Others
ఆవుల కోసం సూపర్ స్పెషాలిటీ!
S ,7 à 8 RSCA (si SASPAS) et 6 cialis pharmacie cialis rapports de stage.
అక్కడ క్యాన్సర్ స్పెషల్ వార్డు, ఇన్‌టెన్సివ్ కేర్ యూనిట్ (ఐ.సి.యు) ప్రత్యేకంగా ప్రసూతి వార్డూ కూడా వున్నాయి. అయితే అది కేవలం ఆవులకీ, గోజాతి జంతువులకూ మాత్రమే!
రాజస్థాన్‌లోని జోధపూర్ హైవే మీదున్న నాగౌర్‌లో వున్న రుూ ఆవుల ఆసుపత్రిలో 1600 ఆవులూ, ఎద్దులూ చికిత్సగానీ, ఆశ్రయంగానీ పొందే సదుపాయాలున్నాయి. పెద్ద ఆపరేషన్ థియేటర్ వుంది. వెట్స్ (డాక్టర్లు) రేయింబవళ్ళు సిద్ధంగా వుంటారు. మొన్ననే ఒక ఎద్దుకు పెద్ద ఆపరేషన్ చేసి దాని పొట్టలో నుంచి 77 కిలోల ప్లాస్టిక్ వస్తువులు తీసి దాన్ని కాపాడారు.దిక్కూ మొక్కూ లేని ఆవులూ, ఎద్దులూ, లేళ్లూ, జింకలు, కాశీ ఆవులు అంటారే- అవిటి జంతువులు- అన్నింటికీ యిక్కడ ఆదరణ లభిస్తుంది. ఈ ఆసుపత్రికి 21 ఆవుల అంబులెన్సులున్నాయి. ‘విశ్వస్థరీయ గోచికిత్సాలయం’ అంటారు దీన్ని. దిక్కులేని జబ్బుపడ్డ ఆవులను యిక్కడ తెచ్చి అప్పజెప్పవచ్చును.ఇదంతా కూడా కేవలం దాతలు యిచ్చే డబ్బుతోనే నిభాయిస్తారు. దీనికి ప్రసూతి వార్డులో చిన్న దూడలకీ, పెయ్యిలకీ కూడా ఉయ్యాల మంచాలు వున్నాయి. ‘గోదేవత’గానే ఆవు యిక్కడ ఆరాధింపబడుతుంది. 300 కిలోమీటర్ల పరిధి దాకా అంబులెన్సులు వెళతాయి.
ఈ సూపర్ స్పెషాలిటీ గో చికిత్సాలయానికి రోజుకి నాలుగున్నర లక్షల రూపాయలు ఖర్చు అవుతోందిట! ఇదిగాక రోజుకు 8 టన్నుల గోధుమ నూకతో పశువులకి జావ (కుడితి) తయారు చేసిపెడతారు. గోభక్తులు ఎందరో పశుగ్రాసం, కూరగాయలు, పండ్లు, యిబ్బడిముబ్బడిగా యిస్తారు. గోశిశువులకి ఉయ్యాలలే కాదు- తల్లులకి కంబళ్లు కూడా ఉచితం.
ఈ చికిత్సాలయాన్ని 2008లో స్వామి కుషాగిరి ఓం మహారాజ్‌గారు స్థాపించారు. ఈ సంస్థలోని మొట్టమొదటి ఆవుని - నంద కామధేను’ అని పిలుస్తారు. దీనికో మందిరం కట్టి నిత్యపూజలు, ప్రదక్షిణలు, హారతులూ నడుపుతున్నారు. ఈ ఆసుపత్రి రాజస్థాన్ టూరిస్టులకు ఓ ‘మస్టు’ అయిపోయింది. ‘ఆవును తినడం’ కొందరు ‘జన్మహక్కు’ అంటూ వాదిస్తున్న మేధావులున్న రుూ కాలంలో ఆవు జాతినీ, ఆదుకునే ఇతర పెద్ద సంస్థ భారతదేశంలో వున్నదీ అంటే యింకా సంప్రదాయానికీ, సంస్కృతికీ నూకలు చెల్లలేదన్నమాటేగా!
Related Articles
నేటి పరిస్థితుల్లో మాస్కులను తప్పనిసరి చేసింది ప్రభుత్వం. ప్రతిరోజూ మాస్కులను మార్చాలంటే ఇబ్బందే.. ఎందుకంటే మార్కెట్లో మాస్కులు దొరకడం లేదు. అందుకని కాటన్ క్లాత్‌తో ఇంట్లోనే మాస్కులను తయారుచేసుకుని వాడుకోవచ్చు. మాస్కులను తయారుచేసుకోవడం సులభమే.. కానీ వాటిని శుభ్రంగా ఉంచుకోవడమే కష్టం..
ప్రస్తుతం మన దేశంలో భారీకాయులు ఎక్కువవుతున్నారని వైద్య నిపుణుల చెబుతున్నారు. గణాంకాల ప్రకారం కోటి నలభై లక్షలమందికి బాల్యంలోనే భారీకాయం వుందని అంచనా. ఈ చిన్నారులు కొద్ది సంవత్సరాల్లో యువతగా రూపాంతరం చెందుతారు. అపుడు ఎక్కువమంది యువకులు భారీకాయులై ఉంటారనడంలో ఆశ్చర్యం లేదు.
అందాలనిచ్చే మొక్కలను పెంచుకోవాలన్న ఆలోచన, అభిరుచి వుంటే సరిపోదు- మొక్కలు పెంచుకోవాలంటే ఉత్సాహంగా వాటిపై ప్రత్యేక శ్రద్ధ పెట్టాలి.
చక్కని గాలి వెలుతురు వుండేలా చూస్తూ, ప్రతిరోజూ వాటికి నీళ్లు పోయాలి. రెండు రోజులు ఊరెళ్లాలన్నా వాటికి నీళ్లెలా అని సతమతవౌతుంటాం.
విద్యార్థులు తమ ఆరోగ్యాన్ని జాగ్రత్తగా చూసుకోవాలి. తినే సమయంలో కూడా పరీక్షల గురించి ఆలోచించరాదు. సరిగా తినకపోవడంవల్ల కలిగే నీరసం కారణంగా చదవాలనిపించదు. అలా అని ఎక్కువగా ఉన్నా కూడా ప్రమాదమే. మితహారం చాలా మంచిది. పప్పుదినుసులు, పాలు, గుడ్లు, ఆకుకూరలు వంటి తేలికపాటి ఆహారాన్ని తీసుకోవాలి.
పండుగరోజుల్లో రవ్వంత బంగారం అయినా కొనుక్కోవాలనుకుంటారు మహిళలు. బంగారం కొనేటప్పుడు సరైన జాగ్రత్తలు తీసుకోకపోతే మాత్రం డబ్బు నష్టపోవడం ఖాయం అంటూ కొన్ని సలహాలను ఇస్తున్నారు నిపుణులు.