Others
ప్రేక్షకులకు ట్రెండ్ ఉండదు (డైరెక్టర్స్ చాయిస్..)
S ,7 à 8 RSCA (si SASPAS) et 6 cialis pharmacie cialis rapports de stage.
-రవీంద్ర సూరి
ఒక జోనర్‌లో సీక్వెన్స్ సినిమాలు వచ్చినపుడు ‘ట్రెండ్’ అనుకోవడమే తప్ప, ప్రేక్షకుల దృష్టిలో ప్రత్యేకమైన ట్రెండ్ అంటూ ఏమీ ఉండదంటున్నాడు కొత్త దర్శకుడు రవీంద్ర సూరి. లఘు
చిత్రాలతో కెరీర్ మొదలుపెట్టి
‘చెంబు చిన సత్యం’ సినిమాతో
పరిశ్రమలో మెయిన్‌స్ట్రీం దర్శకుడిగా గుర్తింపు పొందిన సూరితో
ఈ వారం చిట్‌చాట్
మీ నేపథ్యం?
సూర్యాపేట జిల్లాలోని శిల్పకుంట్ల మా ఊరు. తెలుగులో ఎంఫిల్ చేశాక, సినిమాపై ఆసక్తితో ఎల్‌బి శ్రీరాం వద్ద రైటర్‌గా కొన్నాళ్లు పనిచేశా.
మరి దర్శకుడిగా..?
డైరెక్షన్ పిచ్చి బాల్యం నుంచే ఉంది. ఏ సన్నివేశాన్నైనా అర్థవంతంగా చూపించాలన్న విజన్ ఉండేది. చిరంజీవి సినిమాలు చూసినప్పుడు కోరిక బలపడింది. డిపార్ట్‌మెంట్‌లో ఎవరి దగ్గరా పని చేయలేదు. స్ట్రగులే నన్ను డైరెక్టర్‌ని చేసింది.
నచ్చిన జోనర్?
లవ్, యాక్షన్ జోనర్లు ఇష్టం. నచ్చిందే తీస్తానంటే ప్రేక్షకులు చూడరు. వాళ్లకు నచ్చింది మనకొచ్చినట్టుగా చిత్రీకరిస్తే ఆడియన్స్ కనెక్టవుతారు. అప్‌డేట్‌తోనే డైరెక్టర్‌గా నిలబడతాం.
పరిశ్రమలో లేటెస్ట్ ట్రెండ్?
ట్రెండంటూ ఉండదు. ఏ జోనర్ సినిమామైనా రెండు గంటలు మెప్పించేలా తీస్తే చూస్తారు. దర్శకులు, రచయితలు లవ్, హారర్‌పై దృష్టిపెట్టడంతో ఆ తరహా సినిమాలు వస్తున్నాయంతే. అదే ట్రెండ్ అనుకుంటాం.
తొలి అవకాశం?
షార్ట్ ఫిల్మ్స్ తీసిన ఆలూరి సాంబశివరావు నుంచి ఫస్ట్ చాన్స్ వచ్చింది. అన్నయ్య సురేందర్ ప్రోత్సాహం తోడైంది. అందుకే ఆయన గుర్తుగా పేరులో సూరి పెట్టుకున్నా.
ఇండస్ట్రీలో సమస్యలు?
చిన్న బడ్జెట్ చిత్రం కనుక ప్లాన్డ్‌గానే చేశా. కానీ, విడుదల టైంలో డిస్ట్రిబ్యూటర్లు చుక్కలు చూపించారు. పోస్టర్లు వేయడానికి కూడా ముందుకు రాలేదు. చిన్న సినిమా చేసి, పెద్ద ఇబ్బందులు ఎదుర్కొన్నా.
తరువాతి ప్రాజెక్టులు?
మూడు కథలు రెడీగా ఉన్నాయి. వాటిపై నమ్మకంతో ఉన్నా.
దర్శకుడంటే?
24 క్రాఫ్ట్స్‌కు విజనున్న కమాండర్.
Related Articles
సందీప్ వంగా -డార్లింగ్ ప్రభాస్ కాంబో ప్రాజెక్టు ఫినిషింగ్ టచ్‌లో ఉందన్న మాట వినిపిస్తోంది. సందీప్ డిజైన్ చేసిన ఫైనల్ స్క్రిప్ట్‌ను హీరో ఓకే చేస్తే -ప్రభ 22వ ప్రాజెక్టుకు అఫీషియల్ అనౌన్స్‌మెంట్ రావొచ్చన్న మాట వినిపిస్తోంది. ప్రస్తుతం ప్రభాస్ -ప్రాజెక్టు 20తో బిజీగా ఉన్నాడు.
ఇటీవల భారతీయ చలనచిత్రరంగంలో అత్యుత్తమ నటుడుగా నీరాజనాలందుకుంటున్న కమల్‌హాసన్, తాను నిర్మిస్తున్న భారతీయుడు-2 షూటింగ్ సందర్భంగా ఘోర ప్రమాదం జరిగి ముగ్గురు యూనిట్ సభ్యులు మరణించడం విచారకరం. సినిమారంగం యావత్తు సానుభూతి ప్రకటించింది. మూవీ ఆర్టిస్ట్ అసోసియేషన్ సంతాపం ప్రకటించింది.
పాన్ ఇండియా -టాగ్ లైన్‌తో భారీ వసూళ్లు రాబట్టే వ్యాపార సూత్రానికి మేకర్లు మరింత పదును పెడుతున్నారు. భారీ బడ్జెట్ నిర్మాతలంతా -రెండడుగులు ముందుకేసి ‘పాన్ ఇండియా’ మూవీలకు ప్లాన్ చేస్తుండటం కొద్దికాలంగా కనిపిస్తోన్న సీన్.
చెప్పడానికి తెలుగమ్మాయే గానీ తెలుగులో మాత్రం అవకాశాలు రావడం లేదు. ముంబాయిలో సైటిల్ అయిన భామ మున్నామైఖేల్ సినిమాతో తెరంగేట్రం చేసింది. తొలి సినిమాతోనే డాన్స్ పెర్ఫార్మెన్స్ అద్భుతంగా చేసి, టైగర్ ష్రాఫ్‌తో సమానంగా గుర్తింపు పొందింది. ఈ సినిమాలో నిథి అగర్వాల్‌ను చూసి అందరూ ఆశ్చర్యపోయారు.
దేవదాసు చంద్రముఖని చివరిసారిగా చూసి పార్వతికోసం రైలెక్కి దుర్గాపూర్ రోడ్డులో దిగి బండి ఎక్కి తూలుతూ, మూలుగుతూ రక్తం కక్కుకుంటూ, ఉరుములు, మెరుపులు, వాన ప్రారంభం కాగానే ఒక చోట బండి బురదలో దిగబడిపోతే, బండి దిగి బండివానికి సహాయం చేసి, దుర్గాపూర్ రాగానే కదలలేని స్థితికి చేరుకుంటాడు.