Others
పుడమి తల్లి ఆవేదన
S ,7 à 8 RSCA (si SASPAS) et 6 cialis pharmacie cialis rapports de stage.
ఓ మనిషి మేలుకో ! ఇకనైనా తెలుసుకో!
ఓ మనిషి
నీవు బ్రతుకవు , సంతోషంగా ఎవరినీ బతుకనివ్వవు
పుడమి తల్లినైన నా ఆవేదన
నాకోసం కాదు సుమా
బిడ్డవైన నీకోసమే
తెలుసుకున్నావా ? గుర్తించావా?
మరి నీ స్పందన ఏది ? కనబడడం లేదే?
‘కుహు కుహు’ అని పంచమ స్వరంలో శ్రుతి శుద్ధంగా పాడు కోయిల
అలసి, తన రాగ క్రీడను అర్థాంతరంగా చాలిస్తున్నదెందుకో?
వినువీధిలో తారల కాంతి పుంజము భూమిని తాకు తరి
అకాలమేఘములావరించి, అడ్డుకొన్నాయి ఎందుకో?
శశాంకునకు శాపమా అన్నట్టు నభోవీధిలో నల్లపూసై నాడెందుకో?
బాల భానుడి లేలేత కిరణాలు అగ్ని కణాలై వర్షిస్తున్నాయెందుకో?
చినుకు రాలితే కమ్మటి మట్టి వాసనను ఆఘ్రాణించు నాసిక
ఎప్పుడో రుచాస్వాదన కోల్పోయందెందుకో?
చిరువానకే చిగురుటాకులా వణికిపోతున్న పట్టణాలు
జల ప్రళయాన్ని సృష్టిస్తున్న దారులు చూశావా?
పల్లెలల్లో, పక్షుల కలకలారావంబులు మాయమయ్యనెందుకో?
జాతి, కుల, ప్రాంత భేదము లేని కొంగలు
నేలవాలడానికే జంకుతున్నాయెందుకో ?
చెరువులకు పోయె పరువు!
నదుల నాణ్యత ప్రశ్నార్థకమాయె?
పట్టణాలు నదులాయె, నదుల్లో పట్టణాలు వెలసె!
క్షీరామృతము నొసంగు గోఉదరం ప్లాస్టిక్కులతో నిండిపోయె!
భూమాతను కృత్రిమ ఎరువులతోనింపి
మట్టిని పిండి, మట్టిలో కలిపారెందుకో?
మాత్సర్యం లేని మత్స్యము ఉనికి కనుమరుగయ్యె
భయంకరమైన వ్యర్థాలు హేయమైన పదార్థాలు
కడలి గర్భంలో తోసి జల జీవరాశుల హంతకుడవైనావెందుకు?
జలధిలో నీవు నింపిన పదార్థ విజ్ఞానం
నీకు సమాధాన మిచ్చు రోజు దగ్గరపడె!
నాడు
గరళకంఠుడు తాను కాలకూటము
మింగి త్రినేత్రుడయి అవనికి ఆనందం గూర్చె
నేడు
మనిషి అనే ముసుగు ధరించి
రక్కసుడు అవనికి విషమిచ్చి ఆనందించె!
ఎటు చూసినా విధ్వంసకర అణ్వాయుధాలు
వాతావరణ గతులుమారి తే మనగతేమి?
ప్రకృతిని వికృతి చేసి, విలయ తాండవమునకు
నాందీ పలకిన మనిషీ ! ఇకనైన మేలుకో...
Related Articles
మానవత్వం గురించి చాలామంది చాలా చెబుతుంటారు. అసలు మానవత్వం ఉండాలి అని ప్రత్యేకంగా చెప్పడంలోని అంతరార్థం ఏముంటుంది? మనుషులన్నాక మానవత్వం ఉండి తీరాలి కదా. మానవత్వం లేకుండా ఇంత పని చేశారు అనే మాటలు మనం వింటుంటాం. కనికరం, మానవత్వం, ఇలాంటి మాటలు ప్రత్యేకంగా చెప్పాల్సిన అవసరం ఏముంది?
3‘‘ఓరుూ మానవుడా! బలవంతునివి కమ్ము.’’ , 3‘‘ఓ మానవులారా! మీ పాదాలపై మీరు నిలబడి స్వతంత్రులు కండు2’’ అని మన వేదాలు, ఉపనిషత్తులు పలుకుతున్నాయి. ప్రతి మనిషిలోను బలం, బలహీనత రెండూ ఉంటాయి. కానీ బలహీనత వల్ల దుర్బలుగా ఉండడం తగదని మన ఉపనిషత్తులు ఉద్ఘోషిస్తున్నాయి.
యద్ ద్యావ ఇంద్ర తే శతం శతం భూమీరుత స్యుః
న త్వా వజ్రిన్ త్సహస్రం సూర్య అను న జాతమష్ట రోదసీ
భావం: ఓ పరమాత్మా! నీవు సంకల్పించి సృష్టించిన ఎన్నో ఊర్థ్వలోకాలు పృథివీలోకాలు అంతరిక్షంలోగల అనేక లోకాలు, అనేక సూర్యమండలాలు నిన్ను సమీపింపజాలకున్నాయి.
అప్పటికే ‘‘ఇష్టదేవతా వందన, సుకవి స్తుతులగు కవితతినికృతులజేసి, నవీన కావ్యరచనకు ననుకూల కదల్’’ దలంచుచున్న పెద్దనతో, ‘అతుల పురాణాగమేతిహాసకథార్థ స్మృతియుతుడవు ఆంధ్ర కవితాపితామహుడవు, చతురవచోనిధివి, శిరీష కుసుమ పేశల సుధా మయోక్తుల పేర్కొన నీకు ఎవ్వరు’ ఈడనుచు ‘కృతి రచింపుము మాకు’ అని ప్రార్థించాడు.
సీ. అంభోధివసన విశ్వంభరావలయంబు*
దనబాహుపురి మరకతము జేసె
నశ్రాంత విశ్రాణ నాసారలక్ష్మికి*
గవికదంబము* జాతకముల జేసె*
గకుబంతనిఖిలరా ణ్ణికరంబు* జరణమం
జీరంబు సాలభంజికల* జేసె
మహనీయనిజవిని ర్మలయశస్సరిసికి
గగనంబు గలహంసకంబు* జేసె