రాష్ట్రీయం
391 పోస్టుల భర్తీకి పచ్చజెండా
S ,7 à 8 RSCA (si SASPAS) et 6 cialis pharmacie cialis rapports de stage.
ఎన్‌ఆర్‌హెచ్‌ఎం పథకం కింద భర్తీకి ఉత్తర్వులు
ఆయుష్ వైద్యులు, సిబ్బంది నియామకం
హైదరాబాద్, నవంబర్ 26: జాతీయ గ్రామీణ ఆరోగ్య పథకం (ఎన్‌ఆర్‌హెచ్‌ఎం) కింద తెలంగాణలో 391 మంది ఆయుష్ వైద్యులు, కాంపౌండర్లు, యోగ ఇన్‌స్ట్రక్టర్లు, స్వీపర్ పోస్టుల భర్తీకి వైద్య, ఆరోగ్య, కుటుంబ సంక్షేమశాఖ ముఖ్య కార్యదర్శి రాజేశ్వర్ తివారీ గురువారం ఉత్తర్వులు జారీ చేశారు. ఎన్‌ఆర్‌హెచ్‌ఎం ఫేజ్-1, ఫేజ్-2 రెండు దశల్లో ఆయుర్వేద, హోమియోపతి, యునాని, సిద్ధ, నేచరోపతి, యోగ నాలుగు విభాగాలలో ఈ పోస్టుల భర్తీకి రాష్ట్ర ఆయుష్ కమిషనర్‌కు అనుమతి ఇస్తూ ఉత్తర్వులు జారీ చేశారు. రాష్టవ్య్రాప్తంగా ప్రాథమిక ఆరోగ్య కేంద్రాలలో (పిహెచ్‌సి)లో ఆయుష్ వైద్యాన్ని అందుబాటులో తీసుకురావడానికి ఈ పోస్టులను భర్తీ చేస్తున్నట్టు ఉత్తర్వుల్లో పేర్కొన్నారు. భర్తీ చేయనున్న పోస్టులలో ఆయుర్వేద వైద్యాధికారులు 105, హోమియో వైద్యాధికారులు 50, యునాని వైద్యాధికారులు 21, నేచరోపతి వైద్యాధికారులు 8, కాంపౌండర్లు ఆయుర్వేదలో 64,హోమియో 46,యునాని 36, యోగ ఇన్‌స్ట్రక్టర్లు(సిద్ధ) 4, స్వీపర్లు 57 పోస్టులు ఉన్నాయి. ఇలా ఉండగా ప్రభుత్వం తాజాగా పోస్టుల భర్తీకి జారీ చేసిన ఉత్తర్వులలో ఫేజ్-1, ఫేజ్-2 కింద నియామకాలు జరుగనున్నట్టు పేర్కొనడం గందరగోళానికి దారితీసింది. ఎన్‌ఆర్‌హెచ్‌ఎం ఫేజ్-1, ఫేజ్-2 కింద 2008, 2009లో పోస్టులు భర్తీ అయ్యాయి. అయినప్పటికీ మళ్లీ ఆ రెండు ఫేజ్‌లలోనే పోస్టులు ఖాళీగా ఉన్నట్టు ఉత్తర్వులలో పేర్కొనడంతో ఆయోమయంగా మారింది. ఆరు సంవత్సరాల నుంచి ఈ ఫేజ్‌ల కింద కాంట్రాక్టు విధానంలో వైద్యాధికారులు, కంపౌండర్లు, స్వీపర్లు పని చేస్తున్నప్పటికీ, వారు పని చేస్తున్న పోస్టులను ఖాళీలుగా చూపడం పట్ల ఆయుష్ కాంట్రాక్టు ఉద్యోగుల సంఘం తీవ్ర ఆందోళన వ్యక్తం చేసింది. కాంట్రాక్టు ఉద్యోగులను రెండు నెలలో రెగ్యులరైజ్ చేయబోతున్నట్టు ముఖ్యమంత్రి కెసిఆర్ ప్రకటించిన 48 గంటలు గడవకముందే ఆయుష్ శాఖలో పని చేస్తున్న కాంట్రాక్టు ఉద్యోగులను తొలగించేలా ఉన్న ఈ ఉత్తర్వుల పట్ల వారు తీవ్ర ఆందోళన వ్యక్తం చేశారు. ఇప్పటికే ఎన్‌ఆర్‌హెచ్‌ఎం ఫేజ్-1, ఫేజ్-2 పోస్టులు భర్తీ కావడంతో జారీ చేసిన ఉత్తర్వులు ఫేజ్-3, ఫేజ్-4 సంబంధించినా? లేక గతంలో నియామకం అయిన వారిని తొలగించబోతున్నారా? అనే దానిపై స్పష్టత లేదని వారు వాపోతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.