Others
చెమటకాయలకు చెక్
S ,7 à 8 RSCA (si SASPAS) et 6 cialis pharmacie cialis rapports de stage.
ఎండలో ఎక్కువగా తిరిగినా, ఉక్కబోత వాతావరణంలో ఎక్కువసేపు ఉన్నా చెమటకాయల సమస్య మొదలవుతుంది. వేసవికాలంలో ఈ సమస్య ఎక్కువగా ఉంటుంది. ఈ చెమటకాయల్లో రకాలు ఉంటాయి. కొన్ని ఎరుపురంగు చుక్కల్లా కనిపిస్తాయి. కొన్ని నీటి పొక్కుల్లా కూడా వస్తాయి. వీటివల్ల దురద, మంట వంటివి వస్తాయి. చెమటకాయలు చిన్నపిల్లల్లో ఎక్కువగా కనిపిస్తాయి. ఎండలో ఎక్కువగా తిరిగేవారికి, చెమట ఎక్కువగా పట్టేవారిలో ఈ సమస్య అధికంగా ఉంటుంది.
* సాధారణంగా మెడ, వీపు ప్రాంతాల్లో చెమటకాయలు ఎక్కువగా వస్తాయి. ఒక్కోసారి ముఖంపైనా, కాళ్ల మడతల్లో కూడా చెమటకాయలు రావచ్చు. వీటిని అశ్రద్ధ చేస్తే అవి పుండ్లుగా ఏర్పడే ప్రమాదం ఉంది.
* చెమటకాయలకు గంధాన్ని మించిన పరిష్కారమార్గం మరోటి లేదు. అయితే మార్కెట్లో దొరికే గంధం పొడిని వాడటం కంటే, గంధపుచెక్కను సానపై అరగదీసి పూసుకుంటే చాలామంచిది. చెమటకాయలు వచ్చిన ప్రాంతంలో గంధంలో కొద్దిగా నీళ్లు కలిపి పలుచని పూతలా వేసుకుంటే మంట, దురద తగ్గుతుంది. శరీరం హాయిగా ఉంటుంది.
* గంధంలో చిటికెడు కర్పూరాన్ని కలిపి చెమటకాయలు వచ్చిన చోట లేపనంగా పూస్తే చెమటకాయలు తగ్గిపోతాయి.
* గంధం పొడి, వట్టివేళ్ల పొడిని కలిపి చెమటకాయలపై పలుచని లేపనంలా పూసినా ఉపశమనం కలుగుతుంది.
* గులాబీనీరు, కలబంద గుజ్జుని రాసుకున్నా కూడా చెమటకాయల నుంచి ఉపశమనం కలుగుతుంది.
* చెమటకాయలు మరీ కుచ్చుకుంటున్నట్లు అనిపించినప్పుడు హాయిగా స్నానం చేసి, తడి లేకుండా చూసుకుని పౌడర్‌లను చల్లుకోవడం వల్ల తాత్కాలిక ఉపశమనం కలుగుతుంది.
* వేసవికాలంలో అసలు చెమటకాయలు రాకుండా ఉండాలంటే.. తప్పనిసరిగా రెండుపూటలా స్నానం చేయాలి. శరీరంపై చెమట ఎక్కువగా పట్టినప్పుడు అది శరీరంపై ఆరనివ్వకుండా చూసుకోవాలి. ఎందుకంటే చెమటలోని బాక్టీరియా చర్మంలోకి ఇంకిపోయి రాషెస్ వచ్చే ప్రమాదం ఉంది. కాబట్టి తప్పనిసరిగా రెండుపూటలా స్నానం చేయాలి.
* స్నానం చేసే నీటిలో గుప్పెడు మల్లెపూలు కానీ, జాజిపూలు కానీ, వట్టివేళ్ల చూర్ణం కానీ వేసి గంటసేపు నాననిచ్చి ఆ నీటితో స్నానం చేయడం మంచిది. ఇటువంటి స్నానం శరీరాన్ని చల్లగా, హాయిగా ఉంచుతుంది. చెమట దుర్గంధాలు కూడా పూలల్లోని సుగంధాల వల్ల తొలగిపోతాయి.
* స్నానం చేసే నీటిలో అరచెక్క నిమ్మరసం కలిపి స్నానం చేసినా శరీరంపై ఏర్పడిన బాక్టీరియా తొలగిపోయి, శరీరం తాజాగా, సువాసనభరితంగా ఉంటుంది.
* వదులుగా ఉండే పలుచని నూలు దుస్తులను ధరించాలి.
* వీలైనంతవరకు లేత రంగుల దుస్తులనే వాడాలి. తెలుపు రంగు మరీ మంచిది. ముదురు రంగులను వేసవికాలంలో వాడకపోవడమే మంచిది.
* వేసవి కాలంలో ఎక్కువ మంచినీళ్లను తాగాలి. శరీరంలోని మినరల్స్ అవీ పోయి నిర్జలీకరణ కాకుండా చూసుకోవాలి.
* వేసవిలో దోసెలు, ఉప్మాలకంటే రాగిజావ, ఇడ్లీల వంటి తేలికగా జీర్ణమయ్యే ఆహారపదార్థాలను తీసుకోవడం చాలామంచిది.
* వేసవికాలంలో వచ్చే అన్ని రకాల పండ్లను తీసుకోవాలి. ముఖ్యంగా పుచ్చకాయ, దోసకాయ, కీర, తాటిముంజెలు, మజ్జిగ, కొబ్బరినీళ్లు, చెరకురసం.. ఇలా నీరు ఎక్కువగా ఉండే వాటిని తీసుకుంటూ ఉండాలి. ఫలితంగా శరీరం నిర్జలీకరణకు గురవ్వదు.
* వేసవికాలంలో మసాలాకూరలు, బిర్యానీలకు దూరంగా ఉండాలి. *
Related Articles
నేటి పరిస్థితుల్లో మాస్కులను తప్పనిసరి చేసింది ప్రభుత్వం. ప్రతిరోజూ మాస్కులను మార్చాలంటే ఇబ్బందే.. ఎందుకంటే మార్కెట్లో మాస్కులు దొరకడం లేదు. అందుకని కాటన్ క్లాత్‌తో ఇంట్లోనే మాస్కులను తయారుచేసుకుని వాడుకోవచ్చు. మాస్కులను తయారుచేసుకోవడం సులభమే.. కానీ వాటిని శుభ్రంగా ఉంచుకోవడమే కష్టం..
ప్రస్తుతం మన దేశంలో భారీకాయులు ఎక్కువవుతున్నారని వైద్య నిపుణుల చెబుతున్నారు. గణాంకాల ప్రకారం కోటి నలభై లక్షలమందికి బాల్యంలోనే భారీకాయం వుందని అంచనా. ఈ చిన్నారులు కొద్ది సంవత్సరాల్లో యువతగా రూపాంతరం చెందుతారు. అపుడు ఎక్కువమంది యువకులు భారీకాయులై ఉంటారనడంలో ఆశ్చర్యం లేదు.
అందాలనిచ్చే మొక్కలను పెంచుకోవాలన్న ఆలోచన, అభిరుచి వుంటే సరిపోదు- మొక్కలు పెంచుకోవాలంటే ఉత్సాహంగా వాటిపై ప్రత్యేక శ్రద్ధ పెట్టాలి.
చక్కని గాలి వెలుతురు వుండేలా చూస్తూ, ప్రతిరోజూ వాటికి నీళ్లు పోయాలి. రెండు రోజులు ఊరెళ్లాలన్నా వాటికి నీళ్లెలా అని సతమతవౌతుంటాం.
విద్యార్థులు తమ ఆరోగ్యాన్ని జాగ్రత్తగా చూసుకోవాలి. తినే సమయంలో కూడా పరీక్షల గురించి ఆలోచించరాదు. సరిగా తినకపోవడంవల్ల కలిగే నీరసం కారణంగా చదవాలనిపించదు. అలా అని ఎక్కువగా ఉన్నా కూడా ప్రమాదమే. మితహారం చాలా మంచిది. పప్పుదినుసులు, పాలు, గుడ్లు, ఆకుకూరలు వంటి తేలికపాటి ఆహారాన్ని తీసుకోవాలి.
పండుగరోజుల్లో రవ్వంత బంగారం అయినా కొనుక్కోవాలనుకుంటారు మహిళలు. బంగారం కొనేటప్పుడు సరైన జాగ్రత్తలు తీసుకోకపోతే మాత్రం డబ్బు నష్టపోవడం ఖాయం అంటూ కొన్ని సలహాలను ఇస్తున్నారు నిపుణులు.