Others
పోషకాల పండు సపోటా
S ,7 à 8 RSCA (si SASPAS) et 6 cialis pharmacie cialis rapports de stage.
కమ్మని రుచి, బోలెడన్ని పోషకాల సమాహారమే సపోటా. ఈ పండు తేలిగ్గా జీర్ణమవడమే కాకుండా శరీరానికి తగినంత శక్తిని అందిస్తుంది. అందుకే ఈ పండును అందరూ ఇష్టపడతారు. ఇతర పండ్లతో పోలిస్తే ఈ పండు చాలా చవక కూడా.. ఈ సీజన్‌లో సపోటా ఎక్కువగా దొరుకుతుంది. కాబట్టి అందరూ రోజుకో రెండు సపోటా పండ్లు తినడం చాలా మంచిది. సపోటా తినడం వల్ల కలిగే ఆరోగ్యప్రయోజనాలు ఇవే..
* ఆయుర్వేదం ప్రకారం సపోటా వినియోగం శరీరంలోని వేడిని తగ్గించి వొంటిని చల్లబరుస్తుంది.
* నీరసంగా ఉన్నప్పుడు సపోటా పండ్లను తింటే, శరీరం అతి తక్కువ సమయంలో శక్తిని పుంజుకుంటుంది. అయితే ఇందులో చక్కెర పాళ్ళు అధికం గనుక మధుమేహులు పరిమితంగానే తీసుకోవాలి.
* సపోటాలో అధికంగా ఉండే ‘విటమిన్ ఎ’ కంటిచూపును మెరుగుపరిచేందుకు దోహదం చేస్తుంది.
* సపోటాలోని పీచుపదార్థం మంచి జీర్ణశక్తిని ఇస్తుంది. పెద్దపేగు కేన్సర్ ముప్పును సపోటా గణనీయంగా తగ్గిస్తుంది.
* మొలలు, ఫిస్ట్యులా బాధితులు తరచూ సపోటా తింటే రక్తస్రావం తగ్గుతుంది. పేగులు బలపడతాయి.
* మలబద్ధకం బాధితులు రోజూ గ్లాసు సపోటా రసంలో చిటికెడు ఉప్పు కలిపి తాగితే సుఖ విరోచనం అవుతుంది. అలాగే.. ఆగకుండా విరేచనం అవుతున్నప్పుడు సపోటా తింటే విరేచనం అదుపు అవుతుంది.
* సపోటా వినియోగంతో నొప్పులు, వాపులు తగ్గుతాయి. తక్కువ సమయంలో గాయాలు కూడా మానిపోతాయి.
* మొలకెత్తిన రాగుల్ని ఎండబెట్టి పిండిపట్టి అందులో సపోటా గుజ్జు కలిపి సాయంత్రం వేళల్లో తింటే కాల్షియం లోపం తొలగిపోతుంది.
* గర్భిణులు సపోటా తింటే వారికి తగినన్ని పోషకాలు అందినట్లే..
* సపోటా రసంలో కొద్దిగా పాలు, చిటికెడు జాజికాయ, జాపత్రి, మరో చిటికెడు పచ్చకర్పూరం కలిపి రాత్రిపూట తాగితే సుఖనిద్ర సిద్ధిస్తుంది.
* సపోటా వినియోగం వల్ల రోగనిరోధకశక్తి పెరిగి సీజనల్ అనారోగ్యాల బెడద బాగా తగ్గుతుంది.
* బిరుసైన, చిట్లిన జుట్టు మృదువుగా మారి బాగా పెరగాలంటే సపోటా తినాల్సిందే.. అలాగే చుండ్రు, మొటిమలు, ముఖం జిడ్డు కారటం వంటి ఇబ్బందులకూ సపోటా వినియోగం మంచి ఔషధం.
* సన్ ఎలర్జీ ఉన్నవారు ఎండలోకి వెళ్ళగానే చర్మం ఎర్రగా మరి దురద పెడుతుంది. వీరు రోజుకో రెండు సపోటా తింటే అందులోని విటమిన్ సి కారణంగా ఈ ఇబ్బంది దూరమవుతుంది.
* తరచూ సపోటా తినేవారి మానసిక ఆరోగ్యం బావుంటుంది. డిప్రెషన్, నిద్రలేమి, ఆందోళన వంటివి దరిజేరవు.
* వేడి చేసినప్పుడు కనిపించే పొడిదగ్గు, మూత్రంలో మంట, కడుపులో మంట, విరేచనంలో మంటకు సపోటా వినియోగం మంచి విరుగుడు.
* సపోటా, పెరుగు, పంచదార, చిటికెడు ఉప్పు, ఎండు ఖర్జూరాలను కలిపి జ్యూస్‌లా చేసుకుని తాగాలి. తరచూ ఈ జ్యూస్ తాగేవారికి ఇందులో ఐరన్, కాల్షియం మూలంగా రక్తహీనత తొలగిపోవటమే కాక ఎముకలు గట్టిపడతాయి.
*
Related Articles
నేటి పరిస్థితుల్లో మాస్కులను తప్పనిసరి చేసింది ప్రభుత్వం. ప్రతిరోజూ మాస్కులను మార్చాలంటే ఇబ్బందే.. ఎందుకంటే మార్కెట్లో మాస్కులు దొరకడం లేదు. అందుకని కాటన్ క్లాత్‌తో ఇంట్లోనే మాస్కులను తయారుచేసుకుని వాడుకోవచ్చు. మాస్కులను తయారుచేసుకోవడం సులభమే.. కానీ వాటిని శుభ్రంగా ఉంచుకోవడమే కష్టం..
ప్రస్తుతం మన దేశంలో భారీకాయులు ఎక్కువవుతున్నారని వైద్య నిపుణుల చెబుతున్నారు. గణాంకాల ప్రకారం కోటి నలభై లక్షలమందికి బాల్యంలోనే భారీకాయం వుందని అంచనా. ఈ చిన్నారులు కొద్ది సంవత్సరాల్లో యువతగా రూపాంతరం చెందుతారు. అపుడు ఎక్కువమంది యువకులు భారీకాయులై ఉంటారనడంలో ఆశ్చర్యం లేదు.
అందాలనిచ్చే మొక్కలను పెంచుకోవాలన్న ఆలోచన, అభిరుచి వుంటే సరిపోదు- మొక్కలు పెంచుకోవాలంటే ఉత్సాహంగా వాటిపై ప్రత్యేక శ్రద్ధ పెట్టాలి.
చక్కని గాలి వెలుతురు వుండేలా చూస్తూ, ప్రతిరోజూ వాటికి నీళ్లు పోయాలి. రెండు రోజులు ఊరెళ్లాలన్నా వాటికి నీళ్లెలా అని సతమతవౌతుంటాం.
విద్యార్థులు తమ ఆరోగ్యాన్ని జాగ్రత్తగా చూసుకోవాలి. తినే సమయంలో కూడా పరీక్షల గురించి ఆలోచించరాదు. సరిగా తినకపోవడంవల్ల కలిగే నీరసం కారణంగా చదవాలనిపించదు. అలా అని ఎక్కువగా ఉన్నా కూడా ప్రమాదమే. మితహారం చాలా మంచిది. పప్పుదినుసులు, పాలు, గుడ్లు, ఆకుకూరలు వంటి తేలికపాటి ఆహారాన్ని తీసుకోవాలి.
పండుగరోజుల్లో రవ్వంత బంగారం అయినా కొనుక్కోవాలనుకుంటారు మహిళలు. బంగారం కొనేటప్పుడు సరైన జాగ్రత్తలు తీసుకోకపోతే మాత్రం డబ్బు నష్టపోవడం ఖాయం అంటూ కొన్ని సలహాలను ఇస్తున్నారు నిపుణులు.