సిగ్గుపడుతున్న మట్టి

నిజానికి కొందరికి
దుఃఖం విడిగా రాదు
సుఖాల వెంపర్లాటలో
అదృశ్యంగా వెంటాడుతది

లక్షల కోట్లు వెనకేసుకున్న వాడికి
సుఖమెప్పుడూ ఎండమావే
పరుగెత్తినంతకాలం
జైళ్ళు నోళ్ళు తెరుస్తాయ

బుకాయంపుల వెనక
చిదంబర రహస్యాలేముంటాయ?
తప్పించుకునే యత్నంలో
దింపుడు కల్లం ఆశలే!

చరిత్ర పాఠాలను
ఎవరూ చెవికెక్కించుకోరు
రాజ్యాధికారాన్ని దానంచేసిన వాడిమీద
మూడోపాదం మోపక మానరు!

అన్యాయానికున్న ఆత్రం
న్యాయదేవతకుండదు
అదను చూసి కాని
శిక్షలు ఖరారు చేయదు

కూలిన రాజ్యాలు
శిథిలమైన రాజసౌధాలూ
జనకంటక దుర్మార్గాలకు
చెరిగిపోని సాక్ష్యాలు

మలినమంటిన చేతులతో
జాతి పతాకాన్ని ఎగురవేసినందుకు
మోసపోయన ఈ దేశపు మట్టి
మిమ్మల్ని కన్నందుకు సిగ్గుపడుతున్నది!