రాష్ట్రీయం
పోలీసుల పూర్తి సహకారం లేకుండా విధులు నిర్వర్తించలేం
S ,7 à 8 RSCA (si SASPAS) et 6 cialis pharmacie cialis rapports de stage.
ఇసుక తవ్వకాలపై ఏపి రెవెన్యూ సర్వీసెస్ అసోసియేషన్
కాకినాడ, నవంబర్ 30: రాష్ట్రంలోని వివిధ ఇసుక రీచ్‌లలో జరుగుతున్న మాఫియా అక్రమాలపై రెవెన్యూ అధికారులు, సిబ్బంది విచారణకు వెళ్ళాల్సివస్తే అందుకు పోలీసుల సహాయాన్ని పూర్తిస్థాయిలో కల్పించాలని ఎపి రెవెన్యూ సర్వీసెస్ అసోసియేషన్ అధ్యక్షుడు బొప్పరాజు వెంకటేశ్వర్లు స్పష్టంచేశారు. పోలీసుల రక్షణ లేనిదే ఇసుక రీచ్‌ల జోలికి వెళ్ళేది లేదని, ఈ విషయాన్ని రాష్ట్ర ముఖ్యమంత్రి చంద్రబాబుకు కూడా విన్నవించినట్టు చెప్పారు. తూర్పు గోదావరి జిల్లా కేంద్రం కాకినాడలో సోమవారం వెంకటేశ్వర్లు విలేఖరులతో మాట్లాడారు. రాష్ట్రంలో ఇసుక మాఫియా ఆగడాలను అడ్డుకోవడానికి వెళుతున్న తహసీల్దార్లు, ఇతర సిబ్బందిపై జరుగుతున్న దాడులను వెంకటేశ్వర్లు ఈసందర్భంగా ప్రస్తావించారు. రాష్ట్రంలో సుమారు మూడు దశాబ్దాలుగా రెవెన్యూ శాఖ సిబ్బంది కొరతతో అల్లాడుతోందన్నారు. 1985లో మండలాల వ్యవస్థను ఏర్పాటుచేశారని, ఆ తర్వాత మండలాల విభజన జోలికి వెళ్ళలేదని పేర్కొన్నారు. మండలాల్లో జనం అనేక రెట్లు పెరిగినా మండల, డివిజన్ల సంఖ్యను పెంచకపోవడంతో పాటు ఉద్యోగుల సంఖ్యను కూడా పెంచలేదన్నారు. రెవెన్యూ అధికారులు, సిబ్బంది విపరీతమైన పనిభారంతో ఇబ్బందులు పడుతున్నారని చెప్పారు. ఇసుక, భూగర్భ గనులు, భూమి, సర్వే, వ్యవసాయం, అగ్రికల్చర్, పౌర సరఫరాలు తదితర పనులన్నీ ఒక్క రెవెన్యూ ఉద్యోగులే చూడాల్సి వస్తోందన్నారు. అన్ని రకాల ప్రభుత్వ శాఖలకు రెవెన్యూ శాఖ అత్యంత కీలకంగా మారిందన్నారు. వివిధ రకాల విద్యార్థుల పరీక్షల నుండి పోటీ పరీక్షల వరకు నిర్వహణ, ఓటరు జాబితాల నుండి పలు రకాల ఎన్నికల నిర్వహణ బాధ్యతలు కూడా రెవెన్యూ శాఖే చూడాల్సి వస్తోందన్నారు. రాష్ట్రంలోని ఒక్క సిసిఎల్‌ఎ శాఖ పరిధిలోనే 140 డిప్యూటీ తహశీల్దార్ల పోస్టులు ఖాళీగా ఉన్నాయని, మరో 150 వరకు పోస్టులు ఖాళీగా ఉన్నా భర్తీకి ప్రభుత్వం దృష్టి సారించలేదని వెంకటేశ్వర్లు విమర్శించారు. సమావేశంలో తూర్పు గోదావరి జిల్లా రెవెన్యూ ఉద్యోగుల సంఘం అధ్యక్షుడు పితాని త్రినాథరావు, కెఎస్‌వి సుబ్బారావు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.