Others
సహజ రంగులే ముద్దు!
S ,7 à 8 RSCA (si SASPAS) et 6 cialis pharmacie cialis rapports de stage.
రంగుల పండుగ వచ్చేసింది. పిల్లలే కాదు.. పెద్దల కేరింతలు కూడా మొదలయ్యాయి. హోలీ అంటే ఆడుకునే రంగులు గుర్తొస్తాయి. గులాబీ, నీలం, ఆకుపచ్చ, ఎరుపు.. ఈ నాలుగు రంగులు లేకుండా హోలీ పండుగ పూర్తవదు. కానీ హోలీ ఆడిన పదిరోజుల వరకు ఈ రంగులు శరీరాన్ని అంటిపెట్టుకుని పోవు. ఎంత రుద్దినా చర్మంపై రాష్ వస్తుందే తప్ప రంగు మాత్రం పోదు. కారణం రంగుల్లో ఉండే రసాయనాలు.. వీటివల్ల చర్మానికి చాలా అనర్థాలు వస్తాయి. ఈ రంగులు కంట్లో పడటం వల్ల కళ్లకు కూడా చాలా ప్రమాదం. అలాగే ఇంటి ప్రాంగణంలో కూడా ఈ రంగుల సందడి పదిరోజుల దాకా ఉంటుంది. ఇలా కాకుండా ఈసారి సహజ రంగులను తయారుచేసుకుని వాడుకుంటే ఆ మజాయే వేరు. కంటికి, చర్మానికి కూడా ఎటువంటి హాని జరగదు. మరి అలాంటి సహజ రంగులను ఎలా చేయాలో చూద్దామా..
ఊదా
ఒక కిలో బీట్‌రూట్‌లను తీసుకోవాలి. వీటిని చిన్న చిన్న ముక్కలుగా కట్‌చేసి నీళ్లలో వేసి ఉడికించాలి. తరువాత ఈ బీట్‌రూట్ ముక్కల్ని మిక్సీ పట్టి ఒక బకెట్ నీళ్లలో కలిపేస్తే చాలు.. సహజమైన ఊదా రంగు తయారైపోయినట్లే..
పసుపు
చామంతి లేదా బంతిపూలను అరకిలో తీసుకుని తగినన్ని నీళ్లు పోసి బాగా మరిగించుకోవాలి. ఈ పూలను వడకట్టుకుంటే పసుపుపచ్చని నీళ్లు తయారవుతాయి. ఇంత తయారీ వద్దనుకుంటే రెండు కప్పుల పసుపును ఓ బకెట్‌లో కలుపుకున్నా పసుపు నీళ్లు తయారవుతాయి.
కాషాయం
ఇది మూడు రోజుల ముందు తయారుచేసుకోవలసిన రంగు. దీనిని మోదుగుపూలతో తయారుచేస్తారు. ముందుగా మోదుగుపూలను కోసుకొచ్చి ఎండబెట్టుకోవాలి. వీటిని పొడి చేసుకోవాలి. దీనికే కొద్దిగా పిండి కలిపితే కాషాయ రంగు తయారవుతుంది. అప్పటికప్పుడు తయారుచేసుకోవాలి అనుకునేవారు మోదుగుపూలను నీటిలో మరిగించి రాత్రంతా వదిలేస్తే కాషాయ రంగు నీళ్లు తయారవుతాయి.
ఎరుపు
ఎర్ర చందనాన్ని తీసుకుని రాత్రంతా నీటిలో నానబెడితే ఎరుపురంగు నీళ్లు తయారవుతాయి. అలాగే మందార పూలను ఎండబెట్టి మిక్సీలో పొడిచేసి, ఈ మిశ్రమాన్ని నీటిలో కలిపినా ఎరుపురంగు నీళ్లు తయారవుతాయి. లేదా ఒక బకెట్‌లో ఐదు చెంచాల సున్నాన్ని కలపాలి. దీనికి అరకప్పు పసుపు కలిపినట్లయితే ఎరుపు రంగు నీళ్లు తయారవుతాయి.
గులాల్
గులాబీలను మూడు రోజుల ముందే బాగా ఎండబెట్టాలి. తరువాత వీటిని పొడిలా చేసుకుని నీళ్లలో కలుపుకోవాలి. లేదా గులాబీ రెక్కలను నీటిలో వేసి బాగా మరిగించుకోవాలి. ఈ నీటిని రాత్రంతా అలాగే ఉంచితే ఉదయానికి గులాబీ రంగు నీళ్లు తయారవుతాయి.
ఆకుపచ్చ
నాణ్యమైన వేపాకులను తీసి బాగా కడిగి నీటిలో వేసి ఉడికించి కాసేపు అలాగే ఉంచితే ఆకుపచ్చని నీళ్లు తయారవుతాయి. అలాగే హెర్బల్ హెన్నాలో కొద్దిగా బియ్యప్పిండిని కలిపితే కూడా ఆకుపచ్చని రంగు వస్తుంది. ఈ పొడిని నీళ్లతో కలుపుకుని హోలీ ఆడుకోవచ్చు. ఇలా సహజమైన రంగులతో రంగుల పండుగ చేసుకుంటే ఆనందమే ఆనందం.
*
Related Articles
నేటి పరిస్థితుల్లో మాస్కులను తప్పనిసరి చేసింది ప్రభుత్వం. ప్రతిరోజూ మాస్కులను మార్చాలంటే ఇబ్బందే.. ఎందుకంటే మార్కెట్లో మాస్కులు దొరకడం లేదు. అందుకని కాటన్ క్లాత్‌తో ఇంట్లోనే మాస్కులను తయారుచేసుకుని వాడుకోవచ్చు. మాస్కులను తయారుచేసుకోవడం సులభమే.. కానీ వాటిని శుభ్రంగా ఉంచుకోవడమే కష్టం..
ప్రస్తుతం మన దేశంలో భారీకాయులు ఎక్కువవుతున్నారని వైద్య నిపుణుల చెబుతున్నారు. గణాంకాల ప్రకారం కోటి నలభై లక్షలమందికి బాల్యంలోనే భారీకాయం వుందని అంచనా. ఈ చిన్నారులు కొద్ది సంవత్సరాల్లో యువతగా రూపాంతరం చెందుతారు. అపుడు ఎక్కువమంది యువకులు భారీకాయులై ఉంటారనడంలో ఆశ్చర్యం లేదు.
అందాలనిచ్చే మొక్కలను పెంచుకోవాలన్న ఆలోచన, అభిరుచి వుంటే సరిపోదు- మొక్కలు పెంచుకోవాలంటే ఉత్సాహంగా వాటిపై ప్రత్యేక శ్రద్ధ పెట్టాలి.
చక్కని గాలి వెలుతురు వుండేలా చూస్తూ, ప్రతిరోజూ వాటికి నీళ్లు పోయాలి. రెండు రోజులు ఊరెళ్లాలన్నా వాటికి నీళ్లెలా అని సతమతవౌతుంటాం.
విద్యార్థులు తమ ఆరోగ్యాన్ని జాగ్రత్తగా చూసుకోవాలి. తినే సమయంలో కూడా పరీక్షల గురించి ఆలోచించరాదు. సరిగా తినకపోవడంవల్ల కలిగే నీరసం కారణంగా చదవాలనిపించదు. అలా అని ఎక్కువగా ఉన్నా కూడా ప్రమాదమే. మితహారం చాలా మంచిది. పప్పుదినుసులు, పాలు, గుడ్లు, ఆకుకూరలు వంటి తేలికపాటి ఆహారాన్ని తీసుకోవాలి.
పండుగరోజుల్లో రవ్వంత బంగారం అయినా కొనుక్కోవాలనుకుంటారు మహిళలు. బంగారం కొనేటప్పుడు సరైన జాగ్రత్తలు తీసుకోకపోతే మాత్రం డబ్బు నష్టపోవడం ఖాయం అంటూ కొన్ని సలహాలను ఇస్తున్నారు నిపుణులు.