అంతర్జాతీయం
పఠాన్‌కోట్ దాడిపై పాక్‌లో ఎఫ్‌ఐఆర్ నమోదు
S ,7 à 8 RSCA (si SASPAS) et 6 cialis pharmacie cialis rapports de stage.
లాహోర్/ఇస్లామాబాద్, ఫిబ్రవరి 19: పఠాన్‌కోట్ వైమానిక కేంద్రంపై ఉగ్రవాద దాడిపై పాకిస్తాన్ దర్యాప్తు ప్రారంభించింది. ఈఘటనకు సంబంధించి పలువురు వ్యక్తులపై పాక్ ప్రభుత్వం ఎఫ్‌ఐఆర్ నమోదు చేసింది. పాక్ స్వదేశీ వ్యవహారాల మంత్రిత్వశాఖ డిప్యూటీ డైరెక్టర్ ఎయుతాజ్ ఉద్దీన్ ఫిర్యాదు మేరకు కేసు నమోదైంది. దాడి వెనక జైషే ఉగ్రవాద సంస్థ చీఫ్ మసూద్ అజార్ హస్తముందని భారత్ మొదటి నుంచీ ఆరోపిస్తోంది. ఆయితే ఎఫ్‌ఐఆర్‌లో ఎక్కడా అతడి పేరు ప్రస్తావించకుండా ‘గుర్తుతెలియని వ్యక్తులు’ అంటూ పేర్కొన్నారు. పఠాన్‌కోట్ ఎయిర్‌బేస్‌పై ఉగ్రవాద దాడి నేపథ్యంలో భారత్-పాక్ విదేశాంగ కార్యదర్శుల స్థాయి చర్చలు వాయిదా పడ్డాయి. తాజాగా పంజాబ్ రాష్ట్రంలోని గుజ్‌రాన్‌వాలాలోని ఉగ్రవాద నిరోధక శాఖ(సిటిడి) కేంద్రంలో కేసు నమోదైంది. పఠాన్‌కోట్ దాడికి జైషే ఉగ్రవాద సంస్థే కారణమని భారత్ ఆరోపించడం, దానికి సంబంధించి ఆధారాలు అందజేయడం తెలిసిందే. దాడి వెనక జైషే చీఫ్ అజార్ ఉన్నాడని భారత్ చెబుతోంది. అంతేకాదు అజార్‌తోపాటు అతడి సోదరుడు రవూఫ్, మరో ఐదుగురు దాడికి సూత్రధారులంటూ పాక్‌కు స్పష్టం చేసింది. భారత జాతీయ భద్రతా సలహాదారు అజిత్ దోవల్ అందజేసిన నివేదిక ఆధారంగా ఎఫ్‌ఐఆర్ నమోదుచేసినట్టు సంబంధిత అధికారులు వెల్లడించాయి.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.