AADIVAVRAM - Others
దివ్య శక్తి
S ,7 à 8 RSCA (si SASPAS) et 6 cialis pharmacie cialis rapports de stage.
Published Saturday, 2 November 2019
-డేగల అనితాసూరి 927500819
సౌందర్యపు తోటలో పూసిన
సున్నిత పుష్పం
అసాంఘిక హస్తాల్లో నలుగుతున్న
కన్నీటి శిల్పం
కాలం సంకెళ్లు త్రెంచుకున్న
గెలుపు బావుటా
వికృత ఆలోచనల పంజాదెబ్బకు
విలవిల్లాడుతున్న మనోనిబ్బరం
వివక్షతా అగాధాల్లోకి నెట్టివేయబడుతున్న
చైతన్య సామర్థ్యం
ప్రణాళికల రూపకల్పనలో
అద్భుతాలను సృష్టించగల మేథ
సమాజపు తలలో నాలుకై
సంచరించే అమృత కలశం
అలసిపోయిన మనిషి బ్రతుకును
సేదదీర్చే మాతృ స్పర్శ
నిర్మలత్వపు పెదవులతో
మనుగడను శాసించే దివ్యశక్తి
బలహీనపరిచే చిన్నచూపుల ప్రశ్నకు
బడబానలమై ఉప్పొంగే సమాధానం
అంబగా..
అనంతాకృతులు దాల్చే జీవన స్ఫూర్తి
బతుకమ్మగా..
అఖిల జగతిని వెలిగించే ప్రాణజ్యోతి.