రివ్యూ

విశ్వరూపమే లేదు!

S ,7 à 8 RSCA (si SASPAS) et 6 cialis pharmacie cialis rapports de stage.

బాగోలేదు* విశ్వరూపం-2
*
తారాగణం:
కమల్‌హాసన్, పూజాకుమార్
ఆండ్రియా, శేఖర్ కపూర్
నాజర్ తదితరులు
సంగీతం: జిబ్రాన్
కెమెరా: సాను వర్గీస్
నిర్మాణం: రాజ్ కమల్ ఫిలిమ్స్
నిర్మాతలు: చంద్రహాసన్,
కమల్‌హాసన్
కథ, స్క్రీన్‌ప్లే, దర్శకత్వం:
కమల్‌హాసన్
*
జాతీయ నటుడిగా ఇమేజ్ తెచ్చుకున్న కమల్‌హాసన్ దాదాపు ఐదేళ్ల గ్యాప్ తరువాత విశ్వరూపం సీక్వెల్‌తో వచ్చాడు. ఆయన తీసిన మొదటి భాగం మంచి విజయాన్ని అందుకున్నప్పటికీ దాని కంటే కూడా ఎక్కువ సంచలనాలు రేగాయి. ఈ సినిమా విషయంలో పలు వివాదాలు రేగడంతో ఆయన దేశం విడిచి వెళతాననేవరకు వచ్చింది పరిస్థితి. ఆ తరువాత అంతా సద్దుమణిగిందనుకోండి, అది వేరే విషయం. నటుడిగా ఆయన ఏ రేంజ్ ఆర్టిస్ట్ అన్నది కొత్తగా చెప్పాల్సిన పనిలేదు. ఎన్నో విభిన్నమైన పాత్రలు పోషించి నటనలో ఐకానిక్‌గా నిలిచిపోయారు. ఆయన తీసిన ఈ చిత్రం టెర్రరిజం నేపథ్యంలో ‘విశ్వరూపం-2’గా రూపొందింది. మరి ఈ రెండో విశ్వరూపంలో కమల్ తన విశ్వరూపాన్ని ఎలా చూపించాడు అన్నది తెలియాలంటే కథలోకి వెళ్లాల్సిందే..
విశ్వరూపం మొదటి భాగం ఎక్కడైతే ముగిసిందో ఈ కథ అక్కడే మొదలుపెట్టారు. విశ్వనాధ్ అలియాస్ మేజర్ వసీం అహ్మద్ కాశ్మీరీ అనే ఆర్మీ అధికారి (కమల్‌హాసన్) టెర్రరిస్టుల అటాక్ నుండి అమెరికాను రక్షిస్తాడు. ఆయనతోపాటు ఆయన టీమ్ చాకచక్యంగా వ్యవహరించి టెర్రరిస్టులను అంతమొందిస్తుంది. ఆ తరువాత ఇండియా వచ్చిన విశ్వనాథన్ అలియాస్ వసీంని పెళ్లిచేసుకున్నా కూడా సంసార సుఖానికి పనికిరాడని అనుకుంటుంది నిరుపమా (పూజాకుమార్). కానీ ఆమెకు అసలు విషయం తెలియడంతో భర్తను అర్థం చేసుకుని అతనితోపాటు ఇండియా వచ్చేస్తుంది. వీరితోపాటు లేడీ కమాండర్ అష్మిత సుబ్రహ్మణ్యం (ఆండ్రియా) కల్నల్ జగన్నాథ్ (శేఖర్ కపూర్) కూడా వస్తారు. ఈలోగా అమెరికా కంటే ఇండియాలోనే పెద్ద బ్లాస్ట్ ప్లాన్ చేస్తున్నారని.. దాంతో దేశం మొత్తం నాశనం అవుతుందని తెలుసుకున్న వసీం దాన్ని అడ్డుకునే ప్రయత్నం చేస్తాడు. ఈ ప్లాన్ అంతటికి లీడర్ అయిన ఒమర్ ఖురేషీ (రాహుల్ బోస్)ని అడ్డుకుంటాడు. అయితే రాహుల్ బోస్ ఎవరో కాదు, చిన్నప్పటినుండి తనతోపాటే పెరిగిన వ్యక్తి.. కానీ జిహాదీ మత్తులో వున్న ఆయన అధికారం కోసం ఇదంతా చేస్తుంటాడు. ఒమర్ ఇండియాలోని అధికారులను కూడా లోబరచుకుని ఈ బ్లాస్ట్‌లకు ప్లాన్ చేస్తాడు. దాంతో వసీం వారిని అంతమొందించే ప్రయత్నాలు మొదలుపెడతాడు. మరి వసీం ఒక్కడే ఈ బాంబ్ బ్లాస్ట్‌ని ఆపగలిగాడా.. అతని ఫ్యామిలీ (తల్లి వహీదా రెహమాన్)ను ఎలా కాపాడుకున్నాడు అన్నది మిగతా కథ..
ఈ సినిమా మొత్తం వన్‌మాన్ షో అని చెప్పాలి. ఈ సినిమాకు కర్త, కర్మ, క్రియ మొత్తం కమల్‌హాసనే. నటుడిగానే కాదు నిర్మాత, దర్శకుడు కావడంతో సినిమాని మొత్తం తన భుజాలపై నడిపించాడు. కమల్‌హాసన్ నటన గురించి ఈ రోజు కొత్తగా మాట్లాడే అవసరం లేదు. ఎందుకంటే ఆయన నటనలో పిహెచ్‌డి చేసిన వ్యక్తి.. ఇక దర్శకుడిగా కాస్త తక్కువ మార్కులే వేయాల్సి వస్తుంది ఈ సినిమా విషయంలో.. నిజానికి ఈ సినిమా ఐదేళ్ల క్రితం తీసింది. మొదటి భాగానికి, ఈ సీక్వెల్ విషయంలో సరైన కథను కథనాన్ని నడిపించలేకపోయారు. ఆయన ఈ వయసులో కూడా ఇంత ఎనర్జిటిక్‌గా ఉండటం ప్రతి ఒక్కరికీ షాక్ అనిపిస్తుంది. కొన్ని సన్నివేశాల్లో కమల్ తన నటనతో మెప్పించాడు. ఇక పూజ కుమార్ భార్యగా బాగానే నటించింది. అయితే కమల్ సినిమాలో ఊహించే రొమాన్స్.. గ్లామర్ ఈ సినిమాలో బాగా తగ్గింది. పూజాకుమార్‌ను గ్లామర్ విషయంలో ఎక్కడా వాడుకోలేదు. భార్యాభర్తల మధ్య ఒక రొమాంటిక్ సీన్ అండ్ సాంగ్ కాస్త రిలాక్స్‌గా అనిపిస్తుంది. ఇక ఆండ్రియా సోల్జర్‌గా తన పాత్ర పరిధి మేరకు అద్భుతంగా నటించింది. శేఖర్‌కపూర్ సెటిల్డ్ నటన కనబరిచాడు. రాహుల్ బోస్ చక్కటి విలనిజాన్ని పండించి మార్కులు కొట్టేశాడు. మిగతా నటీనటులు వారి వారి పాత్రల్లో బాగానే చేశారు.
స్పై థ్రిల్లర్‌గా తెరకెక్కిన ఈ సినిమా టెక్నికల్ అంశాల గురించి చెప్పాలంటే.. దర్శకుడిగా కమల్ రాసుకున్న కథ.. మొదటి భాగానికే చక్కగా కుదిరింది. రెండో భాగంలో అసలు విషయం మిస్ అయింది. అనవసరమైన ఫ్లాష్ బ్యాక్‌లు.. కథ మధ్య మధ్యలో ఏవేవో సన్నివేశాలు రావడం.. కథ డిస్ట్రబ్ అవ్వడం ప్రేక్షకుడిని కాస్త కన్‌ఫ్యూజ్‌కి గురిచేస్తాయి. ఇలాంటి కథ సాగాలంటే పర్‌ఫెక్ట్ స్క్రీన్‌ప్లే అవసరం. అది ఇందులో లేదు. అనవసర సన్నివేశాలు టెన్షన్ పెడతాయి. కమల్ దర్శకుడిగా విఫలం అయ్యాడని చెప్పాలి. ఇక జిబ్రాన్ అందించిన సంగీతం, రీరికార్డింగ్ ఫర్వాలేదు. ‘ఆధారంగా.. అనురాగం’ పాట బాగుంది. పైగా ఆ పాటన కమల్ చేత పాడించడం బాగా కుదిరింది. ఇక కెమెరా పనితనం గురించి చెప్పాలంటే టెక్నికల్ సినిమా కాబట్టి ఈ స్థాయిలో మంచి ఫొటోగ్రఫీ కుదిరింది. కొన్ని సన్నివేశాల్లో మ్యాజిక్ కనపడింది. ఎడిటింగ్ విషయంలో ఇంకాస్త కేర్ తీసుకుంటే బాగుండేది. అనవసరమైన సన్నివేశాలు ప్రేక్షకులను ఇబ్బంది పెడతాయి. కమల్ నిర్మాణ విలువలు బాగున్నాయి.
చివరగా..కమల్‌హాసన్ సినిమా అనగానే ఏదో ఊహించి సినిమాకు వెళ్ళే అభిమానులు ఉంటారు.. కానీ ఈ సినిమాలో అలాంటి గొప్ప సన్నివేశాలు, గొప్ప నటన ఏమీ లేదు. ఈ కథ విషయంలో క్లారిటీ మిస్ అయింది. దర్శకుడు చెప్పాలనుకున్న విషయాన్నీ సరిగ్గా చెప్పలేకపోయాడు. ఇక స్క్రీన్‌ప్లేనే ఇలాంటి చిత్రాలకు కీ అలాంటిది. ఈ సినిమాకు అదే మిస్ అయింది. హాలీవుడ్ స్థాయిలో తీయాలని ప్లాన్ చేసినప్పటికీ ఆ పర్‌ఫెక్షన్ మిస్ అవ్వడం, అసలు కథ ఎక్కడినుండి ఎక్కడికి వెళుతుందో, అసలు ఏమి జరుగుతుందో అర్థంకాని పరిస్థితి. మొదటి విశ్వరూపంలో ఈ సినిమా కొంతైనా బాగుంటే దాని స్థాయి మరోలా ఉండేది.
*

-త్రివేది