వాస్తుశాస్త్రంతో టి.సర్కారు పాలన!

హైదరాబాద్: తెలంగాణలో రాజ్యాంగం ప్రకారం కాకుండా- వాస్తు నమ్మకాలపై ప్రభుత్వం పనిచేస్తోందని కేంద్ర రక్షణమంత్రి మనోహర్ పారికర్ శనివారం ఇక్కడ జరిగిన బిజెపి కార్యకర్తల సమావేశంలో ఆరోపించారు. వాస్తుదోషాలంటూ ప్రజలను మభ్యపెడుతూ తెరాస పాలన సాగుతోందన్నారు. కేంద్రం ఎంతగా ఆదుకుంటున్నా కొందరు తెరాస మంత్రులు తప్పుడు ప్రచారం చేస్తున్నారని ఆయన ఆగ్రహం వ్యక్తం చేశారు. ప్రజలు పోరాడి తెచ్చుకున్న తెలంగాణ రాష్ట్రంలో నేడు కుటుంబ పాలన సాగుతోందన్నారు. తెలంగాణలో బిజెపి అధికారంలోకి రావడానికి ఎంతో దూరం లేదన్నారు. ఇక్కడ తమకు 14 శాతం ఓటుబ్యాంకు ఉందన్నారు.