Others
నువ్వుంటే నా జతగా.. (నాకు నచ్చిన పాట )
S ,7 à 8 RSCA (si SASPAS) et 6 cialis pharmacie cialis rapports de stage.
నువ్వు నాకు జతగావుంటే సృష్టిలో ఇక దేనితోనూ పనిలేదంటూ ప్రేమికురాలికి -ఓ ప్రేమికుడు ప్రపోజ్ చేశాడనుకోండి ఎంతో అద్భుతంగా ఉంటుంది కదూ. చాలా సినిమాల్లో ఇటువంటి ఎక్స్‌ప్రెషన్స్ చాలా వినొండచ్చు. కాకపోతే శంకర్ తెరకెక్కించిన ఐ -(మనోహరుడు) చిత్రంలో హీరో విక్రమ్ ప్రపోజ్ చేసిన స్టయిల్ వేరు, పాట వేరు. ఆ పాటే -నువ్వుంటే నా జతగా. తెలుగు వర్షన్ మనోహరుడు కోసం రామజోగయ్య శాస్ర్తీ రాసిన పాట సినిమా విడుదల టైంలో సెనే్సషన్ క్రియేట్ చేసింది. ఈ పాటే ఆడియన్స్‌ని థియేటర్స్‌వైపు మళ్లించింది కూడా. స్టార్ డైరెక్టర్ శంకర్ సినిమాల సత్తాను ఈ చిత్రం చాటలేకున్నా -ఈ పాట మాత్రం చిరస్మరణీయమైంది.
వీచే చిరుగాలిని వెలివేస్తా/ పారే నదిని ఆవిరి చేస్తా/ నేనున్న నేలంతా మాయం చేస్తా/ లేనే లేదే అవసరమే/ నువ్వే నాకు ప్రియవరమే -అంటూ సాగే పాటలో ఫాంటసీ కంపోజిషన్స్, విక్రమ్ అప్పియరెన్స్, అమీజాక్సన్ అందాలు.. వీటన్నింటికి మించి సంగీత మాంత్రికుడు ఎఆర్ రెహమాన్ స్వర బాణీ, అప్పుడప్పుడే స్క్రీన్‌కు తన కొత్త గొంతును పరిచయం చేస్తున్న సిధ్ శ్రీరామ్ మనల్ని మెస్మరైజ్ చేసేశారు. నువ్వుంటే నా జతగా/ నేనుంటా ఊపిరిగా అంటూ -అగాథ లోతుల్లోంచి వినిపించే ఎకో స్వరంలా పాటెత్తుకున్న సిథ్ గొంతుకు శ్రోతలు ఫిదా అయిపోయారంటే అతిశయోక్తి అనలేం.
నువ్వైనా నమ్మవుగా/ చెలియా నేనెవరంటూ/ ఎవరూ గుర్తించరుగా/ నా ప్రేమవు నువ్వంటూ/ నీ కోసం ఈలోకం బహుమానం చేస్తా/ నువ్వులేని లోకంలో నన్ను నేనే బలిచేస్తా-నువ్వుంటే నా జతగా
ప్రేమకు అర్థం ఏదంటే/ నిన్నూ నన్నూ చూపిస్తా/ అడ్డొస్తే ఆ ప్రేమైనా/ నా చేతుల్తో నరికేస్తా/ సూదీ దారం సాయంతో/ కురులు మీసం కుట్టేస్తా/ నీళ్లను దాచే కొబ్బరిలా/ గుండెల్లో నిను కప్పేస్తా -అంటూ సాగే లవ్ ప్రపోజల్‌లో ఓ గాఢత కనిపిస్తుంది. అందమైన ప్రేమికుడు విలన్ల కుట్రకు బలై జంతువులా మారిపోయిన సందర్భంలో -తనను గుర్తుపట్టమంటూ ఒకవైపు, అతన్ని గుర్తుపట్టలేక భయంకర జంతువును చూసినట్టు చూస్తున్న ప్రేమికురాలి భయాన్ని తలచుకుంటూ వేదన మరోవైపు.. ఇలా ఓ ఫాంటసీ ఫీల్‌ను శంకర్ స్క్రీన్‌కు ఎక్కించిన రీతి అద్భుతమనే చెప్పాలి. ఈ పాటను ఆడియోలోకంటే -వీడియోలో చూస్తే ఆ ఆనందమే వేరు.
Related Articles
సందీప్ వంగా -డార్లింగ్ ప్రభాస్ కాంబో ప్రాజెక్టు ఫినిషింగ్ టచ్‌లో ఉందన్న మాట వినిపిస్తోంది. సందీప్ డిజైన్ చేసిన ఫైనల్ స్క్రిప్ట్‌ను హీరో ఓకే చేస్తే -ప్రభ 22వ ప్రాజెక్టుకు అఫీషియల్ అనౌన్స్‌మెంట్ రావొచ్చన్న మాట వినిపిస్తోంది. ప్రస్తుతం ప్రభాస్ -ప్రాజెక్టు 20తో బిజీగా ఉన్నాడు.
ఇటీవల భారతీయ చలనచిత్రరంగంలో అత్యుత్తమ నటుడుగా నీరాజనాలందుకుంటున్న కమల్‌హాసన్, తాను నిర్మిస్తున్న భారతీయుడు-2 షూటింగ్ సందర్భంగా ఘోర ప్రమాదం జరిగి ముగ్గురు యూనిట్ సభ్యులు మరణించడం విచారకరం. సినిమారంగం యావత్తు సానుభూతి ప్రకటించింది. మూవీ ఆర్టిస్ట్ అసోసియేషన్ సంతాపం ప్రకటించింది.
పాన్ ఇండియా -టాగ్ లైన్‌తో భారీ వసూళ్లు రాబట్టే వ్యాపార సూత్రానికి మేకర్లు మరింత పదును పెడుతున్నారు. భారీ బడ్జెట్ నిర్మాతలంతా -రెండడుగులు ముందుకేసి ‘పాన్ ఇండియా’ మూవీలకు ప్లాన్ చేస్తుండటం కొద్దికాలంగా కనిపిస్తోన్న సీన్.
చెప్పడానికి తెలుగమ్మాయే గానీ తెలుగులో మాత్రం అవకాశాలు రావడం లేదు. ముంబాయిలో సైటిల్ అయిన భామ మున్నామైఖేల్ సినిమాతో తెరంగేట్రం చేసింది. తొలి సినిమాతోనే డాన్స్ పెర్ఫార్మెన్స్ అద్భుతంగా చేసి, టైగర్ ష్రాఫ్‌తో సమానంగా గుర్తింపు పొందింది. ఈ సినిమాలో నిథి అగర్వాల్‌ను చూసి అందరూ ఆశ్చర్యపోయారు.
దేవదాసు చంద్రముఖని చివరిసారిగా చూసి పార్వతికోసం రైలెక్కి దుర్గాపూర్ రోడ్డులో దిగి బండి ఎక్కి తూలుతూ, మూలుగుతూ రక్తం కక్కుకుంటూ, ఉరుములు, మెరుపులు, వాన ప్రారంభం కాగానే ఒక చోట బండి బురదలో దిగబడిపోతే, బండి దిగి బండివానికి సహాయం చేసి, దుర్గాపూర్ రాగానే కదలలేని స్థితికి చేరుకుంటాడు.