Others
ఎమోషనల్‌గా కనెక్టవుతా.. (డైరెక్టర్స్ చాయిస్..)
S ,7 à 8 RSCA (si SASPAS) et 6 cialis pharmacie cialis rapports de stage.
-దర్శకుడు మను
మనం, దృశ్యం (మలయాళం, తెలుగు), పాపనాశనం చిత్రాలకు అసోసియేట్‌గా పనిచేసి, తొలిసారిగా సుమంత్ అశ్విన్ హీరోగా ‘రైట్ రైట్’ చిత్రానికి దర్శకత్వం వహించిన మను, పరిశ్రమలో ప్రామిసింగ్ దర్శకుడిగా తొలి చిత్రంతోనే పేరు తెచ్చుకున్నాడు. తమిళ, మలయాళ, తెలుగు సినిమాలపై చక్కని అవగాహన వున్న మనుతో ఈవారం చిట్ చాట్..
మీ నేపథ్యం?
-విజయనగరం జిల్లా సాలూరు. అయితే మా స్వస్థలం కేరళ. ఒకటినుంచి ఆరు వరకు తెలుగు మీడియంలో, అక్కడినుంచి పిజి వరకు కేరళలో చదువుకున్నా. దీంతో రెండు భాషలపై పట్టుతోపాటు తమిళాన్ని చక్కగా మాట్లాడగలను. విశాఖ జిల్లాలో నాంది ఫౌండేషన్‌లో ఎనిమిదేళ్లు ఉద్యోగం తరువాత దర్శకుడిగా మారాను.
దర్శకుడిగా ఎలా?
-సాలూరులో ఇంటి ఎదురుగా మూడు థియేటర్లు ఉండేవి. వాటిలో ప్రదర్శించే చిత్రాలన్నీ చిన్నప్పటినుంచీ చూసేవాడిని. 8వ తరగతినుంచే దర్శకుణ్ణి కావాలనే కోరిక వుండేది.
ఇష్టమైన జోనర్?
-ఎమోషన్‌కు ఫ్యాన్‌ని. తొలి చిత్రం రైట్ రైట్‌లోనూ ఇద్దరు స్నేహితుల మధ్య భావోద్వేగాల సమాహారం చూపించాను.
ఇప్పుడంతా లవ్, హారర్ జోనర్‌లేగా?
-ప్రేక్షకులు చూస్తున్నారు కనుక తీస్తున్నారు. దానికితోడు పరిశ్రమలో రెండు హిట్లు ఏ జోనర్‌లో వచ్చినా దాన్ని ఫాలో అవ్వడం సహజం. అలా లవ్, హారర్ జోనర్‌లే వస్తున్నాయని నేననుకుంటా.
పరిశ్రమలో సమస్యలు?
-నిర్మాతలు మంచి అభిరుచిగలవారు దొరకడంతో నేను సమస్యలూ ఎదుర్కోలేదు.
తొలి అవకాశం?
-మలయాళ దృశ్యం తరువత ఎంఎస్ రాజును కలిశా. ఆయన సైజ్ జీరో సినిమా టైంలో నన్ను పిలిచారు. తన ఫ్రెండ్ చిత్రానికి దర్శకత్వం వహించమన్నాడు. అదే రైట్ రైట్.
తదుపరి చిత్రాలు?
-రొమాంటిక్ కామెడీ జోనర్‌లో కథ రాసుకున్నా. రైట్ రైట్ నిర్మాతలే రూపొందించనున్నారు. త్వరలో ప్రారంభం అవుతుంది.
దర్శకుడంటే....?
-కెప్టెన్. అన్నివిధాలుగా తెలుసుకొని వుండాలి. ఎవరు ఏది చెప్పినా తాను అనుకున్నది తీయగలగాలి. ఎదుటివారు చెప్పిన విషయాల్లో మంచి వుంటే ఒప్పుకోగలగాలి.
Related Articles
సందీప్ వంగా -డార్లింగ్ ప్రభాస్ కాంబో ప్రాజెక్టు ఫినిషింగ్ టచ్‌లో ఉందన్న మాట వినిపిస్తోంది. సందీప్ డిజైన్ చేసిన ఫైనల్ స్క్రిప్ట్‌ను హీరో ఓకే చేస్తే -ప్రభ 22వ ప్రాజెక్టుకు అఫీషియల్ అనౌన్స్‌మెంట్ రావొచ్చన్న మాట వినిపిస్తోంది. ప్రస్తుతం ప్రభాస్ -ప్రాజెక్టు 20తో బిజీగా ఉన్నాడు.
ఇటీవల భారతీయ చలనచిత్రరంగంలో అత్యుత్తమ నటుడుగా నీరాజనాలందుకుంటున్న కమల్‌హాసన్, తాను నిర్మిస్తున్న భారతీయుడు-2 షూటింగ్ సందర్భంగా ఘోర ప్రమాదం జరిగి ముగ్గురు యూనిట్ సభ్యులు మరణించడం విచారకరం. సినిమారంగం యావత్తు సానుభూతి ప్రకటించింది. మూవీ ఆర్టిస్ట్ అసోసియేషన్ సంతాపం ప్రకటించింది.
పాన్ ఇండియా -టాగ్ లైన్‌తో భారీ వసూళ్లు రాబట్టే వ్యాపార సూత్రానికి మేకర్లు మరింత పదును పెడుతున్నారు. భారీ బడ్జెట్ నిర్మాతలంతా -రెండడుగులు ముందుకేసి ‘పాన్ ఇండియా’ మూవీలకు ప్లాన్ చేస్తుండటం కొద్దికాలంగా కనిపిస్తోన్న సీన్.
చెప్పడానికి తెలుగమ్మాయే గానీ తెలుగులో మాత్రం అవకాశాలు రావడం లేదు. ముంబాయిలో సైటిల్ అయిన భామ మున్నామైఖేల్ సినిమాతో తెరంగేట్రం చేసింది. తొలి సినిమాతోనే డాన్స్ పెర్ఫార్మెన్స్ అద్భుతంగా చేసి, టైగర్ ష్రాఫ్‌తో సమానంగా గుర్తింపు పొందింది. ఈ సినిమాలో నిథి అగర్వాల్‌ను చూసి అందరూ ఆశ్చర్యపోయారు.
దేవదాసు చంద్రముఖని చివరిసారిగా చూసి పార్వతికోసం రైలెక్కి దుర్గాపూర్ రోడ్డులో దిగి బండి ఎక్కి తూలుతూ, మూలుగుతూ రక్తం కక్కుకుంటూ, ఉరుములు, మెరుపులు, వాన ప్రారంభం కాగానే ఒక చోట బండి బురదలో దిగబడిపోతే, బండి దిగి బండివానికి సహాయం చేసి, దుర్గాపూర్ రాగానే కదలలేని స్థితికి చేరుకుంటాడు.