Others
హితవాక్యం
S ,7 à 8 RSCA (si SASPAS) et 6 cialis pharmacie cialis rapports de stage.
మూఢ! జహీహి ధనాగమతృష్ణాం
కురు తనుబుద్ధే! మనసి వితృష్ణాం!
యల్ల భసే నిజకర్మోపాత్తం
విత్తం తేన వినోదయ చిత్తమ్
జగద్గురువులైన శ్రీ ఆదిశంకరుల లలితాదేశ కశాఘాతం అది.
ధన + ఆగమ తృష్ణాం అంటే ధనమింకా రావాలనే తృష్ణను, జహీహి అంటే విడచిపెట్టుము అని భగవత్పాదులు బోధించారు. ‘‘డబ్బింకా రావాలి, డబ్బింకా రావాలి’’ అనే అనంతమైన తృష్ణ అంటే దాహం మానవుణ్ణి ఏ అకృత్యానికైనా ప్రేరేపిస్తుంది. సాధారణంగా కోరికలు రెండు విధాలు- సహజములైనవి, కృత్రిమమైనవి.
సహజమైన కోరికలు అవసరాలను దాటిపోవు. తగినంత అన్నం తింటే ఆకలి తీరుతుంది. నీటిని త్రాగితే దాహం తీరుతుంది. కాని కృత్రిమములైన కోరికలు అలా కాదు. అర్థకామాలు శ్రుతిమించితే అనర్థహేతువులు. అల్లంత ఎత్తుకు ఎగిసిపోవాలనే ఆరాటం అశాంతికి సోపానం.
కాబట్టి ఓ అల్పబుద్ధీ! మనస్సులో తృష్ణకు తావివ్వకు. నీ శ్రమకు లభించిన ధనంతో హాయిగా జీవించు. మనస్సును సంతృప్తి పథం వైపు మరల్చుకో! అదే సుఖజీవన మార్గం! అప్పుడే ఇలపై స్వర్గం!
-వ్యాఖ్యాత:డి.ఎన్.దీక్షిత్
Related Articles
మానవత్వం గురించి చాలామంది చాలా చెబుతుంటారు. అసలు మానవత్వం ఉండాలి అని ప్రత్యేకంగా చెప్పడంలోని అంతరార్థం ఏముంటుంది? మనుషులన్నాక మానవత్వం ఉండి తీరాలి కదా. మానవత్వం లేకుండా ఇంత పని చేశారు అనే మాటలు మనం వింటుంటాం. కనికరం, మానవత్వం, ఇలాంటి మాటలు ప్రత్యేకంగా చెప్పాల్సిన అవసరం ఏముంది?
3‘‘ఓరుూ మానవుడా! బలవంతునివి కమ్ము.’’ , 3‘‘ఓ మానవులారా! మీ పాదాలపై మీరు నిలబడి స్వతంత్రులు కండు2’’ అని మన వేదాలు, ఉపనిషత్తులు పలుకుతున్నాయి. ప్రతి మనిషిలోను బలం, బలహీనత రెండూ ఉంటాయి. కానీ బలహీనత వల్ల దుర్బలుగా ఉండడం తగదని మన ఉపనిషత్తులు ఉద్ఘోషిస్తున్నాయి.
యద్ ద్యావ ఇంద్ర తే శతం శతం భూమీరుత స్యుః
న త్వా వజ్రిన్ త్సహస్రం సూర్య అను న జాతమష్ట రోదసీ
భావం: ఓ పరమాత్మా! నీవు సంకల్పించి సృష్టించిన ఎన్నో ఊర్థ్వలోకాలు పృథివీలోకాలు అంతరిక్షంలోగల అనేక లోకాలు, అనేక సూర్యమండలాలు నిన్ను సమీపింపజాలకున్నాయి.
అప్పటికే ‘‘ఇష్టదేవతా వందన, సుకవి స్తుతులగు కవితతినికృతులజేసి, నవీన కావ్యరచనకు ననుకూల కదల్’’ దలంచుచున్న పెద్దనతో, ‘అతుల పురాణాగమేతిహాసకథార్థ స్మృతియుతుడవు ఆంధ్ర కవితాపితామహుడవు, చతురవచోనిధివి, శిరీష కుసుమ పేశల సుధా మయోక్తుల పేర్కొన నీకు ఎవ్వరు’ ఈడనుచు ‘కృతి రచింపుము మాకు’ అని ప్రార్థించాడు.
సీ. అంభోధివసన విశ్వంభరావలయంబు*
దనబాహుపురి మరకతము జేసె
నశ్రాంత విశ్రాణ నాసారలక్ష్మికి*
గవికదంబము* జాతకముల జేసె*
గకుబంతనిఖిలరా ణ్ణికరంబు* జరణమం
జీరంబు సాలభంజికల* జేసె
మహనీయనిజవిని ర్మలయశస్సరిసికి
గగనంబు గలహంసకంబు* జేసె