జాతీయ వార్తలు
దళిత పారిశ్రామికవేత్తలకు ఊతం
S ,7 à 8 RSCA (si SASPAS) et 6 cialis pharmacie cialis rapports de stage.
ఏపి సాంఘిక సంక్షేమ మంత్రి రావెల
న్యూఢిల్లీ, డిసెంబర్ 29: ఆంధ్రప్రదేశ్‌లో దళిత పారిశ్రామికవేత్తలకు ప్రోత్సాహం అందించేందుకు తెలుగుదేశం ప్రభుత్వం సిద్ధంగా ఉందని రాష్ట్ర సాంఘిక సంక్షేమ మంత్రి రావెల కిషోర్ బాబు స్పష్టం చేశారు. కిషోర్‌బాబు మంగళవారం ఇక్కడ విలేఖరులతో మాట్లాడుతూ ఢిల్లీ విజ్ఞాన్ భవన్‌లో జరిగిన జాతీయ దళిత చాంబర్ ఆఫ్ కామర్స్ అండ్ ఇండస్ట్రీస్ (డిఐసిసిఐ) సమావేశం విజయవంతమైందన్నారు. మంత్రి ఈ సమావేశానికి ప్రత్యేక ఆహ్వానితుడుగా హాజరయ్యారు. దళిత పారిశ్రామికవేత్తలు డాక్టర్ బాబాసాహెబ్ అంబేద్కర్ ఆశయాలను నిలబెడతారని ప్రధాన మంత్రి నరేంద్ర మోదీ మాట్లాడటం తమకు ఎంతో ప్రోత్సాహం ఇచ్చిందని కిషోర్‌బాబు తెలిపారు. డిజిటల్ ఇండియాలో భాగంగా దళిత చాంబర్ ఆఫ్ కామర్స్ కేంద్ర ప్రభుత్వంతో కీలక ఎంఓయు కుదుర్చుకుందని మంత్రి చెప్పారు. దళితుల అభివృద్ధికి తెలుగుదేశం ప్రభుత్వం అనేక చర్యలు తీసుకుంటోందని ఎస్‌సి, ఎస్‌టి ఉప ప్రణాళిక కింద కేటాయించిన నిధులను సమర్ధవంతంగా ఖర్చు చేసినట్లు కిషోర్ బాబు వెల్లడించారు. ఎస్‌సి, ఎస్‌టిలు ఉద్యోగాల కోసం నిలబడే బదులు ఉద్యోగాలు ఇచ్చే స్థాయికి ఎదిగి రావాలంటూ నరేంద్ర మోదీ పిలుపునివ్వడం ముదావహం అన్నారు. ఎస్‌సి కార్పొరేషన్ 2014-15 సంవత్సరానికి ఇప్పటి వరకూ 1000 కోట్ల రూపాయల రుణాలను మంజూరు చేసిందని మంత్రి స్పష్టం చేశారు. అందులో 440 కోట్ల రూపాయలను వౌలిక వసతుల కల్పనకు ఉపయోగించటం జరిగిందని ఆయన తెలిపారు. గత ప్రభుత్వం ఎస్‌సి కార్పొరేషన్‌కు కేవలం 60 కోట్లు కేటాయిస్తే తెలుగుదేశం ప్రభుత్వం 1000 కోట్లు ఇచ్చేందుకు సిద్ధమైందని రావెల చెప్పారు. నైపుణ్య అభివృద్ధి, ఉపాధి కల్పన కోసం ప్రైవేట్ సంస్థల సహకారం తీసుకునేందుకు రాష్ట్ర ప్రభుత్వం ప్రయత్నిస్తోందన్నారు. (చిత్రం) ఢిల్లీలో మంగళవారం జరిగిన దళిత చాంబర్ ఆఫ్ కామర్స్ అండ్ ఇండస్ట్రీస్ సమావేశంలో పాల్గొన్న రాష్ట్ర మంత్రి రావెల కిశోర్ బాబు
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.