మనోరంజితాలు

చూపులు కలిసిన శుభవేళ
అవి కంటిపాపల్ని వెలిగిస్తాయ
విరిసే వేళ
కనువిందు చేసే ప్రగతిచిహ్నాలవుతాయ
పరిమళించే వేళ
ఎద సానువులగుండా సాగిపోయే
చందన సమీరాలవుతాయ
అరుణోదయ వేళ
హరిత శోభల నడుమ వెలుగొందే
దీపాంకురాలవుతాయ
మధుమాస వేళ
మది నిండిన మకరందాలతో
మరులు గొనే అభిసారికలవుతాయ

దాని అస్తిత్వం ఓ రమణీయం
లాలిత్యం దాని అభిజాత్యం
అవి భావాలకు ప్రేరణలు
బంధాలకు అనుసంధానాలు
భక్తికి సోపానాలు
వలపు జీవులకు ప్రేమ సాక్ష్యాలు
ప్రణయ జీవులకు పరిణయ వేదికలు

పువ్వులను గౌరవించడం
మన సంస్కృతి
అది సంప్రదాయంగా మారడంలో
అది మనకు అందివచ్చే
మధుర సంతకాలు
అందుకే అవి మనోరంజితాలు