విద్యుత్ షార్ట్‌సర్క్యూట్‌తో రెండు పూరిళ్లు దగ్ధం

చీరాల, డిసెంబర్ 18: మండలంలోని ఈపూరుపాలెం పంచాయతీలోని బోయినవారిపాలెంలో మంగళవారం చోటుచేసుకుంది. ఆ గ్రామానికి చెందిన కొమ్మనబోయిన శ్రీనివాసరావు, కొమ్మనబోయిన నాగరాజుకు చెందిన పూరిళ్లు షార్ట్‌సర్క్యూట్‌తో మంటలు వ్యాపించి అగ్నికి ఆహుతయ్యాయి. ఈ ప్రమాదంలో ఇంట్లోని గృహోపకరాలు, నగదు, బంగారు వస్తువులు, దుస్తులు, విలువైన డాక్యుమెంట్లు అగ్నికి పూర్తిగా కాలిపోయాయి. కట్టుబట్టలతో బాధితులు మిగలడంతోపాటు దాచుకున్న నగదు, బంగారు వస్తువులు కళ్లముందే కాలిబూడిద కావడంతో కుటుంబసభ్యుల రోదన అంతా ఇంతాకాదు. ఈ ప్రమాదంలో మొత్తం రూ. 8లక్షల వరకు ఆస్తి నష్టం సంభవించినట్లు బాధితులు అధికారుల ముందు వెల్లడించారు. ఈ మేరకు అగ్నిమాపక సిబ్బంది, రెవెన్యూ అధికారులు సమాచారం తీసుకున్నారు.