రయాణానికి చరమగీతం పాడింది
యుగాలుగా అణిచివేతలో బడుగు జీవులు
పేడపురుగులై చస్తూనే ఉన్నారు
అమావాస్య చీకటిని బలవంతంగా
రేపటి వెలుగుని మింగేసింది
కులాల సంఘర్షణలో మనిషితనాన్ని చంపి
విర్రవీగుతున్నావు..
నిండు గర్భిణి దుఃఖ శోకం
ఎవరు తీర్చగలరు...
మనిషితనాన్ని నాశనం చేసిన చరిత్రని
ప్రపంచం ఎప్పటికీ క్షమించదు..!!