రాష్ట్రీయం
శంకుస్థాపన వాయిదా
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 12: ఆంధ్రప్రదేశ్ తాత్కాలిక సచివాలయం భవనాల నిర్మాణానికి సంబంధించి రేటు కుదరకపోవడంతో శుక్రవారం సిఎం చంద్రబాబు వేయాల్సిన ఫౌండేషన్ స్టోన్ కార్యక్రమం వాయదాపడింది. శుక్రవారం రాష్ట్ర సచివాలయంలో ఉన్నతస్థాయి సమావేశం జరిగింది. రెండు మూడు రోజుల్లో టెండర్లు ఖరారు చేస్తామని మున్సిపల్ వ్యవహారాల ముఖ్యకార్యదర్శి అజయ్ జైన్ తెలిపారు. టెండర్లు వేసిన సంస్థలతో చర్చలు త్వరగా ముగించాలని చూస్తున్నామని, ప్రక్రియ రెండు లేదా మూడు రోజుల్లో పూర్తవుతందన్నారు. తాత్కాలిక సచివాలయ నిర్మాణ బాధ్యతలను ఎల్ అండ్ టికి అప్పగించే అవకాశం ఉందని విశ్వసనీయ వర్గాలు వెల్లడించాయి. ఎల్ అండ్ టి నిర్ణీత గడువులోగా భవనాల నిర్మాణాన్ని పూర్తి చేసిన చరిత్ర కలిగి ఉండటంతో పాటు రేటు విషయంలో పట్టువిడుపులకు పోకుండా ఏదోక రేటుకు అంగీకరించే అవకాశం ఉందని అంటున్నారు. సచివాలయం భవనాల నిర్మాణానికి ముందుకొచ్చిన సంస్థల్లో షార్ట్ లిస్ట్ తర్వాత ఎల్ అండ్ టితో పాటు షాపూర్జీ పల్లోంజీ సంస్థలు మిగిలాయి. సచివాలయం భవనాల నిర్మాణం వ్యయం ఒక్కో చదరపు అడుగుకు (ఎస్‌ఎఫ్‌టి) మూడు వేల రూపాయల వరకు ఖరారు చేయాలని ప్రభుత్వం భావించింది. అవసరమైయితే మరో ఐదు శాతం ఎక్కువ చేసి 3150గా నిర్ణయంచాలని భావించారు. అయితే ఎల్ అండ్ టి, షాపూర్జీ పల్లోంజీ వేసిన ఫైనాన్స్ బిడ్లలో 4 వేలనుండి 4200 రూపాయల వరకు పేర్కొన్నట్టు తెలిసింది. రెండు సంస్థలు ఎంత వరకు దిగివస్తాయో చర్చల తర్వాత తేలుతుంది. క్యాపిటల్ రీజియన్ డెవలప్‌మెంట్ అథారిటీ (సిఆర్‌డిఎ) ఈ అంశంపై రెండు సంస్థల ప్రతినిధులతో చర్చలు జరుపుతోంది. తాత్కాలిక భవనాల నిర్మాణాన్ని ఆరునెలల్లో పూర్తి చేసి రాష్ట్ర సచివాలయంతో పాటు రాజధాని కార్యాలయాలను జూన్ 30లోగా హైదరాబాద్ నుంచి కొత్త రాజధాని ప్రాంతానికి మార్చాలని ప్రభుత్వం నిర్ణయించింది. అయితే తాత్కాలిక సచివాలయం భవనాల నిర్మాణం ప్రక్రియలో అవాంతరం ఏర్పడటంతో జాప్యం జరిగే అవకాశం కనిపిస్తోంది. ఫిబ్రవరి 10నాటికి టెండర్ల ప్రక్రియ పూర్తి చేసి, భవన నిర్మాణ పనులను నిర్మాణ సంస్థకు అప్పగించాలని భావించారు. 12న ఫౌండేషన్ స్టోన్ వేస్తే యుద్ధప్రాతిపదికన భవనాల నిర్మాణం పూర్తి చేయాలని భావించారు. తాత్కాలిక సచివాలయం భవనాల నిర్మాణానికి రాష్ట్ర ప్రభుత్వం ఇప్పటికే 182 కోట్లు కేటాయించింది. ఈ అంశంపై సిఎం చంద్రబాబు కూడా ప్రత్యేక శ్రద్ధ తీసుకుంటుండంతో రెండురోజుల్లో నిర్మాణ పనులపై అంగీకారం కుదిరే అవకాశముందని తెలిసింది. ఇందుకోసం 45 ఎకరాలను కేటాయిస్తూ, ప్రభుత్వం గురువారమే ఉత్తర్వులు జారీ చేసింది. ఎల్ అండ్ టికే సచివాలయ భవనాల నిర్మాణం లభిస్తే మే చివరినాటికే నిర్మాణం పూర్తి చేసేందుకు సంస్థ సిద్ధంగా ఉన్నట్టు స్పష్టమవుతోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.