Others
తొలి స్టంట్ ఉమెన్ రేష్మా పఠాన్
S ,7 à 8 RSCA (si SASPAS) et 6 cialis pharmacie cialis rapports de stage.
షోలే సినిమాను దాదాపుగా అందరూ చూసే ఉంటారు. అందులో ‘బసంతి’ పాత్ర అందరికీ గుర్తుండే ఉంటుంది. ఈ పాత్రను పోషించింది హేమమాలిని. ఆ సినిమాలో ఓ షాట్‌లో రెండు చక్రాలు ఒకదాని తర్వాత ఒకటి విరిగిపోవడంతో గుర్రం బండి ఆగిపోతుంది. కానీ ఆ సీన్ చేస్తున్నప్పుడు అలా జరగలేదు. యాక్షన్ అనగానే బండిని ఉరికించి ఓ రాయిని ఢీకొట్టింది బసంతి. అయితే దానికున్న నిజమైన చక్రాలు కావడంతో విరగలేదు. దానితో బండి తిరగబడింది. దానికింద బసంతి ఇరుక్కుపోయింది. బసంతి చనిపోయిందని షూటింగ్‌లో ఉన్నవారందరూ భయపడ్డారట. బండిని లేపిన తరువాత బసంతి బతికే ఉందని తెలుసుకుని ఆసుపత్రికి తీసుకెళ్లారట. అయితే అప్పుడు బసంతి పాత్రలో కిందపడిపోయింది హేమమాలిని అని అందరూ అనుకుంటారు. కానీ ఈ సినిమాలో హేమమాలినికి డూప్‌గా నటించింది మాత్రం రేష్మాపఠాన్. ఈమె గురించి మాత్రం ఎవరికీ తెలియదు. ‘తొలి స్టంట్ ఉమన్’గా రేష్మాకు పేరుంది. ఈమె అనేక చిత్రాల్లో అత్యంత కఠినమైన స్టంట్లు చేసింది. రేష్మ చాలామంది నటీమణులకు డూప్‌గా నటించింది.
రేష్మ మధ్యతరగతి కుటుంబం నుంచి వచ్చింది. చిన్నప్పటి నుంచి రేష్మ చాలా చలాకీగా ఉండేది. చిలిపి పనులు ఎక్కువగా చేస్తుండేది. ఆమె పద్నాలుగు సంవత్సరాల వయస్సులోనే ‘ ఏక్ ఖిలాడీ 52 పట్టే’ సినిమాలో తొలి స్టంట్ చేసింది రేష్మ. సినిమాల్లో నటించొద్దంటూ ఆమెకు ఇంట్లో చాలా రకాల ఆంక్షలు విధించారు. ఆమె తండ్రి కొట్టాడు కూడా. కానీ రేష్మ పట్టుదల, ప్రతిభ, మొండితనం చూసి చివరకు ఆయనే మనసు మార్చుకున్నాడు. ఇటీవలే ఆమె బయోపిక్ ‘ది షోలే గర్ల్ రేష్మా పఠాన్’ విడుదలైంది. మొదట ఆమె బయోపిక్ తీస్తామని నిర్మాతలు కాల్ చేయగానే నమ్మలేకపోయిందట. ఎవరో తెలిసినవారు ఆటపట్టిస్తున్నారనుకుందట. ‘నేను ఎవరికి తెలుసని నా బయోపిక్ తీస్తారు?’ అనుకుందట. కానీ పదేపదే ఫోన్‌కాల్స్ రావడంతో ఆమె బయోపిక్ తీసేందుకు ఆసక్తి చూపిస్తున్నారు అనుకుందట. అలా తెరవెనుక స్టంట్ ఉమన్‌గా, డూప్‌గా మిగిలిపోయిన రేష్మ.. తన బయోపిక్ వచ్చినందుకు చాలా ఆనందపడుతోంది. కారణం ఆమె గురించి ఎవరికీ తెలియదు. ఈ బయోపిక్‌తో ఆమెకూ కొంత గుర్తింపు వచ్చింది. తొలి స్టంట్ ఉమెన్ రేష్మగా అందరూ ఇప్పుడు ఆమెను గుర్తిస్తున్నారు. భారతీయ సినిమాకు అత్యుత్తమ సేవలందించినందుకుగాను ‘్ఫలిం క్రిటిక్స్ గిల్డ్’ రేష్మాకు ఫస్ట్ క్రిటిక్స్ ఛాయిస్ ఫిలిం అవార్డుతో సత్కరించింది. గతంలో స్టంట్ ఆర్టిస్టులకు సరైన సదుపాయాలు ఉండేవి కాదని ఆమె అంటున్నారు. రేష్మాకు ఇప్పుడు 65 సంవత్సరాలు. ఈ వయసులో కూడా ఆమెలో స్టంట్లు చేయాలన్న ఆసక్తి ఏమాత్రం తగ్గలేదు. ఇప్పుడు కూడా రేష్మా అంతే ఉత్సాహంగా ఉంది.
Related Articles
నేటి పరిస్థితుల్లో మాస్కులను తప్పనిసరి చేసింది ప్రభుత్వం. ప్రతిరోజూ మాస్కులను మార్చాలంటే ఇబ్బందే.. ఎందుకంటే మార్కెట్లో మాస్కులు దొరకడం లేదు. అందుకని కాటన్ క్లాత్‌తో ఇంట్లోనే మాస్కులను తయారుచేసుకుని వాడుకోవచ్చు. మాస్కులను తయారుచేసుకోవడం సులభమే.. కానీ వాటిని శుభ్రంగా ఉంచుకోవడమే కష్టం..
ప్రస్తుతం మన దేశంలో భారీకాయులు ఎక్కువవుతున్నారని వైద్య నిపుణుల చెబుతున్నారు. గణాంకాల ప్రకారం కోటి నలభై లక్షలమందికి బాల్యంలోనే భారీకాయం వుందని అంచనా. ఈ చిన్నారులు కొద్ది సంవత్సరాల్లో యువతగా రూపాంతరం చెందుతారు. అపుడు ఎక్కువమంది యువకులు భారీకాయులై ఉంటారనడంలో ఆశ్చర్యం లేదు.
అందాలనిచ్చే మొక్కలను పెంచుకోవాలన్న ఆలోచన, అభిరుచి వుంటే సరిపోదు- మొక్కలు పెంచుకోవాలంటే ఉత్సాహంగా వాటిపై ప్రత్యేక శ్రద్ధ పెట్టాలి.
చక్కని గాలి వెలుతురు వుండేలా చూస్తూ, ప్రతిరోజూ వాటికి నీళ్లు పోయాలి. రెండు రోజులు ఊరెళ్లాలన్నా వాటికి నీళ్లెలా అని సతమతవౌతుంటాం.
విద్యార్థులు తమ ఆరోగ్యాన్ని జాగ్రత్తగా చూసుకోవాలి. తినే సమయంలో కూడా పరీక్షల గురించి ఆలోచించరాదు. సరిగా తినకపోవడంవల్ల కలిగే నీరసం కారణంగా చదవాలనిపించదు. అలా అని ఎక్కువగా ఉన్నా కూడా ప్రమాదమే. మితహారం చాలా మంచిది. పప్పుదినుసులు, పాలు, గుడ్లు, ఆకుకూరలు వంటి తేలికపాటి ఆహారాన్ని తీసుకోవాలి.
పండుగరోజుల్లో రవ్వంత బంగారం అయినా కొనుక్కోవాలనుకుంటారు మహిళలు. బంగారం కొనేటప్పుడు సరైన జాగ్రత్తలు తీసుకోకపోతే మాత్రం డబ్బు నష్టపోవడం ఖాయం అంటూ కొన్ని సలహాలను ఇస్తున్నారు నిపుణులు.