AADIVAVRAM - Others
సంఘం
S ,7 à 8 RSCA (si SASPAS) et 6 cialis pharmacie cialis rapports de stage.
Published Sunday, 22 December 2019
-సిహెచ్.గిరిప్రసాద్.. 9493388201
ఒకడు
ఒక్కో సంఘాన్ని
ఉసిగొల్పాడు
ఒకే నినాదం
నమ్మింది సంఘం
నినాదం మాటున
మర్మమెరుగక
ప్రజాపక్షమో
తప్పదనో
నేతలంతా హోరెత్తించిన
నినాదం
కులమూ
మతమూ కానక
ఉరిమింపజేసిన నినాదం
ఒక్కటై
నినాదాన్ని
ఫలింపజేసి
ఒక్కడిని గద్దె నెక్కించిన సమాజం
తొలినాళ్లల్లో
నినాద భ్రాంతిలో
సేద తీరిన సమాజం
ఒక్కో భ్రాంతి
వీడుతుంటే
ఒక్కో సంఘం
సంఘటితమై
బిగిస్తున్న పిడికిలి
అణచివేత ఆయుధం
అహంకారం విదిలించిన జూలు
నినాదమెనుక మర్మం
నగ్న నర్తింపు
సంఘం వద్దని హుంకరింపు
వాడు పుట్టక ముందే సంఘం
వాడు సచ్చినంక సంఘం సజీవం
గద్దెనెక్కించినది సంఘమే
కూలదోసేది సంఘమే
మనిషికి మరణం తథ్యం
మరణం లేనిది సంఘం
చిదిమేత ఎవడి తరం
నియంతలెందరినో సాగనంపిన
చరిత్ర సంఘానిది
సంఘం నిత్యం
పొద్దువోలే
కొత్త.. కొత్తగా
పదునెక్కిన కిరణాలతో.
*